کراچی ایئرپورٹ، یکے بعد دیگرے 2 طیاروں سے پرندے ٹکرا گئے
اشاعت کی تاریخ: 27th, June 2025 GMT
—فائل فوٹو
کراچی ایئر پورٹ پر یکے بعد دیگرے 2 طیاروں سے پرندے ٹکرا گئے، اڑان کے لیے تیار پرواز روک لی گئی۔
ایئر پورٹ ذرائع کے مطابق پرندہ ٹکرانے کا پہلا واقعہ غیر ملکی ایئر لائن کی پرواز کے ساتھ پیش آیا جبکہ دوسرا واقعہ نجی ایئر لائن کی پرواز کے ساتھ دورانِ لینڈنگ رونما ہوا۔
ذرائع کے مطابق نجی ایئر لائن کی لاہور سے کراچی پہنچنے والی پرواز میں 150 سے زائد مسافر سوار تھے جبکہ غیر ملکی پرواز کراچی سے استنبول کے لیے روانہ ہو رہی تھی۔
ایئر پورٹ ذرائع کے مطابق غیر ملکی ایئر لائن کی پرواز سے پرندہ ایئر پورٹ پر ٹیکسی کرنے کے دوران ٹکرایا، طیارے میں 200 سے زائد مسافر سوار تھے، جس کی پرواز روک دی گئی ہے۔
ذرائع کے مطابق ڈی جی ایئر پورٹ اتھارٹی نے کراچی ایئر پورٹ پر فوری فیومی گیشن کرانے اور اضافی برڈ شوٹر تعینات کرنے کی ہدایات دیں۔
.ذریعہ: Jang News
کلیدی لفظ: ذرائع کے مطابق ایئر لائن کی ایئر پورٹ کی پرواز
پڑھیں:
ایف آئی اے کی کراچی ایئرپورٹ پر کارروائی، غیرقانونی راستے سے بیلاروس جانے والے دو مسافر گرفتار
کراچی:ایف آئی اے نے وزٹ ویزے کی آڑ میں غیرقانونی راستے سے بیلاروس جانے کی کوشش ناکام بنادی۔
ترجمان ایف آئی اے کےمطابق ایف آئی اے امیگریشن کراچی ایئرپورٹ نے وزٹ ویزے کی آڑ میں غیر قانونی راستے سے بیلاروس جانے والے 2 مسافروں کو آف لوڈ کیا، مسافروں میں محمد آکاش اور اسد رحمان شامل ہیں،جن کاتعلق کوٹلی آزادکشمیر سے ہے۔
مسافر خلیجی ملک کی ایئرلائن کی پرواز ایف زیڈ330کے ذریعے وزٹ ویزے پر آذربائیجان جارہےتھے، مسافر اسد رحمان کا پاسپورٹ ٹمپرڈ شدہ تھا اور پاسپورٹ سے ویزہ صفحات غائب تھے، مسافروں کے سامان سے جعلی پروٹیکٹرز اسٹمپس بھی برآمد کرلی گئی، مسافروں کے موبائل فون سے آذربائیجان کے جعلی ورک ویزے، پولیس سرٹیفیکیٹ، پروٹیکٹر اور بینک ٹرانزیکشنز کی تصاویر بھی برآمد کی گئیں۔
ترجمان ایف آئی اے کےمطابق مسافروں نےآذربائیجان سے بعد ازاں غیرقانونی طورپر بیلاروس جانا تھا، اس تناظر میں مسافروں نے ایجنٹ کو 14 لاکھ روپے فی کس بطور کیش اور بینک ٹرانزیکشن کے ذریعے ادا کیے، بعد ازاں مزید قانونی کارروائی کے لیے مسافروں کو اینٹی ہیومن ٹریفکنگ سرکل کراچی منتقل کیا گیا۔
پشاور، ڈرگ فری مہم میں مبینہ بے قااعدگیوں کا انکشاف