کراچی ایئرپورٹ پر ایک اور فضائی حادثہ ہوتے ہوتے بچ گیا
اشاعت کی تاریخ: 27th, June 2025 GMT
data-id="863a0a8" data-element_type="widget" data-widget_type="theme-post-content.default">
کراچی ایئرپورٹ پر ایک اور فضائی حادثہ ہوتے ہوتے رہ گیا، فلائی جناح کی لاہور سے آنے والی پرواز لینڈنگ کے دوران پرندے سے ٹکرا گئی، تاہم کپتان نے غیر معمولی مہارت کا مظاہرہ کرتے ہوئے طیارے کو بحفاظت ایئرپورٹ پر اتار لیا۔ پرواز میں 150 سے زائد مسافر سوار تھے، جنہیں بحفاظت نکال لیا گیا۔
ذرائع کے مطابق پرواز جیسے ہی لینڈنگ کے قریب پہنچی تو طیارے سے پرندہ ٹکرا گیا۔ کپتان نے فوری طور پر صورتحال سے ایئر ٹریفک کنٹرول (اے ٹی سی) کو آگاہ کیا اور طیارے کو محفوظ طریقے سے زمین پر اتار لیا۔
محکمہ ایوی ایشن کے حکام نے خدشہ ظاہر کیا ہے کہ حالیہ بارشوں کے بعد ایئرپورٹ اور اس کے اطراف میں کیڑے مکوڑوں کی افزائش کے باعث پرندوں کی تعداد میں غیر معمولی اضافہ ہو گیا ہے، جس کے نتیجے میں طیاروں سے پرندوں کے ٹکرانے کے واقعات بڑھ رہے ہیں۔
ڈی جی ایئرپورٹس ذیشان سعید نے فوری طور پر ایئرپورٹ کے گرد فیومیگیشن کرانے اور اضافی برڈ شوٹرز تعینات کرنے کی ہدایت دے دی ہے تاکہ آئندہ ایسے واقعات سے بچا جا سکے۔
یاد رہے کہ چند روز قبل بھی استنبول جانے والی ترکش ایئرلائن کی پرواز کو کراچی ایئرپورٹ پر اسی نوعیت کے واقعے کا سامنا کرنا پڑا تھا، جس میں ٹیکسی وے پر پرندہ ٹکرا جانے کے باعث کپتان کو ہنگامی بریک لگانا پڑی۔
مسلسل سامنے آنے والے ان واقعات نے ایوی ایشن حکام اور متعلقہ اداروں کی کارکردگی پر سوالات کھڑے کر دیے ہیں، جنہیں پرندوں کی موجودگی کم کرنے کے لیے فوری اور مؤثر اقدامات کی ضرورت ہے۔
.ذریعہ: Jasarat News
کلیدی لفظ: ایئرپورٹ پر
پڑھیں:
تکنیکی وجوہات، پی آئی اے کا فلائٹ آپریشن متاثر ، متعدد پروازیں منسوخ، کئی تاخیر کا شکار
احسن عباسی: تکنیکی وجو ہات پر آج بھی پی آئی اے کا فلائٹ آپریشن متاثر رہا ، کئی پروازیں منسوخ جبکہ متعدد تاخیر کا شکار ہوئیں۔
منسوخ ہونیوالی پروازوں میں کراچی سے دبئی کی پرواز پی کے 213 ،کراچی سے ملتان کی پی کے 330 ،پشاور سے شارجہ کی پرواز پی کے 257 شامل ہیں۔ تاخیر کا شکار ہونیوالی پروازوں میں کراچی سے اسلام آباد کی پرواز پی کے 300 آدھا گھنٹہ ،کراچی سے لاہور کی پرواز پی کے 302 تاخیر سے روانہ ہوئی۔
ڈالر کی قیمت میں کمی
کراچی سے کوئٹہ دوپہر ایک بجے کی پی کے 310 ساڑھے چار گھنٹے کی تاخیر یعنی شام 5:30بجے ،کراچی سے لاہور کی دوپہر 2 بجے کی پرواز پی کے 304 چار گھنٹے تاخیر سے شام 6 بجے روانہ ہوگی۔
دوسری طرف کراچی سے مدینہ کی پرواز پی کے 743 دو گھنٹے تاخیر سے رات 10 بجے شیڈول کردی گئی ہے۔ ایئر پورٹ ذرائع کے مطابق اسلام آباد سے کوئٹہ پرواز پی کے 325 ساڑھے چار گھنٹے تاخیر سے دوپہر 12:30 بجے روانہ ہوگی۔
روزِ اول سے پاکستان کو ڈیجیٹل نیشن بنانے کیلئے اقدامات کو اولین ترجیح دی؛ وزیراعظم
اسلام آباد سے العین کی پرواز پی کے 143 تین گھنٹے تاخیر سے رات ساڑھے 12 بجے شیڈول کی گئی ہے۔ لاہور سے کراچی کی پرواز پی کے 303 دو گھنٹے تاخیر سے دوپہر ایک بجے روانہ ہوئی ۔
لاہور سے کراچی کی شام 5 بجے کی پرواز پی کے 305 ایک گھنٹے تاخیر سے روانہ ہوگی۔ پشاور سے ابو ظہبی کی صبح 11 بجے کی پرواز پی کے 217 ساڑھے سات گھنٹے تاخیر سے شام ساڑھے 6 بجے شیڈو ل ہے۔
رکشہ ڈرائیور کو بچانے والا پولیس کانسٹیبل چل بسا
حکومت آئینی ترامیم کے ذریعے اقتدار کو طول دینا چاہتی ہے، بیرسٹر سیف