حیدرآباد :مرکزی گول بلڈنگ کے اطراف غیر قانونی پارکنگ
اشاعت کی تاریخ: 28th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)حیدرآباد شہر کے مرکز گول بلڈنگ اوراس کے اطراف ہزاروں موٹرسائیکلوں کی سڑک کے درمیان غیرقانونی پارکنگ اورموٹرسائیکلوں کی خریدوفروخت کے باعث بدترین ٹریفک جام پر ڈسٹرکٹ ایڈمنسٹریشن ،پولیس اورٹریفک پولیس نے خاموشی اختیار کرلی ،گول بلڈنگ کے اطراف اوراس کی لنک گلیوں پرموٹرسائیکلوں کی غیرقانونی پارکنگ کے باعث فوجداری روڈ،اسٹیشن روڈ سمیت سٹی کے تمام علاقوں میں بدترین ٹریفک جام رہتا ہے،حیدرآبادلاء کالج شاپنگ سینٹر کرایہ داروں نے بھی سڑک کے وسیع حصے پر قبضہ کرکے سڑک کے درمیان شورومز قائم رکھے ہیں ۔تفصیلات کے مطابق گول بلڈنگ کے علاقہ اوراس کے اطراف میں سڑکوں پر ہزاروں موٹرسائیکلوں کی غیرقانونی پارکنگ اورسڑک کے درمیان موٹرسائیکلوں کی خریدوفروخت کے باعث بدترین ٹریفک جام ہونے ،پیدل چلنے والوں کو مشکلات،سینکڑوں علاقہ مکینوں کی زندگی عذاب ہونے اورصبح سے رات گئے تک گھروں میں محصور ہونے پر موجودہ ڈپٹی کمشنر زین العابدین ،اسسٹنٹ کمشنر سٹی بابر صالح راہپوٹو،ایس ایس پی حیدرآباد،ایس اوٹریفک پولیس سٹی ،ایس ایچ اوسٹی ،ایس کینٹ سمیت متعلقہ تمام حکام نے خاموشی اختیارکررکھی ہے ،خاص کر موجودہ ڈسٹرکٹ ایڈمنسٹریشن کسی بھی مقام پر عوام کے مسائل کے حل خصوصاٹریفک جام کے مسئلے پر کوئی سنجیدگی یا عملی اقدامات نظر نہیں آتے ہیں ،جبکہ اعلی سطح خاندانی اثررسوخ پر تعینات اسسٹنٹ کمشنر سٹی کی ٹریفک کے مسائل سمیت دیگر فرائض میں کوئی دلچسپی نظر نہیں آتی ہے اسی طرح شہری اثررسوخ رکھنے والی جماعت ایم کیوایم اورمیئر حیدرآباد کا اعزاز حاصل کرنے والے کاشف شورو بھی شاید ٹریفک جام کے مسئلے سے لاتعلق ہیں ،حالانکہ گول بلڈنگ کے اطراف غیرقانونی موٹرسائیکل پارکنگ ختم کرنے کے احکامات سندھ ہائی کورٹ نے برائے راست ڈپٹی کمشنر اورایس ایس پی حیدرآباد کو دئیے ہیں ۔
.ذریعہ: Jasarat News
پڑھیں:
ضلعی انتظامیہ کا اجلاس، چاول کی پیداوار میں اضافے پر اتفاق
طاہر جمیل: ضلعی انتظامیہ کے زیرِ اہتمام زراعت سے متعلق ایک اہم اجلاس منعقد ہوا، جس میں چاول کی پیداوار میں اضافے کے لیے مختلف تجاویز پر غور کیا گیا, اجلاس میں جدید کاشتکاری طریقوں، معیاری بیجوں کے استعمال اور پانی کے مؤثر انتظام پر اتفاق کیا گیا۔
ڈپٹی کمشنر سید موسیٰ رضا کی ہدایت پر کسانوں کی بہبود اور زرعی پیداوار میں اضافے کیلئے اقدامات کئے گئے ہیں،ایڈیشنل ڈپٹی کمشنر جنرل کی زیر صدارت زراعت کی مینجمنٹ اور مانیٹرنگ کمیٹی کا اہم اجلاس منعقد ہوا،اجلاس میں محکمہ زراعت کے افسران، کسان نمائندوں اور متعلقہ محکموں کے افسران نےشرکت کی۔
زرعی یونیورسٹی فیصل آباد میں ڈین تعیناتی کی درخواست پر فیصلہ محفوظ
اجلاس میں بریفنگ دی گئی کہ موثر پالیسی سازی سے چاول کی پیداوار میں نمایاں بہتری لائی جا رہی ہے، پیداوار میں کمی بیشی کا تعلق رسد اور طلب کے عوامل سے بھی منسلک ہے،رواں سال چاول کی کاشت 70 ہزار ایکڑ تک پہنچنے کا امکان ہے،اجلاس میں زراعت مینجمنٹ کمیٹی کے ٹی او آرز پر بھی بریفنگ دی گئی۔
ایڈیشنل ڈپٹی کمشنر جنرل کی فصلوں کی نگرانی کا نظام مزید موثر بنانے کی ہدایت کی گئی۔
اے ڈی سی جی کا کہنا تھا کہ کسانوں کو جدید زرعی طریقوں سے آگاہی اور ہر ممکن سہولت فراہم کی جائے۔
راولپنڈی میں ڈینگی کی شدت میں اضافہ۔ 58 نئے کیسز کی تصدیق
ایڈیشنل ڈپٹی کمشنر جنرل کا کہنا تھا کہ کھادوں کی دستیابی اور پانی کی منصفانہ تقسیم کو یقینی بنایا جائے، چاول ملکی معیشت کا اہم حصہ اور فوڈ سکیورٹی کیلئے ناگزیر ہے۔
بھارتی حکومت کشمیر کو ریاست کا درجہ کب واپس کرینگے، فاروق عبداللہ