سعودی عرب نے فلسطین کو 30 ملین ڈالر کی نئی امداد فراہم کردی
اشاعت کی تاریخ: 28th, June 2025 GMT
ریاض (اُردو پوائنٹ اخبارتازہ ترین - این این آئی۔ 28 جون2025ء)سعودی عرب نے 2025 تک فلسطین کی ریاست کے لیے جاری حمایت کے حصے کے طور پر ایک نئی مالی ادائیگی فراہم کی ہے۔ یہ رقم تقریبا 30 ملین ڈالر کی ہے۔ میڈیارپورٹس کے مطابق یہ امداد فلسطینی وزیر خزانہ عمر بطار کو موصول ہوئی۔ امداد کی فراہمی عمان میں سعودی سفارت خانے میں وزیر بطار اور اردن میں سعودی سفارت خانے کے قائم مقام چارج ڈی افیئرز محمد بن حسن منس کے درمیان ملاقات کے دوران کی گئی۔
(جاری ہے)
وزیر خزانہ عمر بطار نے سعودی عرب کی مسلسل مالی اور سیاسی حمایت کی تعریف کی اور حالیہ اسرائیلی پالیسیوں کی روشنی میں فلسطین کی ریاست کو درپیش مالی بحران کے خاتمے میں اس کی اہمیت پر زور دیا۔اپنی طرف سے منس نے وضاحت کی کہ یہ فراہمی فلسطینی حکومت کی حمایت کرنے اور اسے اپنی مالی ذمہ داریوں کو پورا کرنے کے قابل بنانے کے لیے مملکت کے عزم کے دائرے میں آتی ہے۔ انہوں نے فلسطینی عوام کی استقامت کو تقویت دینے اور معاشی اور انسانی چیلنجوں کا سامنا کرتے ہوئے ان کے مصائب کو دور کرنے میں اس امداد کو اہم قرار دیا۔ انہوں نے نشاندہی کی کہ مملکت سعودی عرب نے حالیہ برسوں میں تقریبا 5.3 بلین ڈالر کی امداد فراہم کی ہے۔
ذریعہ: UrduPoint
کلیدی لفظ: تلاش کیجئے
پڑھیں:
حسینہ واجد کے قریبی ساتھی کی چوری پکڑی گئی، 97 ملین ڈالر منی لانڈرنگ اسکینڈل پر فرد جرم عائد
بنگلہ دیش کی کرمنل انویسٹی گیشن ڈپارٹمنٹ (سی آئی ڈی) نے سابق وزیراعظم شیخ حسینہ کے نجی سرمایہ کاری مشیر اور بیکسمکو گروپ کے وائس چیئرمین سلمان ایف رحمان کے خلاف 97 ملین ڈالر (تقریباً 1200 کروڑ ٹکہ) کی مبینہ منی لانڈرنگ کے 17 مقدمات میں فردِ جرم کی منظوری دے دی ہے۔
یہ بھی پڑھیں:بنگلہ دیش میں شیخ حسینہ واجد کو سزائے موت دینے کا مطالبہ
تحقیقات کے مطابق 2020 سے 2024 کے دوران بیکسمکو کے چیئرمین اے ایس ایف رحمان، وائس چیئرمین سلمان ایف رحمان اور ان کے کئی ساتھیوں نے 17 ذیلی کمپنیوں کے ذریعے غیر ملکی تجارت کے نام پر رقم بیرونِ ملک منتقل کی۔
ان کمپنیوں میں ایڈونچر گارمنٹس، اپالو اپیرلز، بیکسٹیکس گارمنٹس، انٹرنیشنل نٹ وئیر اینڈ اپیرلز، کوزی اپیرلز اور اربن فیشن سمیت دیگر شامل ہیں۔
سی آئی ڈی کی فنانشل کرائمز یونٹ کی رپورٹ کے مطابق ملزمان نے جنٹا بینک کے موٹی جھیل برانچ سے ایل سیز (Letters of Credit) کھولے مگر برآمدی آمدنی ملک میں واپس نہیں لائی۔
تحقیقات سے انکشاف ہوا کہ رقم دبئی میں قائم آر آر گلوبل ٹریڈنگ نامی کمپنی کے ذریعے بیرون ملک منتقل کی گئی جو سلمان ایف رحمان کے بیٹے احمد شایان فضل الرحمان اور اے ایس ایف رحمان کے بیٹے احمد شہریار رحمان کے نام پر رجسٹرڈ ہے۔
یہ بھی پڑھیں:سابق بنگلہ دیشی وزیراعظم شیخ حسینہ واجد کی رہائشگاہ کو میوزیم میں تبدیل کردیا گیا
رقوم متحدہ عرب امارات، سعودی عرب، جنوبی افریقہ، برطانیہ، امریکا اور آئرلینڈ سمیت متعدد ممالک منتقل کی گئیں۔
ستمبر 2024 میں سی آئی ڈی نے منی لانڈرنگ پریوینشن ایکٹ 2012 کے تحت موٹی جھیل تھانے میں 17 مقدمات درج کیے۔
عدالت کے احکامات پر ملزمان کے اثاثے منجمد کر دیے گئے جن میں ڈھاکہ کے دوہر علاقے میں 2000 ڈیسمل زمین و عمارت، گلشن کے ’دی انوائے‘ بلڈنگ میں 6189 مربع فٹ اپارٹمنٹ اور گلشن روڈ 68/A پر 2713 مربع فٹ ٹرپلیکس فلیٹ شامل ہیں۔ مجموعی طور پر 600 سے 700 کروڑ ٹکہ مالیت کے اثاثے ضبط کیے گئے ہیں۔
سلمان ایف رحمان جو اس وقت زیرِ حراست ہیں، ان مقدمات میں باضابطہ طور پر گرفتار دکھائے گئے ہیں۔ سی آئی ڈی نے آٹم لوپ اپیرلز لمیٹڈ کے مینیجنگ ڈائریکٹر وصی الرحمان کو بھی جولائی 2025 میں گرفتار کیا تھا۔
محکمے کے مطابق تحقیقات مکمل کر کے فردِ جرم عدالت میں جمع کرا دی گئی ہے، جو حالیہ برسوں میں پیچیدہ مالی جرائم کی تیز ترین تحقیقات میں سے ایک قرار دی جا رہی ہے۔
یہ بھی پڑھیں:شیخ حسینہ واجد کے خلاف مقدمے میں سابق آئی جی پولیس وعدہ معاف گواہ بن گئے
سرکاری حکام کا کہنا ہے کہ یہ کارروائی حکومت کے اس عزم کی عکاسی کرتی ہے کہ غیر قانونی مالی بہاؤ کو روکا جائے اور قومی دولت کو بیرون ملک منتقل کرنے والوں کو قانون کے کٹہرے میں لایا جائے۔
ماہرین کے مطابق یہ مقدمہ جنوبی ایشیا میں تجارتی بنیاد پر منی لانڈرنگ کے بڑھتے رجحان کے خلاف ایک اہم پیشرفت ہے، جو علاقائی سطح پر انسدادِ بدعنوانی کے مؤثر ماڈل کے طور پر سامنے آ سکتی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اے ایس ایف رحمان بنگلہ دیش بیکسمکو حسینہ واجد سلمان ایف رحمان منی لانڈرنگ
نشے کی وجہ سے انسان میں رشتوں کی تمیز ختم ہوجاتی ہے،انور عباس