محرم الحرام کا آغاز،امریکن کوارٹر تاحال پانی سے محروم
اشاعت کی تاریخ: 29th, June 2025 GMT
data-id="863a0a8" data-element_type="widget" data-widget_type="theme-post-content.default">
حیدرآباد(اسٹاف رپورٹر)ماہ محرم الحرام شروع ہونے کے باوجود سچل سرمست ٹائون کی یونین کونسل 105کے علاقہ امریکن کواٹرز میں پینے کے پانی کی فراہمی بحال نہیں کی گئی،گذشتہ ایک ماہ سے پانی کی فراہمی معطل ہونے کے باعث علاقہ مکین پانی کی بوند بوند کا ترس گئے۔غریب علاقہ مکین دور دراز کے علاقوں سے پانی لاکر اپنی ضروریات پوری کر رہے ہیں یا پھر زمینی (بورنگ) کا زہریلا پانی استعمال کرنے پر مجبور ہیں اور اب صورتحال اس نہج کو پہنچ چکی ہے کہ مساجد میں بھی وضو کیلئے پانی دستیاب نہیں ہے۔ یونین کونسل 105کے علاقہ امریکن کواٹرز کے مکین عید الاضحی کے موقع پر بھی پینے کے پانی سے محروم تھے اور شکایت کے باوجود واٹر کارپوریشن کے ایس ڈی اوفراہمی آب لطیف آباد کے کان پرجوں تک نہیں رینگ رہی ہے اورپینے کے پانی کی فراہمی بحال کرنے سے گریزاں ہیںجبکہ امریکن کواٹرز میں پینے کے پانی کی قلت کے سبب لوگوں نے غیر معیاری فلٹر پلانٹس نصب کر لئے ہیں جہاں زمین کے نمکین پانی کو کیمیکل کے ذریعے میٹھا کرکے 50روپے فی گیلن فروخت کر رہے ہیں جس کے استعمال سے لوگ پیٹ اور جلد کے امراض میں مبتلا ہو رہے ہیں۔پانی کی قلت کے حوالے سے علاقہ مکینوں نے سچل سرمست ٹائون کے چیئرمین تاج ولی کو بھی کئی بار شکایت کی ہے لیکن ٹائون چیئرمین بھی علاقہ مکینوں کی شکایت کا کوئی نوٹس لینے کو تیار نہیں ہیں۔ اس حوالے سے امریکن کواٹرزکے مکینوں نے بتا یا کہ سائٹ ایریاسے امریکن کواٹرز آنے والی پینے کے پانی کی لائن میں واٹر کارپوریشن کے ایس ڈی او اور دیگر افسران نے فیکٹریوں کو بھی غیر قانونی کنکشن دے دیئے ہیں جس کی وجہ سے امریکن کواٹرز یوسی105کی اندرونی گلیوں میں پانی نہیں پہنچ رہاہے اور لائن کا تمام پانی فیکٹریوں میں نصب ہیوی موٹریں کھینچ لیتی ہیں جس کی وجہ سے علاقہ مکین پینے کے پانی سے محروم ہیں۔امریکن کواٹرز کے مکینوں نے میئر حیدرآباد کاشف علی شورو، ڈپٹی کمشنر حیدرآباد زین العابدین اور سی ای او واٹر کاروپریشن حیدرآباد طفیل احمد ابڑو سے اپیل کی کہ علاقائی پانی کی لائن سے فیکٹریوں کا دیئے جانے والے غیر قانونی کنکشن کا نوٹس لیاجائے۔
.ذریعہ: Jasarat News
کلیدی لفظ: پینے کے پانی کی علاقہ مکین
پڑھیں:
حکومت سندھ نے محرم الحرام سے پہلے اپنی بدترین کارکردگی کا مظاہرہ کیا ہے، علامہ صادق جعفری
پریس کانفرنس سے خطاب میں ایم ڈبلیو ایم کراچی کے رہنماؤں نے کہا کہ ہم وزیر اعلیٰ سندھ و وزیر بلدیات سے مطالبہ کرتے ہیں کہ وہ شہر کے سنگین بلدیاتی مسائل کے حل کیلئے خصوصی فنڈ جاری کریں گے، عشرہ محرم الحرام سے قبل مجالس و جلوس ہائے عزاء کے روٹس پر مکمل صفائی و ستھرائی، بجلی، سکیورٹی سمیت دیگر انتظامات کو بہتر بنایا جائے۔ اسلام ٹائمز۔ سندھ کی صوبائی و شہری حکومت عزاداران امام حسینؑ کو ہر ممکن سہولیات کی فراہمی کو یقینی بنائے، عزاداری ہماری آئینی، قانونی اور شہری حق ہے جس پر کوئی سمجھوتہ نہیں ہوسکتا، صدیوں سے نواسہ رسول ؐ امام حسینؑ کی یاد میں عزاداری جاری ہے، عزاداری کو کوئی ختم نہیں کرسکتا ہے۔ ان خیالات کا اظہار مجلس وحدت مسلمین کراچی کے صدر علامہ صادق جعفری و دیگر رہنماؤں علامہ مبشر حسن، رضی حیدر، حسن کاظمی، آصف صفوی، محمد عباس سمیت دیگر نے وحدت ہاوس صوبائی دفتر میں منعقدہ پریس کانفرنس سے خطاب میں کیا۔ مقررین کا کہنا تھا کہ ماہ محرم 1447ہجری کی آمد آمد ہے، محرم میں علماء کرام و ذاکرین عظام امامت کے اسلوب حکومت و سیاست لوگوں کے سامنے بیان کریں، جلوس و مجالس کے روٹس پر صفائی ستھرائی اور لائٹنگ کے موثر انتظامات کی ضرورت ہے۔
ان کا کہنا تھا کہ نیپرا کے الیکٹرک اور دیگر بجلی فراہم کرنے والے اداروں کو پابند کیا جائے کہ وہ محرم الحرام میں لوڈشیڈنگ کا خاتمہ یقینی بنائے، اس محرم میں پہلے سے زیادہ مظلوموں کی حمایت میں آواز بلند ہوگی، شیعہ سنی مل کر نواسہ رسولؐ کی یاد منائیں گے، عزاداری ہماری میراث ہے اور ہمیں اس کا تحفظ کرنا ہے۔ انہوں نے کہا کہ سندھ و شہری حکومت کراچی کی خستہ حالی پر رحم کریں، سارا ملبہ وفاقی بجٹ پر ڈال کر اپنی جان نہ چھڑائیں، مون سون کی بارشوں کو گزرے سال گزر چکا ہے، شہر کی سڑکیں ناقص سیوریج نظام کے باعث گڑھوں میں تبدیل ہوچکی ہیں۔ انہوں نے کہا کہ صوبائی و شہری حکومتیں شہر کا بجٹ کہاں خرچ کرتی ہیں، پیپلز پارٹی نے اس شہر کو بدترین شہر کے نہج پر پہنچا دیا ہے، بلدیاتی مسائل کے حوالے سے کراچی میں محرم الحرام سے قبل اعلیٰ سطح سے لے کر نچلی سطح پر ملاقاتیں ہوچکی ہیں مگر کہیں بھی انتظامات نظر نہیں آرہے، صرف میٹنگ کرنا کافی نہیں عملی اقدامات ضروری ہیں۔
ان کا کہنا تھا کہ عزاداری ہمارے لئے فرض ہے اور قیامت تک قائم رہے گی۔ انہوں نے کہا کہ کراچی سمیت مختلف جگہوں سے را کے ایجنٹوں کی گرفتاری کی اطلاعات ملی ہیں، علما اور خطبا کے ساتھ مجالس کے بعد سیکورٹی حکومت سندھ کی ذمہ داری ہے۔ انہوں نے کہا کہ شہری مسائل پورے کراچی میں ہیں، میئر صاحب نے محرم سے قبل مسائل کے حل کیلئے اب تک کوئی خاطر خواہ کوششیں نہیں کی اور نا ہی ان مسائل کے حل کیلئے کوئی اجلاس بلایا گیا یے، شہر میں دو مسئلے سب سے زیادہ اہم ہیں، واٹر اینڈ سیوریج بورڈ کی وجہ سے تباہ حالی ہے، سیوریج کا پانی سڑکوں پر بہہ رہا ہے، ایک روز بعد محرم شروع ہونے والا ہے مگر میئر صاحب نے کسی سے رابطہ نہیں کیا ہے، مرکزی شاہراہوں کے ساتھ کچرے کے ڈھیر نظر آتے ہیں، سندھ حکومت، میئر کراچی اور ایم کیو ایم کو پیغام دینا چاہتے ہیں کہ یہ انسانیت کا پیغام ہے۔
ان کا کہنا تھا کہ حکومت سندھ نے محرم سے پہلے اپنی بدترین کارکردگی کا مظاہرہ کیا ہے، شہر کے مضافاتی علاقوں کا دورہ کریں تو پتا چلے گا آپ کے نااہل وزیر اعلیٰ اور میئر نے کوئی کام نہیں کیا، پورا کراچی شہر غلاظت کا ڈھیر بنا ہوا ہے۔ انہوں نے کہا کہ محرم میں کراچی عزاداری کا سب سے بڑا مرکز ہوتا ہے، چند روز پہلے جو سروے رپورٹ آئی ہے کہ کراچی رہنے کے قابل شہروں میں سب سے پیچھے جاچکا ہے، وزیر بلدیات کے پاس اربوں روپے کا بجٹ ہے ترقیاتی کام نظر نہیں آرہے ییں، ہم وزیر اعلیٰ سندھ و وزیر بلدیات سے مطالبہ کرتے ہیں کہ وہ شہر کے سنگین بلدیاتی مسائل کے حل کیلئے خصوصی فنڈ جاری کریں گے، عشرہ محرم الحرام سے قبل مجالس و جلوس ہائے عزاء کے روٹس پر مکمل صفائی و ستھرائی، بجلی، سکیورٹی سمیت دیگر انتظامات کو بہتر بنایا جائے۔
پیپلز پارٹی کا بجٹ میں متنازع شقوں میں ترمیم کا مطالبہ، کابینہ آج نظر ثانی شدہ بجٹ کی منظوری دے گی