وزیراعظم کی چیئرمین این ڈی ایم اے کو صوبائی حکومتوں کیساتھ رابطے میں رہنے کی ہدایت
اشاعت کی تاریخ: 29th, June 2025 GMT
اسلام آباد(نیوز ڈیسک) وزیراعظم شہباز شریف نے چیئرمین این ڈی ایم اے کو صوبائی حکومتوں کے ساتھ رابطے میں رہنے اور معاونت فراہم کرنے کی ہدایت کر دی۔
وزیراعظم نے چیئرمین این ڈی ایم اے لیفٹیننٹ جنرل انعام حیدر ملک سے ٹیلی فونک رابطہ کیا، انہوں نے وزیراعظم کو ملک میں حالیہ بارشوں کی صورتحال کا جائزہ پیش کیا۔
ٹیلیفونک رابطے کے دوران وزیراعظم نے چیئرمین این ڈی ایم اے کو ملک بھر میں بالخصوص بالائی علاقوں میں صوبائی حکومتوں کے ساتھ رابطے میں رہنے اور معاونت فراہم کرنے کی ہدایت کی۔
وزیرِ اعظم نے چیئرمین این ڈی ایم اے کو ریسکیو اداروں، ضلعی انتظامیہ اور صوبائی حکومتوں سے اس حوالے سے رابطہ مزید فعال کرنے کی ہدایت کی، انہوں نے موبائل فون میسج کے ذریعے شہریوں کو موسمی صورتحال کی پیشگی اطلاع دینے کی بھی ہدایت کی۔
Post Views: 2.ذریعہ: Daily Mumtaz
کلیدی لفظ: نے چیئرمین این ڈی ایم اے صوبائی حکومتوں کی ہدایت
پڑھیں:
وزیرِاعظم کی ہدایت پر انکم ٹیکس ریٹرن فارم سے ’مارکیٹ ویلیو‘ کا کالم ختم
اسلام آباد (نمائندہ خصوصی )ایف بی آرنے وزیرِاعظم شہباز شریف کی ہدایت پر انکم ٹیکس ریٹرن فارم 2025 سے ’مارکیٹ ویلیو‘ کا کالم ختم کر دیا ہے۔وزیراعظم میاں شہباز شریف کی ہدایت پر ایف بی ار نے انکم ٹیکس ریٹرن فارم 2025 سے تخمینہ شدہ مارکیٹ ویلیو کا کالم ختم کر دیا ہے،یہ اقدام ٹیکس دکان کی سہولت کے لیے کیا گیا ہے ایف بی ار کی طرف سے جاری کیے جانے والے ایک بیان کے مطابق وزیراعظم نے وزیر قانون اعظم نذیر تارڑ کی صدارت میں ایک کمیٹی قائم کی جس نے انکم ٹیکس فارم میں متعارف کرا ئے جانے والے تخمینہ شدہ مارکیٹ ویلیو کے کالم کا جائزہ لیا،اس کالم کے تحت ریٹرن فائل کرنے والے ٹیکسٹ دہندہ سے کہا گیا تھا کہ وہ اپنی منقولہ اور غیرمنقولہ جائیداد کا تخمینہ شدہ فیئر مارکیٹ ویلیو کو لکھے،کمیٹی نے ٹیکس فائلرز کے لیے اس کالم کے مضمرات کا جائزہ لیا اور سفارش کی کہ اس حوالے سے درستگی کا قدم اٹھایا جائے،کمیٹی میں وزیر مملکت خزانہ اٹارنی جنرل اف پاکستان سیکرٹری خزانہ چیئرمین ایف بی ار اور دیگر اعلی حکام شامل تھے،کمیٹی نے اجلاس منعقد کیا اور اس معاملے پر تفصیلی غور و خوص کیا،کمیٹی نے تمام پہلوؤں پر غور کرنے کے بعد سفارش کی کہ ریٹرن فائل کرنے کے عمل کو سادہ بنانے کے لیے اس کالم کو ہٹا دیا جائے اس سفاررش کو وزیراعظم کو بھیجا گیا اور وزیراعظم نے اس سفارش کو منظور کر لیا،ایف بی ار نے وضاحت کی ہے کہ یہ کالم صرف اکنامک سروے کے لیے اعداد و و شمار کو جمع کرنے کے مقصد کے لیے متعارف کروایا گیا تھا۔
27 ستمبر کا جلسہ قوم کی آزادی کے لیے ہے، پوری قوم نکلے، عمران خان