کاجول نے اجے دیوگن اور شاہ رخ خان کے تعلقات پر خاموشی توڑ دی
اشاعت کی تاریخ: 1st, July 2025 GMT
کاجول نے اجے دیوگن کے شاہ رخ خان کے ساتھ اُن کے تعلق پر ردعمل دیتے ہوئے اجے دیوگن کے حسد سے متعلق افواہوں کو بے بنیاد قرار دے دیا۔
شاہ رخ خان اور کاجول طویل عرصے سے بالی ووڈ کے سب سے مشہور آن-اسکرین جوڑوں میں شمار ہوتے ہیں۔ چاہے وہ ’دل والے دلہنیا لے جائیں گے‘ کی لازوال محبت ہو یا ’مائی نیم اِز خان‘ کی جذباتی گہرائی ان دونوں کی فلموں نے نسلوں کو متاثر کیا ہے۔ ’کچھ کچھ ہوتا ہے‘، ’کبھی خوشی کبھی غم‘ اور ’دل والے‘ جیسے ہٹ فلموں میں ان کی فطری کیمسٹری نے ناظرین کے دل جیت لیے۔
لیکن کئی سالوں سے یہ چہ مگوئیاں جاری تھیں کہ اجے دیوگن اور شاہ رخ خان کے درمیان تناؤ ہے۔ اس کی ممکنہ وجہ کاجول اور شاہ رخ کے درمیان اسکرین پر نظر آنے والی قریبی کیمسٹری سمجھی جاتی تھی۔ اب کاجول نے ان افواہوں کو یکسر مسترد کر دیا ہے۔
بھارتی میڈیا کے مطابق ایک انٹرویو میں کاجول نے کہا، ”بالکل نہیں، یہ سب محض افواہیں تھیں۔ واقعی، کچھ بھی نہیں ہوا۔ وہ اس طرح کے دوست نہیں تھے کہ ’چلو بیئر شیئر کرتے ہیں‘، لیکن آج وہ ایک دوسرے کا سچ میں احترام کرتے ہیں۔“
کاجول نے اپنی ذاتی زندگی میں اجے دیوگن کے ساتھ تعلقات پر بھی بات کی۔ انہوں نے کہا کہ وہ دونوں ایک دوسرے کی پسند اور ناپسند کا احترام کرتے ہیں اور اس بات پر یقین رکھتے ہیں کہ انہیں ایک ہی حلقے کے دوست رکھنے کی ضرورت نہیں ہے۔
کاجول نے وضاحت دیتے ہوئے کہا، ”ہم دونوں نے یہ فیصلہ کیا ہے کہ ایک دوسرے کی پسند اور ناپسند کا احترام کریں گے۔ ہم سمجھتے ہیں کہ اگر مجھے کسی بات پر بیٹھ کر کچھ کرنا نہیں پڑ رہا تو میں کوئی مسئلہ نہیں سمجھتی۔ تم آزاد ہو، اپنے دوست بناؤ اور جو چاہو کرو۔“
کام کے محاذ پر، کاجول اگلی بار ’سرزمین‘ میں نظر آئیں گی، جو ایک تھرلر فلم ہے۔ اس میں پرتھوی راج سکوما ران اور ابراہیم علی خان بھی مرکزی کردار ادا کر رہے ہیں۔ فلم کا پریمیئر 25 جولائی کو جیو ہوسٹار پر ہوگا۔
Post Views: 4.ذریعہ: Daily Mumtaz
کلیدی لفظ: شاہ رخ خان اجے دیوگن کاجول نے
پڑھیں:
اسحاق ڈار سے جرمن سفیر کی ملاقات، دو طرفہ تعلقات پر تبادلہ خیال
اسلام آباد(خبر نگار خصوصی)نائب وزیراعظم و وزیر خارجہ سینیٹر محمد اسحاق ڈار نے جرمنی کی نئی مقررہ سفیر ایچ ای انا لیپل سے ملاقات کی جس میں دوطرفہ تعلقات پر تبادلہ خیال کیا گیا۔ ملاقات کے دوران دونوں رہنمائو ں نے دوطرفہ سیاسی، تجارتی و سرمایہ کاری تعلقات، موسمیاتی اقدامات، ہنرمند افرادی قوت کی نقل و حرکت، دفاع اور تعلیم کے شعبوں میں تعاون کی اہمیت پر زور دیا۔ وزیر خارجہ نے سفیر ایچ ای انا لیپل کیلئے پاکستان میں کامیاب اور موثر خدمات کی خواہش بھی ظاہر کی۔یہ ملاقات دونوں ممالک کے تعلقات کو مزید مستحکم کرنے اور مشترکہ مفادات کے فروغ کے عزم کا مظہر ہے۔اسحاق ڈار نے ٹمپرڈ اور ضبط شدہ گاڑیوں سے متعلق اعلیٰ سطحی کمیٹی کے جائزہ اجلاس کی صدارت کی اور نیلامی کے عمل کو شفاف بنانے کے لئے ٹیکنالوجی پر مبنی حل کو اپنانے کے حکومتی عزم کا اعادہ کیا۔ اجلاس کے دوران ایف بی آر کے حکام نے غیر کسٹم ادا شدہ گاڑیوں کے لیے تجویز کردہ آن لائن /ای نیلامی ماڈیول پر ایک تفصیلی پریذنٹیشن دی جس کا مقصد مذکورہ گاڑیوں کی نیلامی کے عمل میں زیادہ سے زیادہ شفافیت، ایفیشنسی اور غیر جانبداری کو یقینی بنانا ہے۔ نائب وزیر اعظم و وزیر خارجہ نے ٹیکنالوجی پر مبنی حل کو اپنانے کے حکومتی عزم کی دوبارہ تائید کی جو شفافیت کو بڑھاتی ہیں اور قیمتی عوامی وسائل کے تحفظ کو یقینی بناتے ہیں۔
کراچی، قائد آباد میں پولیس مقابلہ، ڈاکو زخمی حالت میں گرفتار، ایک فرار