پاکستان کا چار رکنی اسکواڈ IBSF ورلڈ اسنوکر چیمپئن شپ میں حصہ لے گا
اشاعت کی تاریخ: 2nd, July 2025 GMT
پاکستان کا چار رکنی اسنوکر اسکواڈ 13 سے 24 جولائی 2025 تک بحرین کے شہر منامہ میں ہونے والی IBSF ورلڈ انڈر 17، انڈر 21، ماسٹرز اور سکس ریڈ مینز اسنوکر چیمپئن شپ میں شرکت کرے گا۔
اس ٹیم میں تجربہ کار کھلاڑی اور ابھرتے ہوئے نوجوان کھلاڑی شامل ہیں، جو عالمی مقابلوں میں اپنی عمدہ کارکردگی کی وجہ سے جانے جاتے ہیں۔
اسکواڈ کی قیادت محمد آصف کر رہے ہیں، جو اس سے قبل 2012 میں بلغاریہ، 2019 میں ترکی اور 2022 میں قطر میں آئی بی ایس ایف ورلڈ اسنوکر چیمپئن شپ جیت چکے ہیں۔ اس کے علاوہ وہ ایشیائی اور قومی سطح پر بھی کئی ٹائٹلز حاصل کرچکے ہیں۔ محمد آصف ماسٹرز اور سکس ریڈ ایونٹس میں حصہ لیں گے اور اپنے تجربے کی بنیاد پر ٹیم کی رہنمائی کریں گے۔
ان کے ساتھ شاہد آفتاب بھی اسکواڈ میں شامل ہیں، جو قومی اسنوکر چیمپئن ہیں اور 2015 میں ایران میں ہونے والی تیسرے ایشین ٹیم اسنوکر چیمپئن شپ میں برونز میڈل حاصل کرچکے ہیں۔ شاہد آفتاب اپنی مستقل مزاجی اور صاف پوٹنگ کی وجہ سے جانے جاتے ہیں اور وہ بھی ماسٹرز اور سکس ریڈ کیٹیگریز میں پاکستان کی نمائندگی کریں گے۔
نوجوان کھلاڑیوں میں احسن رمضان انڈر 21 ایونٹ میں پاکستان کی نمائندگی کریں گے۔ احسن 2023 میں ایران میں ہونے والی ایشین انڈر 21 اسنوکر چیمپئن شپ جیت چکے ہیں اور 2021 میں قطر میں آئی بی ایس ایف ورلڈ اسنوکر چیمپئن شپ بھی جیت چکے ہیں۔
محمد حسنین اختر، جو اسنوکر کی دنیا میں تیزی سے ابھر کر سامنے آئے ہیں، انڈر 17 اور انڈر 21 دونوں ایونٹس میں حصہ لیں گے۔ 16 سالہ حسنین نے حال ہی میں 2024 میں سعودی عرب میں ہونے والی ایشین انڈر 21 اسنوکر چیمپئن شپ جیتی ہے اور اپنی صلاحیتوں کا لوہا منوایا ہے۔
پاکستان بلیئرڈز اینڈ اسنوکر ایسوسی ایشن کے سیکرٹری نوید کپاڈیا ٹیم کے ساتھ مینجر اور ریفری کے طور پر جائیں گے۔
.
ذریعہ
ذریعہ: Express News
کلیدی لفظ: اسنوکر چیمپئن شپ میں ہونے والی
پڑھیں:
سونم وانگچک نے 26 روز تک جاری رہنے والی اپنی بھوک ہڑتال ختم کر دی
بھارت کے معروف سماجی کارکن سونم وانگچک نے 26 روز تک جاری رہنے والی اپنی بھوک ہڑتال ختم کرنے کا اعلان کر دیا ہے۔ انہوں نے کہا کہ طویل مذاکرات اور ملک میں ممکنہ تشدد کے خدشات کے پیش نظر یہ فیصلہ کیا گیا۔
عرب میڈیا کے مطابق سونم وانگچک نے سوشل میڈیا پلیٹ فارم ایکس پر جاری بیان میں بتایا کہ مختلف شرائط پر ہونے والے طویل مذاکرات کے بعد اور ملک میں کشیدگی کے امکانات کو دیکھتے ہوئے انہوں نے اپنا احتجاج ختم کر دیا ہے۔
Just now in the presence of Union Ministers Sh. JP Nadda, Dr. Jitendra Singh and the senior leaders of Apex Body of Leh Ladakh I finally broke my fast after 26 days. Earlier 65 members of parliament from different political parties had visited or signed letters urging me to break… pic.twitter.com/RFCet7Oksy
— Sonam Wangchuk (@Wangchuk66) July 23, 202659 سالہ سونم وانگچک نے 28 جون کو بھوک ہڑتال کا آغاز کیا تھا۔ ان کی یہ ہڑتال بھارت میں نوجوانوں کی قیادت میں چلنے والی کاکروچ موومنٹ سے اظہارِ یکجہتی کے لیے تھی۔
اس تحریک کے شرکاء میڈیکل کالجوں کے داخلہ امتحانات کے پرچوں کے مبینہ لیک ہونے کے معاملے پر بھارتی وزیرِ تعلیم دھرمیندر پردھان سے استعفے کا مطالبہ کر رہے ہیں۔
مظاہرین کا مؤقف ہے کہ امتحانی نظام میں شفافیت کو یقینی بنانے اور ذمہ داروں کے خلاف کارروائی کے لیے وزیرِ تعلیم کو اپنے عہدے سے الگ ہونا چاہیے۔
سونم وانگچک کے بھوک ہڑتال ختم کرنے کے اعلان کے باوجود بھارت میں امتحانی نظام اور حکومتی پالیسیوں کے خلاف احتجاجی تحریک بدستور جاری ہے۔
پاکستان نے ورلڈ کپ 2028 کیلیے براہ راست کوالیفائی کر لیا