لاہور میں دیوار پھلانگ کر راہ گیر بچوں اور خاتون پر شیر کا حملہ، فوٹیج سامنے آگئی
اشاعت کی تاریخ: 4th, July 2025 GMT
لاہور: جوہر ٹاؤن کے علاقے شاہ دی کھوئی میں قائم فارم ہاؤس کا شیر دیوار پھلانگ کر گلی میں کودا اور راہ گیر خاتون و بچے پر حملہ کیا، جس کی سی سی ٹی وی فوٹیج سامنے آگئی ہے۔
پولیس کے مطابق شیر کا جنگلہ کھلا رہا گیا تھا جس کے باعث وہ باہر نکلا اور دیوار پھلانگ کر گلی میں کودا، جس کے بعد اُس نے پہلے راہ گیر خاتون اور پھر دو بچوں پر حملہ کیا۔
واقعے کی اطلاع ملتے ہی پولیس کی نفری موقع پر پہنچی جس کے بعد وائلڈ لائف حکام نے شیر کو قابو کیا۔
عینی شاہدین کے مطابق حملے میں زخمی ہونے والے دو بچوں کی حالت تشویشناک ہے جبکہ خاتون کو معمولی زخم آئے ہیں۔
ترجمان وائلڈ لائف کے مطابق مالک نے بغیر اجازت اور لائسنس کے شیر رکھا ہوا تھا اور واقعے کے بعد سے وہ فرار ہے۔
وائلڈ لائف حکام کے مطابق اچانک شیر ڈیرے سے باہر آگیا، جس کو وہ لیکر موقع پر فرار ہوگیا ہے۔ محکمہ وائلڈ لائف پنجاب کی اسپیشل ٹیمیں شیر کی برآمدگی اور اس کے مالک کی گرفتاری کے لیے شاہ دی کھوئی اور دیگر مقامات پر چھاپے مار رہی ہیں جبکہ ایف آئی آر کے اندراج کے لیے کاروائی کا آغاز کر دیا گیا ہے۔
.ذریعہ: Express News
کلیدی لفظ: وائلڈ لائف کے مطابق
پڑھیں:
مری مال روڈ پر خاتون کی پولیس سے بدتمیزی، ’پولیس بااثر خاتون کے سامنے بے بس ہے‘
سوشل میڈیا پر مری مال روڈ کی ایک ویڈیو وائرل ہو رہی ہے جس میں مبینہ طور پر نشے میں دھت ایک خاتون کو پولیس سے بدتمیزی کرتے دیکھا جا سکتا ہے۔
ویڈیو ریکارڈ کرنے والے شخص کا کہنا ہے کہ خاتون شراب پی کر مال روڈ پر آئی ہیں اور ٹریفک پولیس اہلکار انہیں مال روڈ پر گاڑی لے جانے سے منع کر رہا ہے جس پر وہ بدتمیزی کر رہی ہیں۔ ان کا کہنا تھا کہ مری مال روڈ پر ہر قسم کی ٹریفک پر پابندی عائد کی گئی ہے۔
ویڈیو میں دیکھا جا سکتا ہے کہ پولیس اہلکار خاتون کو گاڑی آگے لے جا کر لگانے کا کہہ رہا ہے۔ ویڈیو سوشل میڈیا پر وائرل ہوئی تو صارفین اس پر مختلف تبصرے کرتے نظر آئے۔ صحافی خرم اقبال نے کہا کہ مری مال روڈ پر خاتون کی جانب سے قانون کی خلاف ورزی پر پولیس نے اچھے حُسن سلوک کا مظاہرہ کیا۔
مری مال روڈ پر خاتون کی جانب سے قانون کی خلاف ورزی پر پولیس نے اچھے حُسن سلوک کا مظاہرہ کیا۔۔!! pic.twitter.com/9CnKQYdt5X
— Khurram Iqbal (@khurram143) July 1, 2025
خواجہ یاسین عثمانی نے لکھا کہ سمجھ سے باہر ہے کہ نشے میں دھت خاتون کو جانے کیوں دیا گیا۔
مری مال روڈ پر نشے میں دھت خاتون کی پولیس کے ساتھ بدتمیزی۔۔۔۔
سمجھ سے باہر ہے جانے کیوں دیا گیا؟ pic.twitter.com/FQWY8Xglj1
— Khawaja Yaseen Usmani (@YaseenUSM_Offl) July 1, 2025
ایک ایکس صارف کا کہنا تھا کہ پولیس ایک بااثر خاتون کے سامنے بے بس ہے یہی کوئی غریب ہوتا تو یہ پولیس والے اسے سڑکوں پر گھسیٹتے۔
اتنی پولیس ایک بااثر خاتون کے سامنے بے بس ہے یہی کوئی غریب ہوتا تو یہ پولیس والے اسے کتوں کی طرح پر جاتے سڑکوں پر گھسیٹتے
— پینڈو_جٹ (@ArUj_Ba_Ba47) July 1, 2025
امداد علی سومرو کہتے ہیں کہ اگر خاتون بقول پولیس اہلکار شراب کے نشے میں دھت ہیں تو کم از کم ان کو گاڑی ڈرائیو کرنے سے تو زبردستی روکا جا سکتا تھا۔ پولیس نے خاتون کو گاڑی ڈرائیو کرنے کی اجازت دے کر خود قانون کی خلاف ورزی کی ہے۔
اگر خاتون بقول پولیس اہلکار شراب کے نشے میں دھت ہیں تو کم از کم ان کو گاڑی ڈرائیو کرنے سے تو زبردستی روکا جا سکتا تھا ۔۔۔۔ پولیس نے خاتون کو گاڑی ڈرائیو کرنے کی اجازت دے کر خود قانون کی خلاف ورزی کی ہے ۔۔۔ https://t.co/Y9BNhWYUIt
— Imdad Ali Soomro (@imdad_soomro) July 1, 2025
سارہ مغل نے لکھا کہ یہ پولیس کی نااہلی ہے، نشے میں دھت خاتون کو جانے کیوں دیا، ان کا زور صرف کمزوروں پر چلتا ہے۔
یہ پولیس کی نااہلی نشئی خاتون کو جانے کیوں دیا ان کا زور کمزوروں پر چلتا
— سارہ مغل (@sarahMgl2024) July 1, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹریفک پولیس مال روڈ مری نشے میں دھت خاتون
بلاول بھٹو کا سندھ طاس معاہدے پر عالمی ثالثی عدالت کے فیصلے کا خیر مقدم