چلتی ٹرین سے موبائل چھیننے کی انوکھی واردات، ویڈیو وائرل
اشاعت کی تاریخ: 4th, July 2025 GMT
سوشل میڈیا پر ایک ویڈیو وائرل ہو رہی ہے جس میں ایک شخص چلتی ہوئی ٹرین کے دروازے میں کھڑا موبائل فون استعمال کر رہا ہے۔ جسے ٹرین کے باہر کھڑے شخص نے انتہائی مہارت سے نیچے گرایا اور لے کر فرار ہو گیا۔
سوشل میڈیا پر زیرگردش ویڈیو میں دیکھا جاسکتا ہے کہ ٹرین انتہائی تیز رفتاری سے چل رہی ہے جبکہ ریلوے ٹریک پر کھڑے ایک شخص نے ربڑ کا پائپ ٹرین کے دروازے میں کھڑے نوجوان کے ہاتھ پر مارا جس سے اس کے ہاتھ سے موبائل نیچے گر گیا اور نیچے کھڑے شخص نے بھاگ کر وہ موبائل اٹھا لیا۔
یہ بھی پڑھیں: نام میں ’دتا‘ کی جگہ ’کتا‘ لکھنے پر شہری کا انوکھا احتجاج، بھونکتے ہوئے ویڈیو وائرل
واقعہ کی ویڈیو سوشل میڈیا پر وائرل ہوئی تو صارفین اس پر مختلف تبصرے کرتے نظر آئے، ایک صارف نے لکھا کہ ٹرین کے دروازے میں کھڑے ہو کر ویڈیو بنانے والے افراد خبردار ہو جائیں کیونکہ یہاں لٹیرے روزانہ نئے سے نیا طریقہ واردات ایجاد کر رہے ہیں۔
ٹرین کے دروازے میں کھڑے ہو کر وڈیوز بنانے والے افراد خبردار ہو جائیں کیونکہ یہاں لٹیرے روزانہ نئے سے نیا طریقہ واردات ایجاد کر رہے ہیں۔ pic.
— کیڑےمکوڑے (@Form_45) July 3, 2025
ایک صارف نے اس پر تبصرہ کرتے ہوئے کہا کہ یہ ویڈیو ویوز حاصل کرنے کے لیے بنائی گئی ہے کیونکہ پائپ سخت نہیں تھا اور جب وہ ٹرین سے باہر کھڑا شخص دوسرے نوجوان کو پائپ مارتا ہے تو وہ نیچے جھک جاتا ہے اور وہ اس پر سلومو بھی بنا رہے ہیں۔
Isn't it staged to get views because the pipe isn't hard and it bend down when he hits him, they are also making slowmo on it…
— Haider Ali (@haiderali36226) July 3, 2025
عامر ملک نے لکھا کہ لوٹنے کا کوئی ایسا طریقہ نہیں ہوگا جو ہم نے نہ اپنایا ہو۔
دنیا کی سب سے جاہل قوم ہیں ہم، لوٹنے کا کوئی ایسا طریقہ نہ ہوگا جو ہم نے نہ اپنایا ہو۔ https://t.co/I8f26kHiIL
— Aamir Malik (@Aamirviews) July 4, 2025
ایک ایکس صارف نے لکھا کہ سیلفی لینے والے افراد اور ٹک ٹاکر ٹرین کا سفر کرتے وقت چوکس رہیں۔
سیلفی اور ٹک ٹاکر ٹرین کا سفر کرتے وقت چوکس رہیں???? pic.twitter.com/KeHZLmEH4J
— ???????????????????????? ℤ???????????????????? (@Sheikh_Zohaib1) July 4, 2025
کئی صارفین کا کہنا تھا کہ یہ پلانٹڈ ویڈیو ہے جبکہ چند افراد یہ سوال کرتے نظر آئے کہ ویڈیو کون بنا رہا تھا۔
واضح رہے کہ اس سے قبل بھی چلتی ٹرین سے موبائل فون چھیننے کی کوشش کی ایک ویڈیو سامنے آئی تھی جس میں کراچی میں ڈرگ روڈ پر ٹرین کے دروازے پر کھڑے مسافر سے دوسری سمت سے آنے والی ٹرین میں سوار مسافر نے موبائل چھیننے کی کوشش کی تھی۔
اس کے علاوہ کراچی سے پشاور جانے والی رحمان بابا ایکسپریس کے مسافر سے موبائل فون چھیننے کی کوشش کی گئی جس میں وہ کامیاب نہیں ہو سکا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹرین سے موبائل چوری ویڈیو وائرلذریعہ: WE News
کلیدی لفظ: ٹرین سے موبائل چوری ویڈیو وائرل ٹرین کے دروازے میں ویڈیو وائرل چھیننے کی
پڑھیں:
چین میں وزن کم کرنے والے کو انعام میں لگژری کار دینے کی انوکھی پیش کش
data-id="863a0a8" data-element_type="widget" data-widget_type="theme-post-content.default">
بیجنگ : چین کے ایک جم نے اپنی منفرد اور متنازعہ آفر پیش کردی جس کے تحت 3ماہ میں 50کلو وزن کم کرنے والے کوانعام میں ایک استعمال شدہ پورشے پینامیرا اسپورٹس کار دی جائے گی۔
جم انتظامیہ کے مطابق اس چیلنج میں شامل ہونے کے خواہشمند افراد کو 10 ہزار یوآن (تقریباً 1400 امریکی ڈالر) بطور فیس ادا کرنی ہوگی، جس میں تین ماہ کی تربیت، رہائش اور کھانے کے اخراجات شامل ہیں۔
فٹنس کوچ کا کہنا ہے کہ چیلنج جاری ہے اور جیسے ہی 30 شرکاء مکمل ہوں گے، رجسٹریشن بند کر دی جائے گی۔ اب تک 8 افراد رجسٹر ہو چکے ہیں۔
اس دلچسپ انعام نے بہت سے لوگوں کو وزن کم کرنے کی تحریک دی ہے، مگر طبی ماہرین نے اس چیلنج کو خطرناک قرار دیا ہے۔
ایک ماہرِ صحت نے تنبیہ کی کہ روزانہ آدھا کلو وزن کم کرنا انتہائی غیر محفوظ ہے۔ اگر کوئی شخص بہت زیادہ موٹاپے کا شکار نہیں ہے تو اس رفتار سے وزن کم کرنے سے چربی نہیں بلکہ پٹھے ختم ہوتے ہیں، جس کے نتیجے میں ہارمونز میں عدم توازن، بالوں کا جھڑنا اور خواتین میں حیض کی بے قاعدگی جیسی مشکلات پیدا ہوسکتی ہیں۔
انعام کے باوجود یہ چیلنج سوشل میڈیا پر شدید بحث کا باعث بن گیا ہے، کچھ لوگ اسے بہترین موٹیویشن کہہ رہے ہیں، تو کچھ نے اسے خطرناک مقابلہ قرار دیا ہے۔
ٹی ایل پی کے نام پر سیل کیے گئے نجی اسکول کو کھولنے کا حکم