یوکرین جنگ کے دوران اب تک کا سب سے بڑا روسی حملہ یوکرین جنگ کے دوران اب تک کا سب سے بڑا روسی حملہ
اشاعت کی تاریخ: 4th, July 2025 GMT
اسلام آباد (اُردو پوائنٹ ۔ DW اردو۔ 04 جولائی 2025ء) یوکرین میں تین سالوں سے زائد عرصے سے جاری جنگ کے دوران ماسکو کی طرف سے یوکرینی دارالحکومت پر گزشتہ شب کیے گئے شدید اور وسیع ترین فضائی حملوں میں 23 افراد زخمی ہوئے جبکہ کییف میں متعدد اضلاع کی عمارتوں کو بھی شدید نقصان پہنچا ہے۔
روسی فضائیہ کے مطابق راتوں رات کییف پر 550 ڈرون اور میزائل داغے گئے۔
ان حملوں میں گیارہ میزائلوں کے علاوہ بڑی تعداد میں ایرانی ساختہ شاہد ڈرونز کا استعمال کیا گیا۔کییف میں خبر رساں ایجنسی ایسو سی ایٹڈ پریس کے صحافیوں نے بتایا کہ انہوں نے رات بھر ڈرون اور میزائلوں کے دھماکوں کی آوازیں سنیں اور یوکرینی فورسز کی طرف سے مزاحمت کی کوششوں کے دوران مشین گن سے بھی فائرنگ کی گئی۔
(جاری ہے)
کییف کے میئر وٹالی کلچکو نے کہا کہ روسی حملوں کا مرکزی ہدف کییف شہر تھا، جہاں 23 افراد زخمی ہوئے، جن میں سے 14 کو ہسپتال میں داخل کر دیا گیا ہے۔
ادھر یوکرینی فضائی دفاع نے دو کروز میزائلوں سمیت 270 روسی ہتھیاروں فضا میں ہی ناکارہ بنا دیا، تباہ کیے گئے ڈرونز کا ملبہ کم از کم 33 مقامات پر گرا۔
روسی حملے ایک اہم وقت پر کیے گئےروس کی طرف سے یوکرین پر یہ حملے امریکی صدر ڈونلڈ ٹرمپ اور روسی صدر ولادیمیر پوٹن کے مابین ٹیلی فون پر ہونے والی بات چیت کے چند گھنٹے بعد ہوئے۔
اس دوران امریکی صدر نے اپنی انتظامیہ کی طرف سے یوکرین کو چند ہتھیاروں کی ترسیل روکنے کے فیصلے پر پہلی بار عوامی سطح پر اپنی رائے کا اظہار کیا۔ امریکی انتظامیہ کے اس فیصلے سے یوکرین کے جنگی سازو سامان کی صلاحیت متاثر ہو گی۔
خاص طور سے فضا سے فضا میں مار کرنے والے AIM-7 اسپیرو میزائل اور کم فاصلے تک مار کرنے والے اسٹنگر میزائلوں کی کمی پیدا ہو سکتی ہے۔
یوکرین کو ان کی اشد ضرورت ہے کیونکہ ان کی مدد سے وہ روس کی جانب سے داغے جانے والے میزائلوں اور ڈرونز کو گرا اور ان کا مقابلہ کرسکتا ہے۔روس کی طرف سے یوکرین پر کیے گئے ایک اور بڑے فضائی حملے کے محض ایک ہفتے سے بھی کم عرصے کے اندر جمعرات اور جمعے کی درمیانی شب کو یہ دوسرا روسی بڑا فضائی حملہ تھا۔ یوکرین کی فضائیہ کی جانب سے فراہم کردہ اطلاعات کے مطابق روس نے گزشتہ رات کے حملوں میں 537 ڈرونز اور 60 میزائلوں کا استعمال کیا ہے۔
اُدھر یوکرین کی ایمرجنسی سروس نے دارالحکومت کییف کے 10 اضلاع میں سے کم از کم پانچ کو شدید نقصان پہنچنے کی اطلاع دی ہے۔
ادارت: شکور رحیم
.
ذریعہ
ذریعہ: UrduPoint
کلیدی لفظ: تلاش کیجئے کی طرف سے یوکرین کے دوران کیے گئے
پڑھیں:
حملہ ہوا تو خلیج میں امریکہ سے منسلک پلوں اور بجلی گھروں کو نشانہ بنائیں گے، ایران
لاہور(ڈیلی پاکستان آن لائن)ایران نے صدر ٹرمپ کی تازہ دھمکی کے جواب میں خبردار کیا ہے کہ اگر امریکا باز نہ آیا تو مشرق وسطیٰ میں اس کے انفرا اسٹریکچرز بھی محفوظ نہیں رہیں گے۔ایران کی نیم سرکاری خبر رساں ایجنسی تسنیم کے مطابق ایک نامعلوم فوجی ذریعے نے کہا کہ آبنائے ہرمز پر اپنی خودمختاری کے استعمال میں ایران کا عزم فولادی ہے اور وہ کبھی بھی اس اہم آبی گزرگاہ کو اپنے خلاف خطرہ بننے کی اجازت نہیں دے گا۔فوجی عہدیدار نے مزید کہا کہ اگر امریکا نے ایران کے پلوں یا بجلی گھروں پر حملہ کیا تو ایران بھی عرب ممالک میں موجود امریکا سے وابستہ اہم شہری بنیادی ڈھانچوں بشمول پلوں، بجلی گھروں اور تنصیبات پر حملے کرے گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
بیان میں مزید کہا گیا ہے کہ امریکیوں کو گزشتہ دس دنوں کے واقعات کے بعد اب پوری طرح یقین ہو جانا چاہیے کہ ایران جہاں چاہتا ہے وہیں حملہ کرنے کی صلاحیت رکھتا ہے۔ایرانی فوجی عہدیدار نے مزید کہا کہ لہٰذا ٹرمپ اگر اس طرح کا کوئی خطرناک جوا کھیلتے ہیں تو اس کا انجام ایک بار پھر ان کی سبکی اور شرمندگی کی صورت میں نکلے گا۔انھوں نے کہا کہ ایران آبنائے ہرمز پر اپنی خودمختاری کا حق استعمال کرتا رہے گا اور اس اہم آبی گزرگاہ پر اپنا کنٹرول برقرار رکھنے کے اپنے پختہ عزم سے کسی صورت دستبردار نہیں ہوگا۔
یاد رہے کہ امریکی صدر ڈونلڈ ٹرمپ نے اپنے سوشل میڈیا پلیٹ فارم ٹروتھ سوشل پر اعلان کیا تھا کہ اگر ایران کی پاسدارانِ انقلاب آبنائے ہرمز میں کسی تجارتی جہاز پر میزائل، راکٹ، ڈرون یا کسی اور ہتھیار سے حملہ کرتی ہے تو امریکا ہر ایسے واقعے کے جواب میں ایران کے ایک پل یا بجلی گھر کو تباہ کر دے گا چاہے وہ تہران کے قریب ہی کیوں نہ واقع ہو۔
اپر کوہستان مالیاتی اسکینڈل، 21 کروڑ روپے سے زائد رقم بحق سرکار ضبط کرنے کا حکم
واضح رہے کہ آبنائے ہرمز دنیا کی اہم ترین سمندری گزرگاہوں میں شمار ہوتی ہے جہاں سے عالمی سطح پر تیل اور گیس کی بڑی مقدار گزرتی ہے اور اسے ایران نے بند کر رکھا ہے جس کے باعث عالمی منڈیوں میں تیل کی قیمتیں بڑھ گئی ہے۔
مزید :
گلوبل سمٹ میں چینی روبوٹ کو اپنا بتانے والی بھارتی یونیورسٹی کا اسٹال بند، شدید تنقید کا سامنا