پاراچنار میں شہدائے کربلا کی یاد میں چار مقامات پر سوئم کے مرکزی مراسم کا انعقاد
اشاعت کی تاریخ: 9th, July 2025 GMT
اسلام ٹائمز: سابقہ روایات کے مطابق کڑمان میں جلوس کا آغاز صبح 9 بجے ہوا۔ جلوس زیڑان پل، تیزانے کنڈہ سے شروع ہوا اور کڑمان مین روڈ پر یوسف خیل سے ہوتا ہوا 12 بجے بابا زیارت پہنچ گیا۔ ایک بجے تک بابا زیارت میں سینہ زنی ہوئی۔ اسکے بعد مجلس کا انعقاد ہوا، مجلس سے متعدد علمائے کرام نے خطاب کیا۔ آخر میں تحریک حسینی کے سپریم لیڈر علامہ سید عابد الحسینی نے خطاب کرتے ہوئے امام علی ع اور امام حسین علیہ السلام کے جلیل القدر اصحاب کے فضائل اور مصائب بیان کئے۔ رپورٹ: ایس این حسینی
آج 13 محرم الحرام کو پاراچنار سٹی سمیت ضلع کرم کے متعدد علاقوں میں سوئم واقعہ کربلا کی یاد میں جلوس اور عزاداری کے پروگرامات منعقد ہوئے، جن میں ہزاروں کی تعداد میں عزاداران امام حسینؑ نے شرکت کی۔ ماتم اور سینہ کوبی کرتے ہوئے عزاداروں نے سید الشہداء اور شہدائے کربلا کو خراج عقیدت پیش کیا۔ 13 محرم الحرام کو سوئم کے یہ پروگرامات ویسے تو بیسیوں امام بارگاہوں میں منعقد ہوتے ہیں، تاہم اس حوالے سے کرم کی سطح پر چار مقامات (کڑمان، پاراچنار، ابراہیم زئی اور غربینہ) پر مرکزی اور سب سے بڑے پروگرامات، جلسے اور جلوسوں کا انعقاد ہوتا ہے۔ آج صبح 9 بجے پاراچنار میں مرکزی امام بارگاہ سے جلوس برآمد ہوا، کراخیلہ روڈ پر ماتم کرتے ہوئے یہ جلوس سول سٹیڈیم سے ہوتا ہوا مزار شہید محمد نواز عرفانی پہنچ گیا۔ مزار کے اندر سینہ کوبی کرنے کے بعد مجلس کا انعقاد ہوا، جس سے علامہ اخلاق حسین شریعتی نے خطاب کرتے ہوئے شہدائے کربلا کو خراج عقیدت پیش کیا۔ مجلس کے اختتام پر شرکاء کو نیاز حسین پیش کی گئی۔
سوئم عاشورا کا قدیم، روایتی اور بہت بڑا جلوس کڑمان میں سید فخر عالم بابا کے مزار پر منعقد ہوتا ہے۔ جس میں کڑمان، زیڑان اور قباد شاہ خیل کے علاوہ کرم کے دیگر علاقوں کے ہزاروں مومنین شرکت کرکے عزاداری سید الشہداء کرتے ہیں۔ سابقہ روایات کے مطابق اس کا آغاز آج بھی صبح 9 بجے جلوس عزا سے ہوا۔ جلوس زیڑان پل، تیزانے کنڈہ سے شروع ہوا اور کڑمان مین روڈ پر یوسف خیل سے ہوتا ہوا 12 بجے بابا زیارت پہنچ گیا۔ ایک بجے تک بابا زیارت میں سینہ زنی ہوئی۔ اس کے بعد مجلس کا انعقاد ہوا، مجلس سے متعدد علمائے کرام نے خطاب کیا۔ آخر میں تحریک حسینی کے سپریم لیڈر علامہ سید عابد الحسینی نے خطاب کرتے ہوئے امام علی (ع) اور امام حسین علیہ السلام کے جلیل القدر اصحاب کے فضائل اور مصائب بیان کئے۔ سہ پہر تین بجے مجلس اور پروگرام کا اختتام ہونے کے بعد شرکاء کو نیاز حسین کھلائی گئی۔
سالہائ گذشتہ کی مانند اس مرتبہ بھی سوئم عاشورا کا ایک بہت بڑا پروگرام شاہ خاندان کے زیراہتمام لوئر کرم کے علاقے غربینہ میں منعقد ہوا، جس میں بڑی تعداد میں میاں سادات اور ان کے مریدان کے علاوہ دیگر عوام نیز سرکاری سول اور فوجی افسران نے بھی شرکت کی۔ مجلس و عزاداری کے ساتھ ساتھ محفل سماع کا پروگرام بھی منعقد ہوا۔ مجلس کے بعد مہمانوں اور عزاداروں کو نہایت عزت اور احترام کے ساتھ نیاز حسین کھلائی گیا۔ سوئم کا ایک اہم پرگرام لوئر کرم ہی میں خانوادہ پیر سید ہاشم میاں کے زیراہتمام ابراہیم زئی میں منعقد ہوتا ہے۔ جس میں لوئر اور اپر کرم کے ہزاروں عزادار شرکت کرتے ہیں۔
حسب روایت دوسرے سالوں کی طرح اس سال بھی مجلس سے تحریک حسینی کے سپریم لیڈر علامہ سید عابد الحسینی نے خطاب کیا۔ علامہ سید عابد الحسینی نے دنیا بھر میں شیعوں کو درپیش مشکلات پر روشنی ڈالتے ہوئے کہا کہ شیعوں کا راستہ کربلا سے گزرتا ہے۔ جہاں ہمیشہ حق کی خاطر باطل کے خلاف قیام کی بات ہوتی ہے۔ انہوں نے کہ آج پوری دنیا کی سطح پر یہود و ہنود اور باطل قوتوں خصوصاً امریکہ اور اسرائیل کے خلاف صرف شیعیان علی یا ان کی ہم خیال کچھ اہل سنت تنظیمیں ہی صف آراء ہیں۔ مجلس کے اختتام پر جملہ عزاداروں، مہمانوں، سول اور فوجی افسران کو نہایت منظم انداز کے ساتھ نیاز حسین سے پذیرائی کی گئی۔
ذریعہ: Islam Times
کلیدی لفظ: علامہ سید عابد الحسینی نے بابا زیارت کرتے ہوئے نیاز حسین کا انعقاد کرم کے کے بعد
پڑھیں:
16 ستمبر اور جنرل ضیاءالحق
اسلام ٹائمز: شاہ حسین نے پاکستان کے نو منتخب وزیراعظم ذوالفقار علی بھٹو کو ضیاالحق کے ”بلیک ستمبر“ کی جنگ کے کارناموں سے آگاہ کیا جس کے بعد وزیر اعظم بھٹو نے ضیاالحق کو بریگیڈیئر سے میجر جنرل کے عہدے پر ترقی دے دی۔ بعد ازاں ذوالفقار علی بھٹو کے سابق مشیر راجہ انوار اپنی کتاب ”دا ٹیررسٹ پرنس“ میں وزیراعظم بھٹو کے غلط فیصلوں کے بارے میں لکھتے ہیں کہ اگر شاہ حسین اس موقع پر ضیاالحق کی سفارش نہ کرتے تو حد درجہ ممکن تھا کہ ضیاالحق کا فوجی کیریئر بطور بریگیڈیئر ہی ختم ہو جاتا۔ تحریر: پروفیسر سید تنویر حیدر نقوی
اسرائیل کے خلاف 1967ء میں ہونے والی چھے روزہ جنگ میں شکست کے بعد اردن میں حالات کافی نازک تھے۔ مصر اور شام کے ساتھ اردن نے اس جنگ میں بھاری نقصان اٹھایا تھا اور وہ بیت المقدس، غزہ اور غرب اردن کے علاقوں سے ہاتھ دھو بیٹھا تھا۔ ایسے میں فلسطینی ’فدائین‘ نے غرب اردن کے ساتھ واقع علاقوں میں اپنی موجودگی قائم کرلی اور وقتاً فوقتاً اسرائیلی قبضے میں لیے گئے سرحدی علاقوں پر کامیاب حملے کیے جس کے نتیجے میں ان کی مقبولیت میں اضافہ ہوا جس کے باعث انہیں شامی اور عراقی حمایت بھی ملنے لگی۔ اس گمبھیر صورتحال کو دیکھتے ہوئے اردن کے سربراہ شاہ حسین نے اپنے پاکستانی دوست بریگیڈئیر ضیاالحق سے مدد مانگی جو اُس وقت عمان میں پاکستانی سفارتخانے میں ڈیفنس اتاشی کے فرائض نبھا رہے تھے۔ فلسطینیوں کی اس تحریک کی بیخ کنی کے لیے 1970ء میں 16 دسمبر سے 27 دسمبر تک ہونے والی جنگ کو فلسطینی ”بلیک ستمبر“ کے نام سے یاد کرتے ہیں۔ کئی مبصرین کے مطابق اس جنگ میں اردن کے شاہ حسین کو فیصلہ کن کامیابی دلوانے میں جنرل ضیاءالحق کا مبینہ ہاتھ تھا۔
اردن کی فوج کو ”بلیک ستمبر“ کے واقعات کے بعد امریکہ کی جانب سے پانچ کروڑ پچاس لاکھ ڈالر مالیت کا اسلحہ دیا گیا تھا۔ مصنف اور محقق طارق علی اپنی کتاب "The Duel" میں لکھتے ہیں کہ ضیا الحق امریکہ سے اپنی ٹریننگ مکمل کرکے ملک واپس آئے تو انہیں اردن بھیج دیا گیا جس نے حال میں ہی چھے روزہ جنگ میں خفت اٹھائی تھی۔ اسی بات کی تصدیق کرتے ہوئے امریکی سی آئی اے کے سابق عہدیدار ”بروس ریڈیل“ اپنی کتاب ” وٹ وی ون“میں لکھتے ہیں کہ ضیا الحق تین سال قبل اردن آئے تھے اور ان کی ذمے داری یہ تھی کہ وہ پاکستانی اور اردنی فوج کے درمیان عسکری حوالے سے باہمی تعلقات بڑھائیں اور اردن میں ہونے والے واقعات کی رپورٹ وطن واپس بھیجیں۔ لیکن بریگیڈیئر ضیا الحق نے اپنے دیے گئے مینڈیٹ سے بڑھ کر بھی ذمہ داریاں نبھائیں جس کا تذکرہ اردن میں اُس وقت موجود سی آئی اے کے افسر ”جیک او کونل“ نے اپنی کتاب ”کنگز کونسل “میں کیا ہے۔
جیک او کونل، جنہوں نے خود لاہور کی پنجاب یونیورسٹی میں اعلیٰ تعلیم کی غرض سے دو سال گزارے تھے، لکھتے ہیں کہ سنہ 1970ء میں جب شامی افواج اردن پر چڑھائی کی غرض سے ٹینک لے کر آگئیں اور اردن کو امریکہ کی جانب سے امداد کے بارے میں کوئی جواب نہ ملا تو شاہ حسین کی پریشانیوں میں اضافہ ہوا۔ اس صورتحال کو دیکھتے ہوئے شاہ حسین نے اپنے ”دوست“ ضیا الحق سے درخواست کی کہ وہ شامی محاذ کا دورہ کریں اور انہیں زمینی صورتحال سے آگاہ کریں۔ جیک او کونل لکھتے ہیں کہ جب ضیاالحق سے اردنی حکام نے حالات کے بارے میں معلوم کیا تو انہوں نے جواب میں کہا کہ ”حالات بہت خراب ہیں“۔ بروس ریڈیل اپنی کتاب کے باب چار میں لکھتے ہیں کہ اس موقع پر ضیا الحق نے شاہ حسین کو مشورہ دیا کہ اردنی فضائیہ کو شامی فوج کے خلاف استعمال کیا جائے اور یہی وہ فیصلہ تھا جس کے باعث اردن جنگ جیتنے میں کامیاب ہوا۔
”بلیک ستمبر“ میں ضیاالحق کے کردار کے حوالے سے سب سے اہم گواہی شاہ حسین کے بھائی اور اس وقت کے ولی عہد شہزادہ حسن بن طلال نے بروس ریڈیل سے بات کرتے ہوئے دی۔ بروس ریڈیل لکھتے ہیں کہ شہزادہ حسن بن طلال نے اپریل 2010ء میں انہیں بتایا کہ ضیاالحق، شاہ حسین کے دوست اور ہم راز تھے اور شاہی خاندان اس جنگ میں ان کی مدد کا بہت شکر گزار تھا۔ اس جنگ میں ان کی موجودگی اس حد تک تھی کہ وہ تقریباً فوج کی قیادت کر رہے تھے۔ بروس ریڈیل کے مطابق ضیاالحق کا یہ فعل پاکستان میں حکام کو ناگوار گزرا کیونکہ یہ واضح تھا کہ ضیاالحق نے اردنی فوج کے ساتھ لڑ کر اپنی سفارتی ذمے داریوں اور احکامات سے تجاوز کیا ہے۔ لیکن ان خدمات کا صلہ ضیاالحق کو شاہ حسین کی جانب سے کی گئی سفارش کی صورت میں ملا۔
شاہ حسین نے پاکستان کے نو منتخب وزیراعظم ذوالفقار علی بھٹو کو ضیاالحق کے ”بلیک ستمبر“ کی جنگ کے کارناموں سے آگاہ کیا جس کے بعد وزیر اعظم بھٹو نے ضیاالحق کو بریگیڈیئر سے میجر جنرل کے عہدے پر ترقی دے دی۔ بعد ازاں ذوالفقار علی بھٹو کے سابق مشیر راجہ انوار اپنی کتاب ”دا ٹیررسٹ پرنس“ میں وزیراعظم بھٹو کے غلط فیصلوں کے بارے میں لکھتے ہیں کہ اگر شاہ حسین اس موقع پر ضیاالحق کی سفارش نہ کرتے تو حد درجہ ممکن تھا کہ ضیاالحق کا فوجی کیریئر بطور بریگیڈیئر ہی ختم ہو جاتا۔ کہا جاتا ہے کہ ضیاالحق نے بلیک ستمبر کے قتل عام میں حصہ لیا تھا اور اپنی فوجی اور سفارتی ذمے داریوں سے کوتاہی برتی اور قواعد کی خلاف ورزی کی۔ لیکن شاہ حسین کی سفارش نے شاید وزیراعظم بھٹو کو یہ عندیہ دیا کہ ضیاالحق ان کے ساتھ اپنی وفاداری ثابت کرنے کے لیے کسی بھی حد تک جانے کو تیار ہیں۔
سرکاری طور پر یہ جنگ 16 ستمبر سے 27 ستمبر تک جاری رہی جس کے بعد چھوٹے پیمانے پر جھڑپیں اگلے برس جولائی تک چلتی رہیں۔ فلسطینی رہنما یاسر عرفات کے بقول اس جنگ میں بہت بڑی تعداد میں فدائین کو نقصان اٹھانا پڑا جن کی تعداد 20 سے 25 ہزار کے لگ بھگ تھی۔ طارق علی اپنی کتاب ”دا ڈوئیل“ میں نامور اسرائیلی جنرل ”موشے دایان“ سے منسوب بیان دہراتے ہوئے لکھتے ہیں کہ ”شاہ حسین نے 11 دن میں جتنے فلسطینی ہلاک کیے اتنے تو اسرائیل 20 برسوں میں بھی نہیں ہلاک کر سکتا۔“ فلسطینی زخمیوں کو لبنان کے دارالحکومت بیروت کے ایئرپورٹ پر عالمی تنظیم ریڈ کراس کی جانب سے اردن کے دارالحکومت عمان سے لایا گیا تھا۔
ایک صحافی کے بقول شاہ حسین نے ضیا الحق کی مدد سے اپنی بدؤوں پر مشتمل فوج فلسطینیوں کا قلع قمع کرنے کے لیے بھیجی اور اس کے بعد ایک ایسا قتل عام ہوا جس کا کوئی حساب نہیں لگایا جا سکتا۔ لیکن اس بیانیے کے بالکل برعکس بیانیہ ایک سابق پاکستانی سفارتکار نے پیش کیا جو ستمبر 1970ء میں خود اردن میں تعینات تھا۔ اگست 2010 میں انگریزی اخبار ”دا نیوز“ میں شائع ہونے والے اپنے مضمون میں سابق سفیر طیب صدیقی لکھتے ہیں کہ چھے روزہ جنگ میں شکست کے بعد مختلف عرب ممالک نے پاکستان سے عسکری مدد اور تربیت کی درخواست کی تھی جس کے بعد پاکستان نے اردن، شام اور عراق میں اپنے افسران کو بھیجا تھا۔ طیب صدیقی لکھتے ہیں کہ اردن بھیجے جانے والوں میں تینوں افواج کے 20 اعلیٰ افسران شامل تھے جن کی سربراہی بری فوج کے میجر جنرل نوازش علی کر رہے تھے اور ضیاالحق ان کے نائب تھے۔
طیب صدیقی لکھتے ہیں کہ بعد ازاں پاکستانی فضائیہ کا بھی ایک رجمنٹ شاہ حسین کی درخواست پر اردن پہنچ گیا لیکن اس پوری ٹیم کا مینڈیٹ صرف اور صرف اردنی افواج کو تربیت دینا تھا اور کسی قسم کی جنگ میں حصہ لینا نہیں تھا۔ طیب صدیقی کے بقول ضیاالحق نے فوجی دستے کی کمانڈ سنبھال لی لیکن کوئی فوجی آپریشن شروع ہونے سے پہلے ہی امریکی اور اسرائیلی دباؤ میں آ کر شام نے اپنی فوجیں واپس بلا لیں۔ طیب صدیقی اپنے مضمون میں آگے لکھتے ہیں کہ پاکستانی سفیر اور فوجی دستے کے سربراہ کی غیر موجودگی میں وہ سفارتخانے کی قیادت کر رہے تھے۔ دو ستمبر کو انہیں ضیاالحق کا فون موصول ہوا جس میں انہوں نے کہا کہ شاہ حسین نے شامی سرحد کے نزدیک موجود ”اربد“ شہر میں انہیں فوجی ڈویژن کی قیادت کرنے کو کہا ہے کیونکہ اردنی کمانڈر میدان چھوڑ کر بھاگ گیا ہے۔
طیب صدیقی آگے لکھتے ہیں کہ میں نے فوراً سیکریٹری دفاع غیاث الدین کو فون کرکے معاملہ بتایا تو انھہوں نے غیر متوقع طور پر، بلا توقف اجازت دے دی۔ میں نے اس پر اعتراض کرنے کی کوشش کی تو انہوں نے مجھے ٹوکتے ہوئے کہا ”ہم نے استخارہ کر لیا ہے۔ ہاشمی سلطنت کا ستارہ عروج پر جا رہا ہے، بادشاہ کی ہدایات پر عمل کرو۔ طیب صدیقی کے بقول ضیاالحق نے فوجی دستے کی کمانڈ سنبھال لی لیکن کوئی فوجی آپریشن شروع ہونے سے پہلے ہی امریکی اور اسرائیلی دباؤ میں آ کر شام نے اپنی فوجیں واپس بلا لیں۔ ان کے مطابق فلسطینیوں کے مبینہ قتل عام میں ضیاالحق کا کُل کردار یہی تھا۔
طیب صدیقی نے اپنے مضمون کے آخر میں لکھا کہ ”عمومی طور پر یہ وثوق سے کہا جاتا ہے کہ ضیاالحق ہزاروں فلسطینیوں کے قتل میں ملوث تھے اور یہ کہ اس کے بعد یاسر عرفات نے عہد کیا تھا کہ وہ کبھی پاکستان نہیں جائیں گے لیکن اس بات کا حقیقت سے دور دور تک کوئی تعلق نہیں۔ یاسر عرفات بعد میں متعدد بار پاکستان کے دورے پر گئے۔“ البتہ یہ حقیقت ہے کہ یاسر عرفات جنرل ضیاءالحق کے جنازے میں شریک نہیں ہوئے تھے۔ 1970ء میں 16 ستمبر سے لے کر 27 ستمبر تک جاری رہنے والی اس جنگ کو تاریخ میں ”بلیک ستمبر“ کے نام سے یاد کیا جاتا ہے۔ کئی مبصرین نے بعد ازاں لکھا ہے کہ اردن کے شاہ حسین کو اس جنگ میں فیصلہ کن مشورہ دینے والے مستقبل میں پاکستان کے فوجی آمر محمد ضیا الحق تھے جن کی مدد سے اردنی فوج کو جنگ جیتنے میں مدد ملی۔
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام