قومی ٹیم کی بنگلہ دیش سیریز کی تیاری، بابر اور شاہین ٹریننگ میں شریک
اشاعت کی تاریخ: 9th, July 2025 GMT
data-id="863a0a8" data-element_type="widget" data-widget_type="theme-post-content.default">
پاکستان کرکٹ ٹیم نے بنگلہ دیش کے دورے کی تیاریوں کا باقاعدہ آغاز نیشنل اسٹیڈیم کراچی میں ٹریننگ کیمپ سے کر دیا ہے، جہاں بابر اعظم، شاہین شاہ آفریدی اور محمد رضوان بھی ایکشن میں نظر آئے، حالانکہ انہیں اسکواڈ میں شامل نہیں کیا گیا۔
یاد رہے کہ پاکستان ٹیم رواں ماہ تین ٹی 20 میچز کھیلنے کے لیے بنگلہ دیش روانہ ہوگی اور اس سیریز کے لیے 15 رکنی اسکواڈ کا اعلان ہوچکا ہے۔ حیران کن طور پر سابق کپتان بابر اعظم، شاہین شاہ آفریدی اور وکٹ کیپر بیٹر محمد رضوان کو اس بار اسکواڈ کا حصہ نہیں بنایا گیا، جس پر سوشل میڈیا اور کرکٹ حلقوں میں شدید ردعمل دیکھنے میں آ رہا ہے۔
اس کے باوجود ان تینوں کھلاڑیوں نے دیگر دو کرکٹرز نسیم شاہ اور محمد وسیم جونیئر کے ساتھ تربیتی کیمپ میں شرکت کی، جو 15 جولائی تک جاری رہے گا۔ پاکستانی ٹیم 16 جولائی کو ڈھاکا روانہ ہوگی جہاں 20، 22 اور 24 جولائی کو شیرِ بنگلہ اسٹیڈیم میں تینوں ٹی 20 میچز کھیلے جائیں گے۔
یہ دورہ پاکستان کرکٹ ٹیم کے نئے ہیڈ کوچ مائیک ہیسن کا پہلا باقاعدہ اسائنمنٹ ہوگا، جنہوں نے حال ہی میں یہ عہدہ سنبھالا ہے۔
ادھر سابق ٹیسٹ کرکٹرز کی جانب سے شاہین شاہ آفریدی کو اسکواڈ سے باہر رکھنے پر شدید تنقید کی گئی ہے۔ ان کا کہنا ہے کہ ایک ورلڈ کلاس فاسٹ بولر کے ساتھ زیادتی ہو رہی ہے اور اسے بلاوجہ نظر انداز کیا جا رہا ہے۔
اب دیکھنا یہ ہے کہ نئی قیادت اور ٹیم کمبی نیشن کے ساتھ پاکستان ٹیم بنگلہ دیش کی سرزمین پر کیسا پرفارم کرتی ہے۔
.
ذریعہ
ذریعہ: Jasarat News
کلیدی لفظ: بنگلہ دیش
پڑھیں:
الزاری جوزف کا پاکستان کیخلاف ٹیسٹ سیریز کیھلنے سے انکار، سیمی کا اظہار برہمی
پاکستان کے خلاف دو ٹیسٹ میچوں کی سیریز سے قبل ویسٹ انڈیز کو بڑا نقصان اٹھانا پڑا ہے۔
تفصیلات کے مطابق ویسٹ انڈیز کے اسٹار فاسٹ بولر الزاری جوزف نے ٹیم میں منتخب ہونے کے باوجود دستیاب ہونے سے انکار کردیا۔
اگرچہ کرکٹ ویسٹ انڈیز نے اسکواڈ کا اعلان کرتے ہوئے ان کی عدم دستیابی کی وجہ ذاتی وجوہات قرار دی تھی تاہم ہیڈ کوچ ڈیرن سیمی نے واضح کیا ہے کہ الزاری جوزف نے خود سلیکشن قبول نہ کرنے کا فیصلہ کیا۔
ڈیرن سیمی کے مطابق الزاری جوزف حال ہی میں انجری سے واپس آئے تھے اور انہیں اسکواڈ میں شامل کیا گیا تھا لیکن بعد ازاں انہوں نے نامعلوم وجوہات کی بنا پر کھیلنے سے معذرت کرلی۔
کوچ نے کہا کہ یہ معاملہ ان کے دائرۂ اختیار سے باہر ہے اور اس حوالے سے فیصلہ بورڈ حکام کریں گے۔
پاکستان کے خلاف سیریز میں ویسٹ انڈیز کے فاسٹ بولنگ اٹیک کی ذمہ داری شمار جوزف، کیمار روچ، جیڈن سیلز، جسٹن گریوز اور کیمو پال پر ہوگی جبکہ اسپن شعبے میں جومیل واریکن، جوشوا بشپ اور کپتان روسٹن چیز دستیاب ہوں گے۔
دونوں ٹیموں کے درمیان پہلا ٹیسٹ ہفتہ کو شروع ہوگا جبکہ دوسرا میچ 2 اگست سے پورٹ آف اسپین میں کھیلا جائے گا۔
ترلائی امام بارگاہ حملہ: جاں بحق ہونے والوں کے ورثاء میں امدادی چیک تقسیم