انڈر 18 ہاکی ایشیا کپ میں پاکستان کی فتوحات کا تسلسل، فائنل میں جگہ بنا لی
اشاعت کی تاریخ: 11th, July 2025 GMT
data-id="863a0a8" data-element_type="widget" data-widget_type="theme-post-content.default">
چین کے شہر ڈازھو میں کھیلے جانے والے انڈر 18 ہاکی ایشیا کپ کے سیمی فائنل میں پاکستان نے سنسنی خیز اور اعصاب شکن مقابلے کے بعد ملائیشیا کو شکست دے کر فائنل میں جگہ بنا لی ہے۔
میچ کا آغاز جارحانہ انداز میں ہوا، جہاں پاکستان نے صرف آٹھ منٹ کے اندر اندر دو شاندار گول داغ دیے۔ پہلے پنالٹی کارنر پر عبداللہ نے گیند کو جال میں پہنچایا، جس کے فوراً بعد شہباز حسن نے دوسرا گول کر کے برتری کو دگنا کر دیا۔
تاہم ملائیشیا نے ہمت نہیں ہاری اور زبردست کم بیک کرتے ہوئے تین مسلسل گول کر ڈالے، یوں مقابلہ پاکستان کے خلاف تین دو ہو گیا۔ اس دباؤ میں بھی پاکستان کے شہباز حسن نے ایک اور گول کر کے میچ کو تین تین سے برابر کر دیا۔ مقررہ وقت تک دونوں ٹیمیں برابر رہیں اور فیصلہ پنالٹی شوٹ آؤٹ پر جا پہنچا۔
شوٹ آؤٹ مرحلے میں دونوں ٹیموں نے سخت مقابلہ کیا۔ پاکستان نے ابتدائی تین شوٹس پر گول کیے، جبکہ ملائیشیا ایک شوٹ ضائع کر بیٹھا۔ پاکستان کو تین دو کی برتری حاصل ہو گئی، مگر چوتھے شوٹ پر پاکستان کامیاب نہ ہو سکا اور مقابلہ پھر برابر ہو گیا۔
فیصلہ کن لمحہ اُس وقت آیا جب حنظلہ علی نے پانچویں شوٹ پر گول کر کے پاکستان کو برتری دلائی اور گول کیپر غلام مصطفیٰ نے ملائیشیا کی آخری پنالٹی روک کر فتح کو یقینی بنا دیا۔
اس جیت کے ساتھ پاکستان انڈر 18 ہاکی ایشیا کپ کے فائنل میں پہنچ گیا ہے جہاں اتوار کو اس کا سامنا جاپان سے ہوگا۔
.ذریعہ: Jasarat News
پڑھیں:
ایف آئی ایچ ہاکی نیشنز کپ ختم ہوئے دو ہفتے گزر گئے، قومی کھلاڑی تاحال ڈیلی الاؤنس سے محروم
قومی ہاکی ٹیم کے کھلاڑی ایف آئی ایچ ہاکی نیشنز کپ کے فائنل میں شرکت کے 16 دن بعد بھی اپنی میچ فیس اور ڈیلی الاؤنس کے منتظر ہیں، جس پر کھلاڑیوں میں شدید مایوسی پائی جارہی ہے۔
ملائیشیا میں کھیلے گئے اس ایونٹ کے فائنل میں نیوزی لینڈ نے پاکستان کو شکست دے کر مسلسل دوسری بار ٹائٹل اپنے نام کیا تھا، جبکہ پاکستانی ٹیم نے عمدہ کارکردگی دکھا کر فائنل تک رسائی حاصل کی تھی، جو کہ ایک بڑی کامیابی تصور کی گئی۔
یہ بھی پڑھیں: ایشین چیمپیئنز ٹرافی کے لیے پاکستان ہاکی ٹیم ’ادھار‘ لیکر چین روانہ، ’اب یہ کس کا وژن ہے؟‘
تاہم عالمی سطح پر پاکستان کی نمائندگی کرنے اور قوم کا سر فخر سے بلند کرنے والے ان قومی ہیروز کو تاحال ان کا حق نہیں مل سکا۔ حیرت کی بات یہ ہے کہ ہر کھلاڑی کو صرف 30 ہزار روپے یومیہ الاؤنس دیا جاتا ہے، چاہے وہ ملکی سرزمین پر کھیل رہے ہوں یا بین الاقوامی مقابلوں میں۔
مزید افسوسناک پہلو یہ ہے کہ تربیتی کیمپوں کا الاؤنس اس سے بھی کم ہے۔ نہ کسی کھلاڑی کو سینٹرل کنٹریکٹ دیا گیا ہے اور نہ ہی کسی اضافی مالی مراعات کی سہولت موجود ہے۔ قومی ٹیم کے کھلاڑیوں کو 3 ٹریننگ کیمپوں کی واجب الادا رقم بھی ابھی تک ادا نہیں کی گئی۔
یہ بھی پڑھیں: ایشین گیمز، پاکستان ہاکی ٹیم کی مسلسل تیسری کامیابی، پہلی پوزیشن برقرار
اس حوالے سے تجزیہ کاروں کا کہنا ہے کہ کھلاڑیوں کے ساتھ یہ رویہ نہ صرف ناانصافی ہے بلکہ ملک میں ہاکی کے مستقبل پر بھی سوالیہ نشان ہے، اگر پاکستان کو دوبارہ ہاکی میں مقام دلانا ہے تو کھلاڑیوں کو عزت، استحکام اور مالی تحفظ دینا ناگزیر ہے۔
ماہرین کے مطابق صرف زبانی تعریف کافی نہیں، اصل حوصلہ افزائی وہ ہے جب وعدے پورے کیے جائیں۔ ان کھلاڑیوں نے اپنی محنت، جذبے اور قربانیوں سے قومی پرچم بلند کیا ہے، اور ان کا حق ہے کہ انہیں وقت پر معاوضہ دیا جائے اور ریاستی سطح پر مکمل تعاون فراہم کیا جائے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news پاکستان ہاکی ڈیلی الاؤنس ملائیشیا نیشنز کپ نیوزی لینڈ واجبات
ایلون مسک نے نئی سیاسی جماعت قائم کرنے کا اعلان کر دیا