قصبہ ایم پی آر کالونی میں فائرنگ سے خاتون جاں بحق
اشاعت کی تاریخ: 12th, July 2025 GMT
کراچی:
قصبہ ایم پی آر کالونی میں فائرنگ سے خاتون جاں بحق ہوگئی، پولیس کے مطابق خاتون کو غیرت کے نام پر قتل کیا گیا تفتیش شروع کردی ہے۔
ایکسپریس نیوز کے مطابق اورنگی ٹاؤن کے علاقے قصبہ ایم پی آر کالونی میں فائرنگ سے خاتون جاں بحق ہوگئی جس کی لاش چھیپا ایمبولینس کے ذریعے عباسی شہید اسپتال منتقل کی گئی۔
پولیس کے مطابق جاں بحق خاتون کی شناخت 20 سالہ سونیا زوجہ رحمت اللہ کے نام سے کی گئی۔
ایس ایچ او اورنگی ٹاؤن انسپکٹر آغا اسلم نے واقعے کی حقیقت بتانے سے گریز کرتے ہوئے بتایا کہ خاتون نے گھر سے بھاگ کر شادی کی تھی کچھ عرصہ قبل سسرال سے کہیں چلی گئی تھی اب واپس آئی تو سسرالیوں نے قتل کردیا، خاتون کی کوئی اولاد نہیں تھی۔
شوہر نے یا کس نے قتل کیا اس حوالے سے بھی بتانے سے بھی ایس ایچ او نے گریز کیا ان کا کہنا تھا کہ ایم پی آر کالونی جرائم پیشہ افراد کا علاقہ ہے جہاں پولیس بھی جانے سے گریز کرتی ہے اس علاقے میں واقعہ پیش آیا ہے، انویسٹی گیشن پولیس واقعے کی تحقیقات کر رہی ہے۔
.ذریعہ: Express News
پڑھیں:
کراچی، رہائشی عمارت کے فلیٹ سے گرکر خاتون جاں بحق
فائل فوٹوکراچی کے علاقے ڈیفنس بدر کمرشل میں رہائشی عمارت کے فلیٹ سے گرکر خاتون جاں بحق ہوگئی۔
اطلاع پر پولیس نے پہنچ کر لاش اسپتال منتقل کردی جبکہ شوہر کا کہنا ہے کہ خاتون ذہنی مریضہ اور اس کی عمر 40 سال تھی۔
پولیس کے مطابق واقعہ کی جگہ کے مشاہدے سے لگتا ہے کہ خاتون نے خودکشی کی ہے، مزید تفتیش جاری ہے۔
دریائےراوی اورملحقہ ندی نالوں میں سیلاب کی وارننگ جاری