بھارتی ریاست اتراکھنڈ میں مندر میں بھگدڑ، 6 افراد ہلاک
اشاعت کی تاریخ: 27th, July 2025 GMT
بھارت کی شمالی ریاست اتراکھنڈ کے شہر ہریدوار میں واقع مشہور منسا دیوی مندر میں بھگدڑ مچنے سے کم از کم 6 افراد ہلاک اور متعدد زخمی ہوگئے۔ زخمیوں میں کئی کی حالت نازک بتائی جارہی ہے۔بھارتی میڈیا رپورٹس کے مطابق، واقعہ اس وقت پیش آیا جب مندر کے راستے میں اچانک ایک ہائی وولٹیج بجلی کی تار گر گئی۔ تار گرنے سے لوگوں میں خوف و ہراس پھیل گیا اور جان بچانے کی کوشش میں شدید افراتفری پیدا ہو گئی، جس کے نتیجے میں بھگدڑ مچ گئی۔مقامی پولیس افسر رتیش سہہ نے ٹائمز آف انڈیا سے گفتگو کرتے ہوئے بتایا کہ “لوگوں نے جب تار کو گرتے دیکھا تو وہ خوف زدہ ہو گئے اور ایک دوسرے کو روندتے ہوئے بھاگنے لگے۔”اتراکھنڈ کے سینیئر سرکاری افسر ونئے شنکر پانڈے نے ہلاکتوں کی تصدیق کرتے ہوئے بتایا کہ ایک شخص کرنٹ لگنے سے جان بحق ہوا، جب کہ دیگر پانچ افراد بھگدڑ کی زد میں آ کر جان کی بازی ہار گئے۔اسپتال حکام کے مطابق 35 افراد کو زخمی حالت میں طبی امداد کے لیے اسپتال منتقل کیا گیا ہے، جن میں سے چند کی حالت تشویشناک ہے۔ ریسکیو اور پولیس ٹیمیں امدادی سرگرمیوں میں مصروف ہیں۔ایک عینی شاہد نے بھارتی میڈیا کو بتایا کہ مندر میں اچانک بڑی تعداد میں زائرین جمع ہو گئے تھے۔ جب کچھ لوگ ہجوم سے باہر نکلنے کی کوشش کرنے لگے تو بھگدڑ مچ گئی، جس میں متعدد لوگ گر پڑے۔ میرے ہاتھ میں بھی فریکچر ہوا ہے،” عینی شاہد نے بتایا۔واضح رہے کہ منسا دیوی مندر ہر سال لاکھوں زائرین کی توجہ کا مرکز بنتا ہے، خاص طور پر مذہبی تہواروں کے دوران۔ یاد رہے کہ رواں سال جنوری میں کمبھ میلے کے دوران بھی بھگدڑ کے ایک واقعے میں 30 افراد ہلاک ہو گئے تھے۔
Post Views: 4.
ذریعہ
ذریعہ: Daily Mumtaz
پڑھیں:
معرکہ حق میں بھارت کو کتنا نقصان پہنچا؟ احتجاج میں شامل بھارتی طلبہ نے بھی پاکستان کے مؤقف کی حمایت کردی
سوشل میڈیا پر ایک ویڈیو تیزی سے وائرل ہو رہی ہے جس میں بھارت میں ہونے والے احتجاج میں شامل ایک بھارتی طالبہ اپنی ہی حکومت کے مؤقف پر سوالات اٹھاتے ہوئے سخت تنقید کرتی نظر آ رہی ہے۔ ویڈیو میں طالبہ کا کہنا ہے کہ آپریشن سندور کے دوران پاکستان نے دعویٰ کیا تھا کہ اس نے بھارتی رافیل طیارے گرائے اور بھارتی فوجیوں کو بھی مارا ہے تاہم اس وقت بھارتی حکومت نے ان تمام دعوؤں کو مکمل طور پر مسترد کر دیا تھا۔
Array koi baat nahi it's ok pic.twitter.com/ZwimtIcx4a
— iffi (@iffiViews) July 22, 2026
طالبہ ویڈیو میں کہتی ہے کہ اب اگر ایک سال بعد حکومت خود یہ تسلیم کر رہی ہے کہ اس دوران چھ بھارتی فوجی ہلاک ہوئے تھے تو اس سے عالمی سطح پر یہی تاثر جائے گا کہ پاکستان کے دعوے درست تھے۔ اس صورتحال نے بھارتی حکومت کی ساکھ کو نقصان پہنچایا ہے آخر میں وہ یہ بھی کہتی ہے کہ اس کے بعد پاکستان کے سامنے بھی ہماری عزت نہیں رہی۔
یہ ویڈیو سوشل میڈیا پر تیزی سے شیئر کی جا رہی ہے جہاں صارفین اس پر مختلف آراء کا اظہار کر رہے ہیں۔ بعض صارفین کا کہنا ہے کہ پاکستان کے دیگر دعوے بھی درست تھے جبکہ کچھ صارفین نے بھارتی حکومت کو تنقید کا نشانہ بناتے ہوئے اسے حقائق چھپانے اور متضاد بیانات دینے کا ذمہ دار قرار دے رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
انڈین آرمی بھارتی طیارے پاک آرمی پاک فوج پاکستانی فوج رافیل ویڈیو وائرل
ٹی20 ورلڈ کپ 2026: پاکستان نے سپر 8 کے لیے جگہ پکی کر لی