چیئرمین ایچ ای سی ڈاکٹر مختار سبکدوش، قائم مقام چیئرمین کا نوٹیفکیشن جاری
اشاعت کی تاریخ: 29th, July 2025 GMT
اسلام آباد:
ہائرایجوکیشن کمیشن آف پاکستان (ایچ ای سی) کے چیئرمین ڈاکٹر مختار احمد مدت ملازمت ختم ہونے پر عہدے سے سبکدوش ہوگئے اور وفاقی حکومت نے سیکریٹری ایجوکیشن ندیم محبوب کو کمیشن کا قائمقام چیئرمین تعینات کر دیا۔
وفاقی وزارت تعلیم نے سیکریٹری ندیم محبوب کی تعیناتی کا باضابطہ نوٹیفکیشن جاری کر دیا ہے۔
نوٹیفکیشن کے مطابق وزیر اعظم شہباز شریف نے ندیم محبوب کی قائم قام چیئرمین ایچ ای سی تعیناتی کی منظوری دی۔
وزارت تعلیم کی جانب سے جاری نوٹیفکیشن میں کہا گیا ہے کہ ندیم محبوب کی تعیناتی تین ماہ یا مستقل چیئرمین ایچ ای سی کی تعیناتی تک ہو گی۔
ندیم محبوب ایچ ای سی کمیشن کے رکن بھی ہیں اور اسی بنیاد پر وزیر اعظم نے انہیں ایچ ای سی ایکٹ کی سیکشن 8کی ذیلی شق3کے تحت قائم قام چیئرمین تعینات کیا ہے۔
ذرائع کے مطابق گزشتہ روز سابق چیئرمین ایچ ای سی کی جانب سے مختلف تقرریاں وتبادلے کیے گئے ہیں۔
ایچ ای سی ذرائع نے بتایا کہ وزارت تعلیم کی جانب سے بھجوائی گئی سمری میں ڈاکٹر مختار کی مدت ملازمت میں توسیع کے نوٹیفکیشن بارے وضاحت مانگی گئی کہ ڈاکٹر مختار مزید کام جاری نہیں رکھ سکیں گے تاہم وزیر اعظم آفس کی جانب سے سمری میں ایکٹ کے مطابق قائم قام چیئرمین کی تعیناتی کی بھی منظوری دے دی۔
ندیم محبوب سیکریٹری ایجوکیشن کے ساتھ ساتھ چیئرمین ایچ ای سی کی ذمہ داریاں کل سنبھالیں گے۔
.
ذریعہ
ذریعہ: Express News
کلیدی لفظ: چیئرمین ایچ ای سی ڈاکٹر مختار کی تعیناتی کی جانب سے
پڑھیں:
پنجاب کے وزیر تعلیم رانا سکندر حیات نے ٹیچر بننے کا اعلان کردیا
لاہور (ڈیلی پاکستان آن لائن ) پنجاب کے وزیر تعلیم رانا سکندر حیات نے ٹیچر بننے کا اعلان کردیا۔
تفصیلات کے مطابق رانا سکندر حیات نے ستمبر کے پہلے ہفتے سے انگلش اور کیمسٹری سمیت دیگر مضامین کی تدریس کا اعلان کیا۔انہوں نے کہا کہ لاہور میں ستمبر کے پہلے ہفتے سے کلاس کو پڑھاناشروع کروں گا، انگلش اور کیمسٹری میرے پسندیدہ مضمون ہیں لہٰذا ان ہی مضامین سے شروع کروں گا۔
وزیر تعلیم نے کہنا ہےکہ پرائمری اسکولوں میں انگلش اور ہائی اسکولوں میں کیمسٹری سے آغاز کروں گا جب کہ انگلش اور کیمسٹری کے علاؤہ دیگرمضامین کی بھی تدریس کروں گا۔انہوں نے مزید کہا کہ ہر ہفتے کسی ایک اسکول میں بغیر پیشگی اطلاع پڑھانے جاؤں گا، اساتذہ کی عزت کرتا ہوں، استاد بن کر فخر محسوس کروں گا۔
پاکستانی تاجروں نے چین کو 60ہزار ٹن چاول برآمد کرنے کے آرڈرز حاصل کرلئے
ان کا کہنا تھا کہ اس اقدام سے تعلیمی معیار کو جانچ کر تدریسی کمزوریاں دور کرنے میں مدد ملے گی۔
مزید :
متنازع ٹوئٹس کیس: ایمان مزاری، ہادی چٹھہ کی اپیل کی سماعت کل ہوگی