سندھ کے اسپتالوں میں پاکستانیوں سمیت غیرملکیوں کیلیے مفت علاج کی سہولیات جاری ہیں، شرجیل میمن
اشاعت کی تاریخ: 2nd, August 2025 GMT
سندھ کے سینئر صوبائی وزیر برائے اطلاعات، ٹرانسپورٹ اور ماس ٹرانزٹ شرجیل میمن نے کہا ہے کہ سندھ کے اسپتالوں میں تمام پاکستانیوں اور ایران، افغانستان سمیت کئی ممالک کے شہریوں کیلیے مفت علاج کی سہولیات فراہم کی جارہی ہیں۔
سندھ کے سینئر صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن کی جانب سے پاکستان فیڈرل یونین آف جرنلسٹس کے عہدیداران کے اعزاز میں کراچی کے ایک مقامی ہوٹل میں ایک پروقار ظہرانے کی تقریب منعقد ہوئی۔
تقریب میں سندھ کے سینئر وزیر اور صوبائی وزیر برائے اطلاعات، ٹرانسپورٹ و ماس ٹرانزٹ شرجیل انعام میمن، صوبائی وزیر سعید غنی اور سندھ حکومت کے ترجمان گنہور خان اسران، سمیتا افضال سید، سعدیہ جاوید، بلند خان جونیجو، عقربہ فاطمہ، سکھدیو آسرداس ہمنانی، نادر نبیل گبول، تحسین عابدی، مصطفیٰ بلوچ دیگر اہم شخصیات نے شرکت کی۔
تقریب میں پنجاب، خیبرپختونخوا، بلوچستان اور سندھ سے یونین آف جرنلسٹس کے اعلیٰ عہدیداران نے شرکت کی۔ اس موقع پر خطاب کرتے ہوئے شرجیل انعام میمن نے کہا کہ سندھ حکومت کی پالیسی صحافیوں کے تحفظ، فلاح و بہبود اور آزادی اظہار کے اصولوں پر مبنی ہے۔
انہوں نے کہا کہ سندھ کے تمام اسپتال پاکستانی شہریوں کے لیے مفت ہیں، حتیٰ کہ ایران، افغانستان اور دیگر ممالک سے بھی مریض سندھ میں علاج کے لیے آتے ہیں۔
ان کا کہنا تھا کہ اگر کسی صحافی پر حملہ ہو تو ایک سیکنڈ کے اندر بڑے سے بڑے اسپتال میں اس کا علاج کرایا جاتا ہے۔ انہوں نے مزید کہا کہ ہم سیاسی اختلاف نہیں دیکھتے، بس خدمت کرتے ہیں۔
شرجیل انعام میمن نے میڈیا انڈسٹری کی حمایت کو اپنی حکومت کی ترجیح قرار دیتے ہوئے کہا کہ ہم نے ہمیشہ کوشش کی کہ میڈیا فرینڈلی رہیں اور میڈیا انڈسٹری کو ترقی دیں۔
انہوں نے کہا کہ میڈیا ہاؤسز میں کم از کم اجرت کے قانون پر مکمل عمل درآمد یقینی بنایا جائے گا، یہ ہماری ترجیح ہے۔ انہوں نے کہا کہ پاکستان نے بھارت کو تاریخی شکست دی، اور اس فتح کا جشن منانا ایک اعزاز کی بات ہے۔ اب پاکستانی پاسپورٹ پر سفر کرنے کا فخر اور مزہ ہے۔
انہوں نے کہا کہ آج دنیا میں ہمارے پاسپورٹ کی عزت بڑھی ہے ہمارا ملک ترقی کی راہ پر گامزن ہے۔
شرجیل میمن نے کہا کہ محکمہ تعلیم سندھ میں 93 ہزار ملازمتیں 100 فیصد شفاف طریقے سے دی گئیں۔ دنیا کا سب سے بڑا ہاؤسنگ منصوبہ سندھ میں جاری ہے اور پیپلز پارٹی کی حکومت 21 لاکھ گھر تعمیر کر رہی ہے۔
تقریب میں وزیر بلدیات سعید غنی نے کہا کہ جمہوری معاشرہ آزاد عدلیہ اور آزاد صحافت کے بغیر ممکن نہیں۔ عدالتوں کو فیصلے کرنے کی مکمل آزادی حاصل ہے، مگر وہ آزادی آئین کی حدود میں ہونی چاہیے۔انہوں نے کہا کہ ادارے آئینی دائرہ کار سے تجاوز کرتے ہیں تو اس کا نقصان ریاست کو ہوتا ہے۔
انہوں نے کہا کہ کچھ لوگ میڈیا کا لبادہ اڑھ کر اصل میں کچھ اور ہی مقاصد کے لیے سرگرم ہوتے ہیں، جس سے اداروں کی ساکھ متاثر ہوتی ہے۔
انہوں نے کہا کہ ملک میں شاید آئیڈیل نظام نہیں، لیکن اس نظام کے اندر رہتے ہوئے ہی بہتری لانا ہماری ذمہ داری ہے۔
وزیراعلیٰ سندھ کے معاونِ خصوصی رضا ہارون نے اپنے خطاب میں کہا کہ خبروں کے حوالوں میں درستگی اور ذمہ داری ضروری ہے۔ بلاول بھٹو نے سفارتی محاذ پر پاکستان کے لیے نمایاں کامیابیاں حاصل کیں، جب کہ صدر آصف علی زرداری نے 'پاکستان کھپے' کا نعرہ لگا کر ملک میں مفاہمتی سیاست کو فروغ دیا۔
رضا ہارون کا کہنا تھا کہ بعض نادان عناصر، جو پارلیمان میں موجود ہیں، بدقسمتی سے پاکستان دشمن بیانیے کو سپورٹ کر رہے ہیں۔ ان کے مطابق پُرامن احتجاج ہر شہری کا جمہوری حق ہے، لیکن یہ دیکھنا ضروری ہے کہ کون عناصر انتشار پھیلا رہے ہیں۔
انہوں نے کہا کہ صحافت جمہوریت کا ستون ہے، اسے کمزور نہیں ہونے دینا چاہیے۔
صدر پی ایف یو جے افضل بٹ نے کہا کہ پیپلز پارٹی ہمیشہ ورکر کلاس کی امیدوں کا مرکز رہی ہے۔ انہوں نے کہا کہ پیپلز پارٹی نے مزدور دوست ماحول مہیا کیا، اور گزشتہ 40 برسوں سے اس کے خلاف منفی تاثر قائم کرنے کے لیے باقاعدہ سرمایہ کاری کی گئی۔
ان کا کہنا تھا کہ ذوالفقار علی بھٹو نے جو مزدور قوانین اور ادارے دیے، وہ آج بھی مزدوروں کا سہارا ہیں۔ انہوں نے سندھ میں صحت کی مفت سہولیات کو دنیا کے کسی بھی فلاحی ریاست سے بہتر قرار دیتے ہوئے بین الصوبائی وفود کے تبادلوں کا سلسلہ دوبارہ شروع کرنے کی تجویز دی۔
سیکریٹری جنرل پی ایف یو جے ارشد انصاری نے کہا کہ پیپلز پارٹی ہمیشہ صحافیوں کے ساتھ کھڑی رہی ہے، چاہے حالات جیسے بھی ہوں۔ انہوں نے مزید کہا کہ لاہور سے آنے والے صحافیوں نے تھر سمیت سندھ کے چھوٹے شہروں کا دورہ کیا اور صحت سہولیات کو سراہا۔
ان کا کہنا تھا کہ مٹھی کا ماحول انہیں مری جیسا محسوس ہوا۔ سائبر نائف ٹیکنالوجی کے ذریعے کینسر کے علاج کو انہوں نے سندھ حکومت کا بڑا کارنامہ قرار دیا۔تقریب میں مظہر عباس نے کہا کہ پیپلز پارٹی اور سندھ حکومت کی جانب سے کبھی بھی صحافیوں کو خبر دینے یا نہ دینے پر دباؤ نہیں ڈالا گیا۔
انہوں نے کہا کہ پیپلز پارٹی کی اصل طاقت ہمیشہ سے مزدور، طلبہ اور ہاری یونینز رہی ہیں۔سینئر وزیر شرجیل انعام میمن نے معزز مہمانوں کو شیلڈز اور سندھی ثقافت اجرک اور ٹوپی کے تحائف بھی پیش کئے
.ذریعہ: Express News
کلیدی لفظ: نے کہا کہ پیپلز پارٹی شرجیل انعام میمن انہوں نے کہا کہ کا کہنا تھا کہ سندھ حکومت اور سندھ سندھ کے کے لیے
پڑھیں:
محکمہ جیل سندھ میں 6 ہزار افسران و اہلکار بھرتی کرنے کا فیصلہ
کراچی:محکمہ جیل میں نئی بھرتیوں کے تحت 6ہزار افسران و اہلکار بھرتی کرنے کا فیصلہ کیا گیا ہے، دستاویزات کے مطابق پہلے مرحلے میں ایک ہزار اہلکاروں کو اور دوسری مرحلے میں پانچ ہزار اہلکاروں و افسران کو بھرتی کیا جائے گا۔
محکمہ جیل کے مطابق اس وقت سندھ کے جیلوں میں ساڑھے پچیس ہزار سے زائد قیدی موجود ہونے کے باعث بھرتیوں کا فیصلہ کیا گیا ہے، قانون کے مطابق تیرہ ہزار قیدیوں پر چار ہزار نفری مقررکی جاتی ہے۔
سندھ بھر کے جیلوں میں کمیونیکیشن کیلیے جدید وائرلیس سسٹم، سی سی ٹی وی اور کمانڈ اینڈکنٹرول روم قائم کرنے کا بھی فیصلہ کیا گیا ہے، قیدیوں کی باڈی سرچ کیلیے اسکینر اور ملاقاتیوں کے بیٹھنے کیلیے مکمل سہولیات سے آراستہ اے سی ہال قائم کرنے کا بھی فیصلہ کیا گیا ہے۔
محکمہ جیلز میں ٹرانسپورٹ کے بحران کو ختم کرنے کیلیے 80 پولیس موبائلز اور چالیس ایمبولینسز خریدنے کا فیصلہ کیا گیا ہے، قیدیوں کیلیے آئی ٹی پروگرام اور جیل انڈسٹری بھی بحال کرنے کیلیے تجاویز زیر غور ہیں۔
ملیر اور حیدرآباد کے جیلوں سے رش کم کرنے کیلیے لانڈھی ایکسٹینشن جیل قائم کیا گیا ہے اور ٹھٹھہ جیل کا آئندہ ماہ افتتاح ہوگا، ٹھٹھہ اور ملیر ایکسٹینشن جیل ایک، ایک ہزار قیدیوں کو منتقل کیا جائے گا۔
اسحاق ڈارکی امریکی وزیرخارجہ سے ملاقات, 40منٹ تک جاری رہنے والی ملاقات میں اہم امور پر گفتگو