اسلام آباد میں مضر صحت گوشت کی بڑی کھیپ پکڑی گئی
اشاعت کی تاریخ: 3rd, August 2025 GMT
اسلام آباد فوڈ اتھارٹی کی جانب سے مضر صحت گوشت کے خلاف کارروائیاں جاری ہیں۔
تازہ کارروائی میں 160 کلوگرام بدبودار اور غیر معیاری گوشت سے بھری گاڑی کو گولڑہ روڈ پر روکا گیا، جس کے بعد موقع پر ہی گوشت کو تلف کر دیا گیا۔
یہ بھی پڑھیں:اسلام آباد کے بعد بٹگرام میں گدھے کا گوشت برآمد، مقامی مارکیٹوں میں سپلائی کا شبہ
میٹ سیفٹی ٹیم نے انسپکشن کے دوران پایا کہ گوشت پر کسی بھی ذبح خانے کی اسٹیمپ موجود نہیں تھی، جبکہ اس کی اسٹوریج اور درجہ حرارت (ٹمپریچر) ایس او پیز کے مطابق نہیں تھا۔
اس موقع پر ڈپٹی ڈائریکٹر اسلام آباد فوڈ اتھارٹی ڈاکٹر طاہرہ صدیق نے بتایا کہ یہ تمام خلاف ورزیاں سنگین نوعیت کی ہیں اور شہریوں کی صحت کو براہِ راست متاثر کر سکتی ہیں۔
ڈاکٹر طاہرہ صدیق نے مزید کہا کہ اسلام آباد شہر میں مضر صحت گوشت کی ترسیل کو ہر صورت روکا جائے گا۔
ان کے مطابق فوڈ اتھارٹی کی میٹ سیفٹی ٹیم روزانہ کی بنیاد پر سرپرائز انسپکشنز کر رہی ہے تاکہ ناقص گوشت کی فراہمی کو جڑ سے ختم کیا جا سکے۔
یاد رہے کہ اس سے قبل اسلام آباد ہی میں گدھے کے گوشت کا واقعہ بھی سامنے آ چکا ہے، جس پر شدید عوامی ردِعمل سامنے آیا تھا۔
فوڈ اتھارٹی اس بار بھی اسی سنجیدگی سے کارروائیاں کر رہی ہے تاکہ شہریوں کو محفوظ اور حلال گوشت فراہم کیا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
اسلام اباد فوڈ اتھارٹی گدھے کا گوشت گولڑہ روڈ میٹ سیفٹی ٹیم.
ذریعہ
ذریعہ: WE News
کلیدی لفظ: اسلام اباد فوڈ اتھارٹی گدھے کا گوشت فوڈ اتھارٹی اسلام آباد
پڑھیں:
فیصل آباد:حکومت سے مذاکرات ناکام ہونے پر پیٹرول پمپ مالکان کا پمپس بند رکھنے کا اعلان
اسلان درانی : فیصل آباد میں حکومت اور پٹرول پمپ مالکان کے درمیان مذاکرات کامیاب نہ ہو سکے، جس کے بعد پٹرول پمپ مالکان نے ہڑتال کا اعلان کر دیا, ہڑتال کے باعث شہر میں متعدد پٹرول پمپس پر پٹرول کی فراہمی معطل ہو گئی، جس سے شہریوں کو ایندھن کے حصول میں شدید مشکلات کا سامنا ہے۔
اطلاعات کے مطابق پاکستان اسٹیٹ آئل (PSO) اور گو (GO) کے چند پمپس کے علاوہ بیشتر مقامات پر پٹرول دستیاب نہیں، جبکہ کھلے پمپس پر بھی گاڑیوں کی لمبی قطاریں دیکھی جا رہی ہیں۔ شہریوں کا کہنا ہے کہ پٹرول تک رسائی ان کے لیے ایک بڑا چیلنج بن چکی ہے۔
پاکستان کے ماحولیاتی نمونوں میں پولیو وائرس کی مثبت شرح میں کمی آگئی
شہریوں نے شکایت کی کہ پٹرول پہلے ہی مہنگا ہو چکا ہے اور اب اس کی عدم دستیابی نے مشکلات میں مزید اضافہ کر دیا ہے۔ بعض شہریوں کا کہنا ہے کہ پٹرول پمپ مالکان سپلائی میں تعطل کو جواز بنا رہے ہیں، جس سے عام صارفین متاثر ہو رہے ہیں۔
شہریوں نے حکومت سے مطالبہ کیا ہے کہ عوامی مفاد کو مدنظر رکھتے ہوئے فوری اقدامات کیے جائیں، پٹرول کی بلا تعطل فراہمی یقینی بنائی جائے اور حکومت و پٹرول پمپ مالکان کے درمیان پیدا ہونے والے تنازع کو جلد از جلد حل کیا جائے تاکہ معمولاتِ زندگی متاثر نہ ہوں۔
جعلی امیدواروں کی شامت، پی پی ایس سی امتحانات میں بائیو میٹرک نظام نافذ
تحریکِ تحفظِ آئینِ پاکستان کا پارلیمنٹ ہائوس سے دھرنا ختم