سی ڈی اے کی جانب سے ایرانی صدر کے استقبال میں مثالی انتظامات، شہر کو جھنڈوں اور انتہائی شاندار اور خوبصورت لائٹس سے سجا دیا گیا
اشاعت کی تاریخ: 3rd, August 2025 GMT
سی ڈی اے کی جانب سے ایرانی صدر کے استقبال میں مثالی انتظامات، شہر کو جھنڈوں اور انتہائی شاندار اور خوبصورت لائٹس سے سجا دیا گیا WhatsAppFacebookTwitter 0 3 August, 2025 سب نیوز
اسلام آباد (سب نیوز ) ایرانی صدر کے دورۂ اسلام آباد کے موقع پر سی ڈی اے کی جامع تیاریاں۔اسلام آباد شہر کو دونوں ملکوں کے خوبصورت جھنڈوں اور انتہائی شاندار اور خوبصورت لائٹس سے سجا دیا گیا۔
ایران کے صدر کا حالیہ دورۂ پاکستان اور ایران دونوں ہمسایہ ممالک کے درمیان تاریخی، ثقافتی اور برادرانہ تعلقات کو مزید مضبوط بنانے کی جانب ایک اہم کامیابی ہے۔پاکستان کے دارالحکومت اسلام آباد میں برادر اسلامی ملک کے معزز مہمان کے استقبال کے لیے تیاریوں کے لیے سی ڈی اے نے شاندار تیاریاں کیں جن کو کومرکزی حیثیت حاصل ہے۔
وفاقی وزیر داخلہ محسن نقوی کے ویژن اور چیئرمین سی ڈی اے محمد علی رندھاوا کی زیر قیادت کیپیٹل ڈیولپمنٹ اتھارٹی (سی ڈی اے) نے معزز مہمان کے اسلام آباد میں شایان شان استقبال اور اس سلسلہ میں تیاریوں میں اہم اور فعال کردار ادا کیا۔
وفاقی دارالحکومت اسلام آباد مہمان نوازی، وقار اورادارہ جاتی مہارت کی بھرپور عکاسی کرتا ہے جو کہ ایسے اعلیٰ سطح کے دوروں میں ضرورت ہوتی ہے۔
ایرانی صدر کی آمد کے پیش نظر سی ڈی اے نے شہر بھر کی خوبصورتی کو بڑھانے کے علاوہ وفاقی دارلحکومت اسلام آباد کو دونوں برادر اسلامی ممالک کے رنگ برنگے جھنڈوں سے نہ صرف بھر دیا جس سے شہر کی خوبصورتی کو چار چاند لگ گئے۔ ایران کے صدر کے روٹ پر آنے والے تمام اہم مقامات کو جدید اور خوبصورت روشنیوں سے سجایا گیا جس سے وفاقی دارالحکومت روشنیوں کے شہر میں تبدیل ہونے کے علاوہ ایک پُروقار اور خوش نما اور مزید خوبصورت لگنے لگا۔ یہ روشنیاں نہ صرف شہر کی خوبصورتی میں اضافے کا سبب بنیں بلکہ پاکستان کی طرف سے ایرانی مہمان کے گرمجوش سے استقبال کی علامت بھی بنیں۔
مزید برآں دونوں ممالک کے مابین مضبوط سفارتی تعلقات کو اجاگر کرنے کے لیے پاکستان اور ایران کے قومی پرچموں کو تمام اہم شاہراہوں اور چوراہوں پر نمایاں طور پر آویزاں کیا گیا۔ اس سجاوٹ نے شہر کے ماحول میں ایک اور باوقار رنگ بھرا اور ظاہر کیا کہ اسلام آباد عالمی رہنماؤں کی میزبانی کے لیے کتنی خوش اسلوبی سے تیار جاسکتا ہے۔
وفاقی وزیر داخلہ کے ویژن کے مطابق سی ڈی اے کے چیرمین محمد علی رندھاوا نے دن رات محنت کرتے ہوئے معزز مہمان کی اسلام آباد میں آمد کے موقع پر بھر پور تیاریاں کرتے شہر کو خوبصورت جھنڈوں اور برقی قمقموں سے سجا دیا۔ سڑکوں کی خاص طور پر بہترین صفائی کے علاوہ گرین بیلٹس کی مناسب دیکھ بھال کے ساتھ ساتھ اہم عوامی مقامات پر خوبصورت پھولوں کی آرائش کی گئی۔ یہ تمام اقدامات سی ڈی اے نے پوری محنت، دل جمعی اور پورے خلوس اور پروفیشنل انداز میں دیگر متعلقہ محکموں کے ساتھ ہم آہنگی سے کیے جو چیئرمین سی ڈی اے محمد علی رندھاوا کی قیادت میں بہترین کارکردگی کی عکاسی کرتے ہیں جس کی بدولت اسلام آباد کوصاف، سرسبز اور منظم اماڈل دارالحکومت کے طور پر برقرار رکھنے میں مدد مل سکے۔
ایرانی صدر کا دورہ نہ صرف پاکستان کی خارجہ پالیسی میں علاقائی تعاون، مشترکہ ترقی اور باہمی احترام کی ترجیحات کا مظہر ہے بلکہ یہ اسلام آباد کے لیے خود کو امن، ترقی اور منصوبہ بندی کا شہر ثابت کرنے کا موقع بھی ہے۔ چیئرمین سی ڈی اے محمد علی رندھاوا کی قیادت میں اسلام آباد نے معزز مہمان کے بھر پور استقبال کے لیے بہترین اور شاندار انتظامات کیے گیے۔
مزید برآں ایرانی صدر کا یہ دورہ پاکستانی قوم کے لیے باعثِ فخر ہے۔ وفاقی وزیر داخلہ کے ویژن کے مطابق سی ڈی اے نے چیئرمین محمد علی رندھاوا کی قیادت میں اس موقع کو یادگار بنا دیا۔ اسلام آباد کو ایک جدید، خوبصورت اور مہمان نواز دارالحکومت میں تبدیل کر کے نہ صرف مہمان نوازی کی اعلی روایات کو برقرار رکھا بلکہ طویل مدتی وژن کے تحت اسلام آباد کو دنیا کے خوبصورت اور بہترین نظم و نسق والے دارالحکومتوں میں شامل کرنے کی جانب بھی ایک اہم قدم اُٹھایا گیا جس کو عوام نے بے حد سراہا
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرویسٹ انڈیز نے دوسرے ٹی ٹوئنٹی میں پاکستان کو سنسنی خیز مقابلے کے بعد شکست دی عمران خان نے ڈیل کی آفر لے جانے پر علی امین پر جوتی اٹھا لی تھی، سہیل وڑائچ کا انکشاف نواز شریف اور شہباز شریف کے کزن شاہد شفیع انتقال کر گئے خیبرپختونخوا کے مختلف اضلاع میں فورسز کی کارروائیاں، 7 ماہ میں 892 دہشت گرد ہلاک ایشیا کپ 2025 کے وینیوز کا اعلان، دبئی اور ابوظہبی میں میدان سجے گا،پاک انڈیا ٹاکرا بھی فائنل، غیرملکی مسافروں کیلئے ایئرپورٹس پر علیحدہ امیگریشن کا ئونٹرز قائم کرنے کا فیصلہ اسحاق ڈار کی سید عباس عراقچی سے ملاقات، تجارت و اقتصادی تعاون پر اتفاقCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: اور خوبصورت ایرانی صدر جھنڈوں اور سے سجا دیا سی ڈی اے کی جانب صدر کے شہر کو
پڑھیں:
ایرانی صدر کی اسلام آباد آمد کے موقع پر کونسے راستے بند رہیں گے؟ ٹریفک پولیس نے بتا دیا
اسلام آباد میں ایرانی صدر کی آمد کے باعث وفاقی دارالحکومت کے مختلف اہم مقامات پر سیکیورٹی کے سخت انتظامات کیے گئے ہیں۔ اس دوران شہریوں کو ممکنہ ٹریفک مسائل سے بچانے کے لیے اسلام آباد ٹریفک پولیس نے ایک جامع ٹریفک پلان جاری کر دیا ہے۔
ٹریفک پولیس اسلام آباد کے مطابق کورال، فیض آباد، ایکسپریس ہائی وے، مری روڈ، کلب روڈ، سرینہ ہوٹل، زیرو پوائنٹ اور سری نگر ہائی وے پر غیر معمولی حفاظتی اقدامات کیے گئے ہیں جس کی وجہ سے ٹریفک کی روانی متاثر ہو سکتی ہے۔
ٹریفک پولیس کے مطابق شام 5 بجے سے 7 بجے تک ایکسپریس ہائی وے اور سری نگر ہائی وے پر ٹریفک کی روانی میں سست روی اور عارضی تعطل متوقع ہے۔ ان علاقوں میں سفر کرنے والے شہریوں سے کہا گیا ہے کہ وہ متبادل راستوں کا انتخاب کریں تاکہ کسی بھی ممکنہ تاخیر یا پریشانی سے بچا جا سکے۔
یہ بھی پڑھیے: اسلام آباد: شدید بارش کے باعث پروازوں کا شیڈول درہم برہم، شہری زندگی مفلوج
شہریوں کو مشورہ دیا گیا ہے کہ ایکسپریس ہائی وے اور سری نگر ہائی وے سے منسلک سروس روڈز کا استعمال کریں جبکہ بلیو ایریا، سیکٹر ایف-6 اور ایف-7 جانے والے مسافر ایچ-8 انڈر پاس سے استفادہ کریں۔ ریڈ زون اور سرینہ ہوٹل کی طرف جانے والی ٹریفک کو مارگلہ روڈ، جناح ایونیو، ایوب چوک اور نادرا چوک سے گزرنے کی ہدایت کی گئی ہے۔
بری امام جانے والے افراد کو بھی نادرا چوک کا راستہ اختیار کرنے کا کہا گیا ہے۔ اسی طرح سیکٹر آئی اور ایچ کی طرف سفر کے لیے شہری راولپنڈی پشاور روڈ اور آئی جے پی روڈ سے منسلک سروس روڈز استعمال کریں۔
یہ بھی پڑھیے: ایرانی صدر مسعود پزشکیان کی مزار اقبال پر حاضری، اسلام آباد کے لیے روانہ
مری روڈ سے سرینہ اور فیض آباد براستہ راول ڈیم کا راستہ دوران آمد و رفت مکمل طور پر بند رکھا جائے گا۔ ٹریفک پولیس کے مطابق، شہریوں کی آسانی کے لیے پولیس اہلکار مختلف مقامات پر موجود ہوں گے تاکہ رہنمائی فراہم کی جا سکے۔
چیف ٹریفک آفیسر کیپٹن (ر) سید ذیشان حیدر نے شہریوں سے اپیل کی ہے کہ وہ کسی بھی سفری پریشانی سے بچنے کے لیے کم از کم 20 منٹ اضافی وقت لے کر گھروں سے روانہ ہوں۔ انہوں نے مزید کہا کہ ٹریفک سے متعلق فوری معلومات اور رہنمائی کے لیے شہری ہیلپ لائن 1915 پر رابطہ کر سکتے ہیں، جبکہ ٹریفک پولیس کے سوشل میڈیا پلیٹ فارمز سے بھی تازہ ترین روٹس اور ٹریفک اپڈیٹس حاصل کی جا سکتی ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
روس نے ایرانی سیٹلائٹ خلا میں بھیج دیا