تمنا بھاٹیا کا ویرات کوہلی اور عبدالرزاق سے منسوب افواہوں پر ردعمل
اشاعت کی تاریخ: 4th, August 2025 GMT
معروف بھارتی اداکارہ تمنا بھاٹیا نے حالیہ انٹرویو میں بھارتی کرکٹر ویرات کوہلی اور سابق پاکستانی آل راؤنڈر عبدالرزاق سے منسوب تعلقات کی افواہوں کی تردید کر دی ہے۔
بھارتی میڈیا کے مطابق، اداکارہ نے وضاحت کی کہ ان کی ویرات کوہلی سے ملاقات صرف ایک بار 2012 میں ایک اشتہار کی شوٹنگ کے دوران ہوئی تھی، اور اس کے بعد نہ کوئی بات چیت ہوئی، نہ دوبارہ ملاقات۔ تمنا نے کہا: “میں نے ان سے صرف ایک دن ملاقات کی۔ اس کے بعد کوئی بات نہیں ہوئی، نہ ہی کوئی ملاقات۔”
ایک اور مشہور افواہ یہ تھی کہ تمنا نے سابق پاکستانی کرکٹر عبدالرزاق سے خفیہ شادی کر لی ہے۔ یہ قیاس آرائیاں ایک تصویر کی بنیاد پر کی گئیں جس میں دونوں ایک جیولری شوروم میں نظر آ رہے تھے۔ اس پر ہنستے ہوئے تمنا نے کہا: “انٹرنیٹ واقعی ایک دلچسپ جگہ ہے۔”
انہوں نے مزید وضاحت کرتے ہوئے کہا کہ یہ تصویر دراصل ایک تقریب کی تھی جہاں وہ اور عبدالرزاق اتفاقاً موجود تھے۔
اداکارہ نے کہا کہ ایسی بے بنیاد باتیں شرمندگی کا باعث بنتی ہیں، خاص طور پر جب ان میں کوئی سچائی نہ ہو۔
ان کا کہنا تھا: “جب آپ کا کسی سے کوئی تعلق ہی نہ ہو اور پھر بھی ایسی خبریں پھیلائی جائیں تو عجیب لگتا ہے۔ اسی لیے میں عموماً ایسی خبروں پر دھیان نہیں دیتی۔”
واضح رہے کہ تمنا بھاٹیا کچھ وقت قبل اداکار وجے ورما کے ساتھ تعلق میں ہونے کی تصدیق کر چکی تھیں، تاہم اب ان کا رشتہ ختم ہو چکا ہے، البتہ دونوں کے درمیان دوستی تاحال قائم ہے۔
View this post on InstagramA post shared by Varinder Chawla (@varindertchawla)
Post Views: 3.ذریعہ: Daily Mumtaz
پڑھیں:
بلاس عباس کیساتھ خفیہ نکاح کی خبروں پردرفشاں سلیم نے خاموشی توڑ دی
کراچی (شوبز ڈیسک):پاکستان کی معروف اداکارہ دُرِفشاں سلیم نے بالآخر ساتھی اداکار بلال عباس کے ساتھ خفیہ نکاح کی افواہوں پر خاموشی توڑ دی ہے۔
دُرِفشاں سلیم، جنہوں نے عشق مرشد، کیسی تیری خودغرضی اور جیسے آپ کی مرضی جیسے مقبول ڈراموں میں شاندار اداکاری کے جوہر دکھائے، حال ہی میں ایک انٹرویو میں ان افواہوں پر بات کی جو ان کی اور بلال عباس کی شادی سے متعلق گردش کر رہی تھیں۔
انہوں نے ڈرامہ عشق مرشد میں بلال عباس کے ساتھ مرکزی کردار ادا کیا، اور ان کی جوڑی کو مداحوں نے بے حد پسند کیا۔
انٹرویو کے دوران جب ان سے بلال عباس کے ساتھ خفیہ نکاح کی خبروں کے بارے میں سوال کیا گیا تو دُرِفشاں نے پہلی بار اس حوالے سے کھل کر بات کی۔
ان کا کہنا تھا:
“جب آپ کسی کردار میں مکمل طور پر ڈوب جاتے ہیں تو وہی کردار میں جان آتی ہے۔ میرے اور بلال کے درمیان ہم آہنگی ضروری تھی کیونکہ یہ ایک رومانوی کہانی تھی۔”
انہوں نے مزید کہا:
“میں اپنی ذاتی زندگی کو نجی رکھنا پسند کرتی ہوں۔ ہمارے نکاح سے متعلق بہت سی افواہیں گردش میں تھیں، لیکن ان میں کوئی سچائی نہیں۔ نجی رکھنے اور خفیہ رکھنے میں فرق ہوتا ہے، اور شادی جیسا معاملہ زیادہ دیر تک چھپایا نہیں جا سکتا۔”
دُرِفشاں سلیم کے اس واضح مؤقف کے بعد ان تمام افواہوں کی تردید ہو گئی ہے جو ان کے اور بلال عباس کے درمیان خفیہ نکاح سے متعلق کی جا رہی تھیں۔
View this post on InstagramA post shared by Durefishan Saleem (@durefishans)
Post Views: 3
ایشیا کپ 2025: پاک بھارت ٹاکرے کی تاریخ سامنے آگئی