کراچی: باپ کی بچوں کیساتھ خودکشی، متوفی کے والد نے بہو کو قاتل قرار دیدیا
اشاعت کی تاریخ: 5th, August 2025 GMT
— فائل فوٹو
کراچی میں اپنے 2 کمسن بچوں کے ساتھ سمندر میں کود کر خودکشی کرنے والے باپ اورنگزیب عالم کے والد نے بہو کو بیٹے، پوتے اور پوتی کی موت کا ذمہ دار ٹھہرا دیا۔
نجی نیوز چینل سے بات چیت کرتے ہوئے اورنگزیب عالم کے والد نے بیٹے اور پوتوں کی خودکشی کو قتل قرار دیتے ہوئے بہو کو موردِ الزام ٹھہرا دیا اور کہا کہ ایک بدکردار لڑکی میرے گھر کو کھا گئی، میرے پوتے پوتی کو مجھے سے چھین لیا۔ یہ خودکشی نہیں قتل ہے، بیٹے کو ایسا قدم اُٹھانے پر مجبور کیا گیا۔
انہوں نے بتایا کہ میرے بیٹے کو بہو کی والدہ نے بیٹی سے شادی کی پیشکش کی تھی، بیٹے نے ہماری مرضی کے خلاف 2015 میں پسند کی شادی کی لیکن شادی کے دوسرے تیسرے دن سے میاں بیوی کے درمیان لڑائی جھگڑے شروع ہوگئے۔ بیٹے نے بہو کو کسی غیر مرد سے فون پر بات چیت کرتے ہوئے رنگے ہاتھوں پکڑا تھا۔
اورنگزیب کے والد کے مطابق چند ماہ بعد بہو بیٹے کو لے کر الگ ہوگئی، اس کے بعد بیٹے نے بہو کو پھر ایک اور لڑکے کے ساتھ پکڑ لیا۔
ان کا کہنا تھا کہ میاں بیوی میں لڑائی ہوئی اور جس پر بہو اپنے میکے چلی گئی۔ میکے جانے کے بعد بہو نے مقدمہ کیا اور عدالت کے ذریعے بچے لے لیے، جس پر میرا بیٹا بہت رویا اور بیوی کے پاؤں پکڑ کر معافی مانگی، غلطیاں معاف کرنے کا بھی کہا لیکن بہو نے موبائل فون رکھنے اور بلا روک ٹوک آنے جانے کی شرائط رکھ دیں جو میرے بیٹے نے مان لیں۔
انہوں نے یہ بھی کہا کہ بیٹے نے بتایا کہ ان کی صلح ہوگئی ہے اور وہ ان کے ساتھ جارہا ہے۔
ان کا کہنا تھا کہ میں اور میری اہلیہ عمرہ پر گئے تھے، وہاں جانے کے بعد ہمیں نہیں معلوم کہ یہاں کیا ہوا۔ بیٹے نے خودکشی کرلی، جس کی اطلاع مجھے میرے چھوٹے بیٹے نے دی۔
متوفی اورنگزیب کے والد نے بیٹے پر نشہ کرنے کے الزامات مسترد کرتے ہوئے کہا کہ وہ نشہ تو کیا چائے بھی نہیں پیتا تھا۔ وہ اسکول ٹیچر تھا اور کبھی کسی مجرمانہ سرگرمی میں ملوث نہیں رہا۔
انہوں نے یہ بھی کہا کہ ہمیں صرف اللّٰہ سے انصاف کی امید ہے۔
.ذریعہ: Jang News
کلیدی لفظ: کے والد نے نے بہو کو بیٹے نے کہا کہ
پڑھیں:
یوٹیوبر رجب بٹ کے افیئرز پر والدہ نے خاموشی توڑ دی، بیٹے کے عمل پر اہم بیان دے دیا
معروف یوٹیوبر اور وی لاگر رجب بٹ جو اپنے فیملی ولاگز، متنازع بیانات اور قانونی مقدمات کی وجہ سے شہ سرخیوں میں رہے ہیں، ان پر الزامات لگتے رہے کہ وہ شادی شدہ ہونے کے باوجود ایک تعلق میں رہے جس کا انہوں نے اقرار بھی کیا۔ اس پر انہیں سوشل میڈیا پر خوب تنقید کا نشانہ بنایا جاتا رہا۔
اب اس حوالے سے رجب بٹ کی والدہ کو بیان بھی سامنے آیا ہے جس میں انہوں نے بیٹے کے افیئرز سے متعلق کھل کر بات کی ہے۔ ان کا کہنا تھا کہ میں نے رجب کا وی لاگ بھی دیکھا جس میں اس نے اپنے افیئرز کا اعتراف کیا تھا اس وقت مجھے یہ سن کر بہت برا لگا۔
ان کا مزید کہنا تھا کہ ماضی تو سب کا ہی ہوتا ہے اللہ معاف کر دیتا ہے وہ بہت عظیم ہے جب بندہ دل سے معافی مانگتا ہے تو وہ معاف کر دیتا ہے۔
سوشل میڈیا صارفین نے اس بیان پر مختلف ردعمل کا اظہار کیا۔ کچھ نے کہا کہ رجب بٹ کی والدہ نے ایک روایتی ماں کی طرح بیٹے کی غلطیوں کا دفاع کیا، جبکہ دیگر صارفین نے کہا کہ اگر یہی معاملہ ان کے داماد جواد کے ساتھ پیش آتا تو والدہ کا موقف بالکل مختلف ہوتا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
رجب بٹ رجب بٹ افیئر رجب بٹ والدہ وائرل ویڈیو
پاکستانی خواتین سے شادی کرنے والے افغان مردوں کو پاکستانی شہریت دینے کا پشاور ہائیکورٹ کا فیصلہ معطل