گوجر خان میں بچے پر تشدد کی ویڈیو وائرل، استاد گرفتار
اشاعت کی تاریخ: 30th, October 2025 GMT
راولپنڈی کی تحصیل گوجر خان کے ایک نجی اسکول میں بچے پر بہیمانہ تشدد کی ویڈیو سوشل میڈیا پر وائرل ہونے کے بعد پولیس نے فوری کارروائی کرتے ہوئے ایک ٹیچر کو حراست میں لے لیا ہے۔
سوشل میڈیا پر سامنے آنے والی ویڈیو میں دیکھا جا سکتا ہے کہ ہاتھ میں ڈنڈا پکڑے ایک شخص ایک کم عمر بچے پر پے درپے وار کر رہا ہے، جبکہ تین سے چار افراد بچے کو ہاتھوں اور پاؤں سے پکڑ کر الٹا ہوا میں لٹکائے ہوئے ہیں۔ ویڈیو میں بچے کی دل دہلا دینے والی چیخیں اور دہائیاں بھی سنائی دیتی ہیں، جب کہ ڈنڈا بردار شخص، جو بچے کاٹیچر اور قریبی رشتہ دار بتایا جا رہا ہے، طنزیہ جملے بھی کستا ہے۔
تشدد کے دوران جب بچہ زمین پر بیٹھنے کی کوشش کرتا ہے تو بھی اسے ڈنڈوں سے پیٹا جاتا ہے اور آئندہ ایسا نہ کرنے کے وعدے کے لیے مجبور کیا جاتا ہے۔
ویڈیو وائرل ہونے کے بعدایس ایچ او گوجر خان انسپکٹر طیب ظہیر اور پولیس ٹیم نے کارروائی کرتے ہوئے اسکول کا سراغ لگایا اور متعلقہ ٹیچر کو تحویل میں لے لیا۔
پولیس حکام کے مطابق ابتدائی تفتیش میں پتہ چلا ہے کہ یہ ویڈیو تقریباً ایک سال پرانی ہے۔ بچے کے والد سے رابطہ کیا گیا تو انہوں نے بتایا کہ ان کا بیٹا سگریٹ نوشی کرتا تھا، جس پر انہوں نے خود اساتذہ سے کہا تھا کہ اسے سزا دیں۔ تاہم، ویڈیو میں دکھائے گئےشدید تشدد پر پولیس نے فوری ایکشن لیتے ہوئے استاد کو گرفتار کر کےقانونی کارروائی شروع کر دی ہے۔
دوسری جانب،چائلڈ پروٹیکشن بیورو راولپنڈی نے بھی معاملے کا نوٹس لیتے ہوئے گوجر خان پولیس سے رابطہ کر لیا ہے تاکہ بچے کے تحفظ اور انصاف کو یقینی بنایا جا سکے۔
ذریعہ
ذریعہ: Daily Mumtaz
کلیدی لفظ: گوجر خان
پڑھیں:
گلشن اقبال میں تیز رفتار ڈمپر الٹ گیا، شہری معجزانہ طور پر محفوظ، مشتعل افراد کا کلینر پر تشدد
کراچی:شہر قائد کے علاقے گلشن اقبال میں رب میڈیکل کے قریب منگل کی شب ایک تیز رفتار ڈمپر بے قابو ہو کر سڑک پر الٹ گیا تاہم خوش قسمتی سے قریب سے گزرنے والے شہری اور دیگر گاڑیاں بڑے حادثے سے محفوظ رہیں۔
عینی شاہدین کے مطابق ڈمپر اچانک توازن کھو بیٹھا اور سڑک پر الٹ گیا، جس سے علاقے میں خوف و ہراس پھیل گیا۔
حادثے کے فوراً بعد ڈمپر کا ڈرائیور اور ایک اور شخص موقع سے فرار ہوگئے۔ واقعے کے بعد مشتعل شہریوں نے ڈمپر کے کلینر کو پکڑ لیا اور تشدد کا نشانہ بنایا۔
صورتحال اس وقت مزید کشیدہ ہوگئی جب بعض افراد نے ڈمپر کو آگ لگانے کی کوشش کی تاہم اطلاع ملتے ہی پولیس موقع پر پہنچ گئی اور بروقت مداخلت کرتے ہوئے گاڑی کو جلائے جانے سے بچا لیا۔
پولیس کے مطابق ابتدائی تحقیقات میں معلوم ہوا ہے کہ حادثہ سڑک پر موجود گہرے گڑھوں اور جاری کھدائی کے باعث پیش آیا جس کے نتیجے میں ڈمپر کا توازن بگڑ گیا اور وہ الٹ گیا۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ