گلوکارہ آئمہ بیگ کی شادی کی تصدیق، دلہا کون ہے؟
اشاعت کی تاریخ: 6th, August 2025 GMT
معروف پاکستانی گلوکارہ آئمہ بیگ نے اپنے دوست زین احمد کے ساتھ نکاح کی تصدیق کرتے ہوئے خوبصورت تصاویر شیئر کردیں۔
گزشتہ روز سے سوشل میڈیا پر ایک تصویر گردش کر رہی تھی جس میں آئمہ بیگ دلہن کے لباس میں زین احمد کے ساتھ بیٹھی ہوئی نظر آ رہی تھیں جس پر صارفین کی جانب سے قیاس آرائیاں کی جا رہی تھیں کہ اداکارہ نے شادی کر لی ہے لیکن اس حوالے سے دونوں کی جانب سے تصدیق نہیں کی گئی تھی۔
یہ بھی پڑھیں: کیا گلوکارہ آئمہ بیگ نے شادی کر لی؟
تاہم اب آئمہ بیگ نے اپنے آفیشل انسٹاگرام پر زین احمد کے ساتھ تصاویر شیئر کرتے ہوئے لکھا کہ گزشتہ رات انہوں نے اپنے بہترین دوست سے نکاح کر لیا ہے، یقین نہیں آتا کہ یہ خواب حقیقت بن گیا ہے۔
انہوں نے مزید کہا کہ دعاؤں میں یاد رکھیں ہمیں کیونکہ ہم زندگی کے اس نئے سفر کا آغاز کر رہے ہیں اور بہت جلد وہ سوشل میڈیا پر مزید تصویریں بھی شیئر کریں گی۔
View this post on Instagram
A post shared by Aima Baig (@aima_baig_official)
واضح رہے کہ آئمہ بیگ نے پہلے اداکار شہباز شگری سے منگنی کی تھی۔ دونوں کی ملاقات فلم ‘پرے ہٹ لو’ کی شوٹنگ کے دوران ہوئی تھی اور کچھ عرصے تک تعلقات کے بعد انہوں نے منگنی کی تھی۔ لیکن ستمبر 2022 میں آئمہ بیگ نے شہباز شگری سے منگنی ختم ہونے کا اعلان کیا تھا۔
بعد ازاں، آئمہ بیگ اور فیشن برانڈ کے مالک زین احمد کے درمیان ڈیٹنگ کی خبریں سامنے آئیں۔ گلوکارہ نے زین احمد کی انسٹاگرام پوسٹس پر محبت بھرے کمنٹس کیے، جس کے باعث مداحوں نے اندازہ لگایا کہ یہ دونوں ایک دوسرے کو ڈیٹ کر رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
آئمہ بیگ آئمہ بیگ شادی زین احمد.ذریعہ: WE News
کلیدی لفظ: ا ئمہ بیگ ا ئمہ بیگ شادی زین احمد کے ئمہ بیگ نے ا ئمہ بیگ آئمہ بیگ
پڑھیں:
’دل کا خانہ خالی ہوگیا‘، اداکار ارباز خان کی خوشبو سے طلاق کی تصدیق
ماضی کے مقبول اداکار ارباز خان نے حال ہی میں پاکستانی فلمی انڈسٹری کی ماضی کی مقبول اداکارہ خوشبو خان سے طلاق کی خبروں کی تصدیق کر دی۔
اربا ز خان حال ہی میں وسی شاہ کے شو ’زبردست‘ میں نظر آئے جہاں انہوں نے اپنی ذاتی زندگی کے مختلف پہلوؤں پر کھل کر بات کی اور ڈھکے چھپے الفاظ میں خوشبو خان سے علیحدگی کی خبروں کی توثیق بھی کی۔
یہ بھی پڑھیں: ’اداکارہ نہیں بننا چاہتی تھی‘، خوشبو خان اس فیلڈ میں پھر کیسے آئیں؟
ارباز خان کا کہنا تھا کہ میرے دل کا خانہ اس وقت خالی ہے، لیکن یہ کسی کے لیے دعوتِ عام نہیں ہے۔ میں اس مرحلے سے گزر چکا ہوں اور اپنی زندگی سے لطف اندوز ہو رہا ہوں اور میں خانہ خالی رکھ کر ہی زندگی سے لطف اندوز ہونا چاہتا ہوں کیونکہ جب دل میں کوئی ہوتا ہے تو اس کے ساتھ بہت سی ذمہ داریاں اور نتائج بھی آتے ہیں، جو بعض اوقات بوجھ بن جاتے ہیں۔
واضح رہے کہ چند دن قبل فلمسٹار خوشبو نے بھی ارباز خان سے علیحدگی کی تصدیق کرتے ہوئے کہا تھا کہ ارباز ان کے لیے سب کچھ تھے مگر مشکل وقت میں وہ کبھی ساتھ نہیں کھڑے ہوئے۔
ان کا کہنا تھا کہ دونوں کے درمیان کسی قسم کی لڑائی نہیں ہوئی، بلکہ ارباز اچانک بغیر اطلاع کے کہیں چلے گئے اور واپس نہیں آئے۔ خوشبو نے بتایا کہ انہیں گئے ہوئے 5 برس بیت چکے ہیں، لیکن آج بھی وہ ان کی یادوں میں زندہ ہیں۔
یہ بھی پڑھیں: ویٹرن اداکار آصف خان اپنی اداکارہ بہو سے ناراض
اداکارہ نے کہا تھا کہ وہ یہ سمجھنے سے قاصر ہیں کہ ارباز نے خاندان کو چھوڑنے کا فیصلہ کیوں کیا۔
خیال رہے کہ خوشبو اور ارباز خان نے 2000 میں شادی کی تھی اور ان کے دو بیٹے ہیں۔ اس سے قبل ارباز کے والد اور پشتو فلم انڈسٹری کے سینئر اداکار آصف خان نے بھی شکوہ کیا تھا کہ پانچ برس سے بیٹے اور بہو سے ملاقات نہیں ہوسکی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ارباز خان ارباز خان طلاق خوشبو خان فلم انڈسٹری
بچوں میں خود سری اور باغیانہ پن کا تدارک کیسے ممکن ہے؟