جاگیردارانہ اور قبائلی نظام کا تسلسل
اشاعت کی تاریخ: 6th, August 2025 GMT
اسلام آباد (اُردو پوائنٹ ۔ DW اردو۔ 06 اگست 2025ء) ابتدائی معاشرہ، انسانی تاریخ کا سب سے طویل ترین دور تھا۔ انسان چھوٹے گروہوں میں شکار کیا کرتے اور جنگلی پھل کھا کر زندگی گزارتے تھے۔ نہ زمین کی ملکیت تھی، نہ کوئی ریاست، نہ طبقات۔
تقریباً 10,000 سال قبل، انسان نے زراعت کرنا شروع کی۔ اس کے نتیجے میں زمین کو آباد کیا گیا، مویشی پالے گئے، اور خوراک کی پیداوار میں اضافہ ہوا۔
تب ہی زرعی دور اور قبائلی نظام وجود میں آیا ہوا ۔ قبائلی نظام ایک ایسا سماجی ڈھانچہ ہے جو شناخت، رسم و رواج، اور خاندانی وفاداری پر قائم ہوتا ہے۔اس نظام میں معاشرہ خون، نسل اور قبیلے کی بنیاد پر منظم کیا جاتا ہے، جہاں سردار یا خاندان کا کوئی بڑا بزرگ فیصلہ ساز ہوتا ہے۔
(جاری ہے)
یہاں فیصلے کسی تحریری قانون کی بجائے روایات، رواج اور غیرت جیسے غیر تحریری اصولوں کے تحت کیے جاتے ہیں جنہیں جرگہ یا پنچائیت کہا جاتا ہے ـ قبائلی معاشروں میں عورت کی حیثیت ایک فرد کی نہیں، بلکہ قبیلے کی عزت اور ملکیت کے طور پر سمجھی جاتی ہے۔
جسے اکثر صلح، سودے یا انتقام کے لین دین میں استعمال کیا جاتا ہے۔ ''ونّی‘‘، ''سوارہ‘‘، ''وٹہ سٹہ ‘‘، ''کاروکاری‘‘ جیسے الفاظ یہاں صرف رسمیں نہیں، بلکہ روزمرّہ کا معمول ہے جس میں عورت کا وجود خون کے بدلے کا ہرجانہ سمجھا جاتا ہے۔ قبائلی نظام میں غریب اور کمزور طبقے کا استحصال معمول کی بات ہے۔ ان کے لیے نہ انصاف ہوتا ہے، نہ کوئی آواز۔ نہ وہ سوال اٹھا سکتے ہیں، نہ ان کے دکھوں کا کوئی پرسان حال ہوتا ہے۔طاقت کا پلڑا ہمیشہ سرداروں اور بااثر خاندانوں کے حق میں جھکا رہتا ہے، جبکہ عام انسان صرف خاموشی اور اطاعت میں پناہ تلاش کرتا ہے۔
زرعی انقلاب اور قبائلی نظام کے بعد انسانی سماج کا ارتقا زمین داری کی طرف ہوا اور یہی وہ موڑ تھا جہاں ابتدائی ریاست کی بنیاد رکھی گئی۔
اسی مرحلے پر ملکیت کا تصور ابھرا۔ زمین جس کے پاس تھی، وہی طاقتور کہلایا۔ زمین کی حفاظت کے لیے جنگجوؤں، اسلحے اور مسلح طاقت کی ضرورت پڑی اور اس پورے نظام کو سنبھالنے والا جاگیردار کہلایا۔ یہ نظام زمین کی ملکیت پر مبنی ہوتا ہے، جس میں جاگیردار بالا دست ہوتا ہے اور کسان یا مزدور اس کی زمین پر محنت کرتے ہیں، مگر ان کی اپنی نہ زمین ہوتی ہے نہ اختیار۔ ان کی حیثیت اکثر غلام یا مزارع جیسی ہوتی ہے، جو صرف محنت کرتے ہیں مگر پھل کسی اور کے حصے میں جاتا ہے۔جاگیرداری نظام میں عورت کو محض غیرت، عزت اور ناموس کا نشان سمجھا جاتا ہے، جس پر جاگیردار مرد کو اختیار حاصل ہوتا ہے ،.
اکثر اوقات جاگیردار، ریاستی حکمران طبقے سے جڑا ہوتا ہے، یا خود مقامی ریاست کی شکل اختیار کر لیتا ہے۔ یوں جاگیرداری نظام میں ایک ریاست کے اندر ریاست جنم لیتی ہے، جہاں قانون، طاقت اور انصاف سب کچھ جاگیردار کی مرضی سے چلتا ہے۔
سرمایہ دارانہ نظام ایک معاشی اور سماجی نظام ہے جو سرمائے کی بنیاد پر قائم ہوتا ہے۔ اس نظام میں دولت اور پیداواری ذرائع ( فیکٹریاں، کاروبار، مشینری وغیرہ) چند افراد یا کارپوریشنوں کی نجی ملکیت ہوتے ہیں اور منافع کا حصول اس کا بنیادی محرک ہوتا ہے۔ یہاں طاقت کا سرچشمہ زمین نہیں بلکہ سرمایہ ہوتا ہے۔ جو جتنا سرمایہ رکھتا ہے، وہ اتنا ہی طاقتور اور بااثر سمجھا جاتا ہے۔
مزدور فیکٹریوں، دفاتر اور اداروں میں کام کرتا ہےـ لیکن وہ بھی اکثر استحصال کا شکار ہوتا ہے، کیونکہ اس کی محنت کا منافع سرمایہ دار کو جاتا ہے۔ سرمایہ دارانہ نظام میں آزادی اور مواقع کی بات تو کی جاتی ہے، مگر درحقیقت یہ نظام بھی عدم مساوات، طبقاتی فرق، غربت اور اجارہ داری کو جنم دیتا ہے۔برصفیر میں جاگیرداری اور قبائلی نظام کا پس منظر ، تسلسل اور اس کے مظلوم طبقات پر اثرات:
جب ایسٹ انڈیا کمپنی 1600 کے بعد ہندوستان میں داخل ہوئی، اس وقت سلطنتِ مغلیہ اپنی وسعت و شان کے عروج پر تھی، مگر اس کے اندر سے زوال کے آثار نمودار ہو چکے تھے۔
رفتہ رفتہ مغلیہ اقتدار کمزور ہونے لگا، اور سلطنت کے مختلف حصے نیم خودمختار یا مکمل خودمختار حکمرانوں ، نوابوں، راجاؤں یا سلاطین کے زیرِ اثر آ گئے۔ بنگال، حیدرآباد دکن، اودھ میسور اور دیگر ریاستیں مغل تخت سے رسمی وفاداری تو رکھتی تھیں، مگر عملی طور پر اپنے طور پر حکومت کر رہی تھیں۔جدید دور میں جب قبائلی علاقوں اور اندرونِ ملک کے جاگیردارانہ سوچ رکھنے والے افراد نے بڑے صنعتی شہروں کا رخ کیا، تو وہ صرف اپنا وجود ہی نہیں لائے، بلکہ اپنے ساتھ وہی پرانے، فرسودہ رسم و رواج اور ذہنی رویے بھی لے آئے۔
یہی وجہ ہے کہ آج غیرت کے نام پر عورتوں کے قتل ہوں یا مدرسوں میں نوعمر بچوں کے ساتھ بدفعلی اور جسمانی تشدد کی لرزہ خیز ویڈیوز ، یہ سب مظاہر صرف دیہی یا پسماندہ علاقوں تک محدود نہیں رہے، بلکہ ملک کے بڑے شہروں میں بھی آئے دن دیکھنے کو ملتے ہیں۔یہاں ریاست کی بنیادی ذمہ داری بنتی ہے کہ طے کرے کہ کیا ایک ملک میں دو متوازی قوانین چل سکتے ہیں یا پھر قانونِ وقت صرف ریاست کی رٹ کے تابع ہونا چاہیے؟ مسئلہ صرف "ریاست کے اندر ریاست" کا نہیں، بلکہ اس سے بھی کہیں زیادہ سنگین ہے کیونکہ جہاں قانون کی بالا دستی قائم نہ ہو، وہاں ہمیشہ کمزور اور مظلوم طبقات کا بدترین استحصال ہوتا ہے۔
آج پاکستان میں یہی صورتحال شدت اختیار کرتی جا رہی ہے۔ طاقتور طبقے اپنے رسم و رواج اور ذاتی مفادات کو قانون پر ترجیح دے رہے ہیں، اور ریاست خاموش تماشائی بنی ہوئی ہے۔ یہ روش اب محض قابلِ افسوس نہیں، بلکہ خطرناک حد تک تباہ کن ہو چکی ہے۔ لہٰذا اس بگاڑ کو روکنا اب ناگزیر ہو چکا ہے۔ ریاست اگر واقعی عوام کی محافظ ہے، تو اسے ہر صورت قانون کی عملداری یقینی بنانا ہوگی۔
ذریعہ: UrduPoint
کلیدی لفظ: تلاش کیجئے اور قبائلی نظام ریاست کی ہوتا ہے جاتا ہے
پڑھیں:
کیا حکومت نے یوم اقبال پر عام تعطیل کا اعلان کردیا؟
پاکستان کے قومی شاعر علامہ اقبالؒ کے یومِ پیدائش کے قریب آتے ہی سوشل میڈیا پر عام تعطیل سے متعلق مختلف دعوے گردش کرنے لگے ہیں، تاہم وفاقی یا صوبائی حکومتوں کی جانب سے تاحال کسی چھٹی کا باضابطہ نوٹیفکیشن جاری نہیں کیا گیا۔
حکام کی جانب سے شہریوں کو ہدایت کی گئی ہے کہ وہ غیر تصدیق شدہ اطلاعات پر یقین کرنے یا انہیں آگے پھیلانے سے گریز کریں۔
مزید پڑھیں: اقبال کی شاعری خود شناسی کی لازوال دعوت ہے، یوم اقبال پر وزیراعظم کا پیغام
طلبہ اور ملازمین کو مشورہ دیا گیا ہے کہ وہ درست معلومات کے حصول کے لیے صرف سرکاری ذرائع اور مستند نیوز پلیٹ فارمز سے رجوع کریں۔
حکام کا کہنا ہے کہ یومِ اقبال کے موقع پر چھٹی سے متعلق جھوٹی خبروں یا افواہوں سے ہوشیار رہنا ضروری ہے، تاکہ عوام میں کسی قسم کا ابہام یا انتشار پیدا نہ ہو۔
میڈیا رپورٹس کے مطابق وفاقی کابینہ ڈویژن کی جانب سے جاری کردہ سالانہ عام تعطیلات کے نوٹیفکیشن میں یومِ اقبال کو تعطیل کی فہرست میں شامل کیا گیا تھا، مگر چونکہ اس سال یہ دن اتوار کو آ رہا ہے، اس لیے کوئی اضافی چھٹی نہیں دی جائے گی۔
یاد رہے کہ ہر سال 9 نومبر کو ملک بھر میں یومِ اقبال منایا جاتا ہے، جس میں شاعرِ مشرق اور مصورِ پاکستان ڈاکٹر علامہ محمد اقبالؒ کو خراجِ عقیدت پیش کیا جاتا ہے۔
اس دن مختلف تقاریب، مشاعرے اور تعلیمی پروگرام منعقد کیے جاتے ہیں جن میں اقبالؒ کی فکری اور فلسفیانہ خدمات کو اجاگر کیا جاتا ہے۔
مزید پڑھیں: سعودی سفارتخانے کا ’یوم اقبال‘ پر شاعر مشرق کو زبردست خراج تحسین
علامہ محمد اقبال 9 نومبر 1877 کو سیالکوٹ میں پیدا ہوئے۔ وہ برصغیر کے ممتاز فلسفی، شاعر اور مفکر تھے جنہوں نے تحریکِ پاکستان میں فکری رہنمائی فراہم کی۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews افواہیں حکومت سوشل میڈیا عام تعطیل نوٹیفکیشن وی نیوز یوم اقبال
اسلام آباد: سوشل میڈیا پر بلیک میل کرنے والا ملزم گرفتار