ناروے کپ فٹبال کے دوران پاکستانی فٹبالر امان اللہ رؤف بلوچ اوسلو میں لاپتہ
اشاعت کی تاریخ: 7th, August 2025 GMT
ناروے کپ فٹبال چیمپئن شپ کے دوران پاکستانی فٹبالر امان اللہ رؤف بلوچ اوسلو میں لاپتہ ہو گئے۔ذرائع کے مطابق امان اللہ پہلے روز ہی غائب ہو گئے تھے اور ان کا پاسپورٹ بھی ان کے پاس ہے، ساتھی کھلاڑی نے انکشاف کیا کہ امان اللہ نے چیمپئن شپ میں شرکت ہی نہیں کی۔مسلم ہینڈز ٹیم کے ترجمان کے مطابق امان اللہ رؤف بلوچ کا تعلق کراچی کے علاقے لیاری سے ہے، امان اللہ استقبالیہ تقریب میں بھی نہیں آئے تھے۔ترجمان نے بتایا کہ مسلم ہینڈز کی ٹیم ناروے میں شیڈول میچز مکمل کرنے کے بعد وطن واپس آچکی ہے جبکہ امان اللہ کی گمشدگی کے حوالے سے ناروے پولیس کو آگاہ کر دیا گیا ہے اور پاکستانی سفارتخانے کو بھی تمام صورتحال سے آگاہ کیا جاچکا ہے۔
.ذریعہ: Nawaiwaqt
پڑھیں:
پاکستان ویمن فٹبال ٹیم پہلی بار انٹرنیشنل میدان میں اُترنے کو تیار
data-id="863a0a8" data-element_type="widget" data-widget_type="theme-post-content.default">
پاکستان ویمن فٹبال کے لیے یہ ایک تاریخی موقع ہے کیونکہ پہلی مرتبہ کسی پاکستانی کلب ٹیم کو بین الاقوامی سطح پر کھیلنے کا موقع ملا ہے۔
کراچی سٹی ایف سی، جو پاکستان کی موجودہ نیشنل ویمن چیمپئن ٹیم ہے، اب ساف ویمن کلب چیمپئن شپ میں اپنی صلاحیتوں کا لوہا منوائے گی۔ اس شمولیت کو نہ صرف خواتین کے کھیلوں میں ترقی سمجھا جارہا ہے بلکہ پاکستان کے کھیلوں کے عالمی منظرنامے میں بھی ایک مثبت پیش رفت ہے۔
یہ ٹورنامنٹ 5 دسمبر سے 22 دسمبر تک نیپال میں منعقد ہوگا۔ اس میں جنوبی ایشیائی ممالک کی پانچ بہترین خواتین فٹبال کلب ٹیمیں حصہ لے رہی ہیں۔ پاکستان کی نمائندگی کراچی سٹی ایف سی کرے گی، جبکہ دیگر ٹیموں میں بھارت کی ایسٹ بنگال، نیپال کی اے پی ایف فٹبال کلب، بنگلہ دیش کی نسرین اسپورٹس اکیڈمی اور بھوٹان کی ٹرانسپورٹ یونائیٹڈ شامل ہیں۔
اس ایونٹ میں پاکستان کی شمولیت ویمن فٹبالرز کے لیے ایک سنہری موقع ہے کیونکہ اس سے کھلاڑیوں کو نہ صرف عالمی معیار کے کھیل کا تجربہ ہوگا بلکہ انہیں اپنی محنت اور ٹیلنٹ دنیا کو دکھانے کا پلیٹ فارم بھی ملے گا۔ یہ مقابلے خواتین کھلاڑیوں کے اعتماد میں اضافہ کریں گے اور انہیں مزید آگے بڑھنے کی ترغیب دیں گے۔
پاکستان میں خواتین کے کھیلوں کو عموماً وسائل اور مواقع کی کمی کا سامنا رہتا ہے، لیکن اس کامیابی نے یہ ثابت کیا ہے کہ اگر سپورٹ اور محنت ساتھ ہو تو خواتین بھی کسی میدان میں پیچھے نہیں ہیں۔ کراچی سٹی ایف سی کی اس شمولیت سے پاکستان میں ویمن فٹبال کے فروغ کی نئی راہیں کھل سکتی ہیں اور یہ قدم آنے والے وقت میں مزید کامیابیوں کی بنیاد ثابت ہوسکتا ہے۔
اسلام آباد ٹریفک پولیس کا ون وے خلاف ورزیوں کے خلاف کریک ڈاؤن، 249 مقدمات درج