لاہور میں چینی کا شدید بحران، سعد رفیق کا شوگر مافیا کیخلاف کارروائی کا مطالبہ
اشاعت کی تاریخ: 8th, August 2025 GMT
لاہور میں چینی کا بحران مزید گہرا ہوگیا ہے، لیگی رہنما اور سابق وفاقی وزیر ریلوے خواجہ سعد رفیق نے سماجی رابطے کے پلیٹ فارم ایکس پر جاری بیان میں انکشاف کیا ہے کہ شہر میں پرچون دکاندار چینی فروخت کرنے سے انکار کر رہے ہیں، جس سے عام شہریوں کو شدید مشکلات کا سامنا ہے۔
لاھور میں چینی کا بحران بڑھ رھا ھے
پرچون دکاندار چینی نہیں بیچ رھے ، ضلعی انتظامیہ کے میجسٹریٹ بسا اوقات بغیر خریداری دکانداروں کے خلاف چالان کاٹ رھے ھیں
دکانداروں کا موقف ھے کہ 190 روپے خرید کر 173 پر بیچنا ممکن نہیں چنانچہ انہوں نے چینی رکھنا بند کر دیا ھے
شوگر مافیا کو…
— Khawaja Saad Rafique (@KhSaad_Rafique) August 6, 2025
سعد رفیق کے مطابق ضلعی انتظامیہ کے مجسٹریٹ بعض اوقات بغیر خریداری کے ہی دکانداروں کے خلاف چالان جاری کر رہے ہیں، دوسری جانب دکانداروں کا کہنا ہے کہ جب وہ چینی 190 روپے فی کلو خریدتے ہیں تو اسے 173 روپے فی کلو مقررہ قیمت پربیچنا ممکن نہیں، اسی لیے انہوں نے چینی رکھنا ہی بند کر دی ہے۔
یہ بھی پڑھیں:
معاشی ماہرین کے مطابق چینی کے بحران کی ایک بڑی وجہ شوگرمافیا کا من مانی قیمتیں مقرر کرنا اور ذخیرہ اندوزی ہے، سعد رفیق نے حکومت اور ضلعی انتظامیہ سے مطالبہ کیا ہے کہ شوگر مافیا کو لگام دی جائے اور اس مسئلے کا مستقل حل تلاش کیا جائے تاکہ عوام کو ریلیف مل سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بحران چالان چینی سعد رفیق شوگر مافیا ضلعی انتظامیہ لاہور مجسٹریٹ.ذریعہ: WE News
کلیدی لفظ: چالان چینی سعد رفیق شوگر مافیا ضلعی انتظامیہ لاہور مجسٹریٹ ضلعی انتظامیہ شوگر مافیا سعد رفیق
پڑھیں:
سخی جام داتارؒ کے 754ویں عرس پر شہید بینظیر آباد میں پیر کو چھٹی کا اعلان
ویب ڈیسک : سید اصغر علی شاہ عرف سخی جام داتارؒ کے 754ویں سالانہ عرس کے موقع پر شہید بینظیر آباد کے ڈپٹی کمشنر عبدالصمد نظامانی نے ضلع بھر میں (پیر) 17 نومبر 2025 کو عام تعطیل کا اعلان کر دیا ہے۔ اتوار کی چھٹی ساتھ ہونے کے بعد سٹوڈنٹس اور شہری ایک ساتھ دو چھٹیوں سے لطف اندوز ہوسکیں گے۔
ضلعی انتظامیہ کے جاری کردہ نوٹیفکیشن کے مطابق 17 نومبر بروز پیر تمام سرکاری دفاتر، تعلیمی ادارے اور عوامی محکمے بند رہیں گے۔
وزیر اعلیٰ پنجاب مریم نواز کل سرکاری دورے پر برازیل روانہ ہوں گی
واضح رہے کہ تین روزہ عرس کی تقریبات 17 نومبر سے 19 نومبر تک تاریخی قصبے جام صاحب میں منعقد ہوں گی، جن میں سندھ بھر سمیت ملک کے مختلف حصوں سے زائرین اور عقیدت مندوں کی بڑی تعداد شرکت کرے گی۔ عرس کے دوران روحانی محافل، دعا و مناجات، صوفیانہ موسیقی اور لنگر کا خصوصی اہتمام کیا جائے گا۔
دوسری جانب ضلعی انتظامیہ اور پولیس حکام نے عرس کے موقع پر سیکیورٹی، ٹریفک اور صفائی کے خصوصی انتظامات مکمل کر لیے ہیں۔ اسکے علاوہ اہم داخلی و خارجی راستوں پر چیک پوسٹس قائم کر دی گئی ہیں جبکہ میڈیکل کیمپس اور کنٹرول روم بھی قائم کیا جائے گا تاکہ کسی بھی ہنگامی صورتحال سے فوری نمٹا جا سکے۔
پنجاب حکومت نے ٹرانسپورٹ اور جائیداد کی لیز پر عائد ٹیکس معطل کر دیا
انتظامیہ کے مطابق ضلعی سطح پر مختلف محکمے عرس کی تقریبات کے دوران سہولیات فراہم کرنے کے لیے ہم آہنگی کے ساتھ کام کریں گے تاکہ زائرین کو کسی قسم کی دشواری کا سامنا نہ ہو۔
پشاور، پولیس وردی میں ڈکیتیاں کرنے والے افغان 4 شہری ہلاک