وزیر اعظم کی غزہ پر ناجائز کنٹرول کے اسرائیلی منصوبے کے فیصلے کی مذمت
اشاعت کی تاریخ: 9th, August 2025 GMT
—فائل فوٹو
وزیر اعظم شہباز شریف نے اسرائیلی کابینہ کے غزہ پر ناجائز کنٹرول کے منصوبے کے فیصلے کی مذمت کی ہے۔
ایک بیان میں انہوں نے کہا کہ اسرائیلی کابینہ کا منصوبہ فلسطینیوں کے خلاف جنگ میں خطرناک اضافے کے مترادف ہے۔ غزہ میں فوجی کارروائیوں کی یہ توسیع پہلے سے موجود انسانی بحران کو مزید بگاڑ دے گی۔
وزیر اعظم کا کہنا تھا کہ اسرائیلی کابینہ کا فیصلہ خطے میں امن کے کسی بھی امکان کو ختم کردے گا، ہمیں اس جاری المیے کی اصل وجوہات کو نظر انداز نہیں کرنا چاہیے۔
پانچ ممالک نے غزہ میں مزید بڑے فوجی آپریشن کے اسرائیلی فیصلے کو مسترد کرتے ہوئے کہا کہ دو ریاستی حل پر عمل درآمد کے عزم کے لیے متحدہ ہیں۔
دوسری جانب غزہ کی صورت حال پر اقوام متحدہ کی سلامتی کونسل کا ہنگامی اجلاس آج طلب کر لیا گیا۔
عرب میڈیا کے مطابق امریکا کے سِوا سلامتی کونسل کے 15 میں سے 14 رکن ممالک نے اجلاس بلانے کی حمایت کی۔
امریکا کی جانب سے یو این سلامتی کونسل اجلاس بلانے کی مخالفت کی گئی ہے۔
.ذریعہ: Jang News
پڑھیں:
پورٹ قاسم پر نئے گرین شپ یارڈ اور گڈانی یارڈ کیلئے 12 ارب کے منصوبے کا اعلان
data-id="863a0a8" data-element_type="widget" data-widget_type="theme-post-content.default">
کراچی(بزنس رپورٹر)پاکستان نے اپنے سمندری شعبے میں ایک بڑا قدم اٹھاتے ہوئے پورٹ قاسم پر ملک کی پہلی گرین شپ ریپئر اور ری سائیکلنگ یارڈ قائم کرنے اور گڈانی شپ ری سائیکلنگ یارڈ کو جدید خطوط پر استوار کرنے کے لیے 12 ارب روپے کی سرمایہ کاری کا اعلان کیا ہے۔وفاقی وزیر برائے بحری امور محمد جنید انور چوہدری نے یہ اعلان جمعرات کے روز پاکستان میری ٹائم ویک کے دوران منعقدہ پاکستان انٹرنیشنل میری ٹائم ایگزیبیشن اینڈ کانفرنس 2025 کی اختتامی تقریب سے خطاب کرتے ہوئے کیا۔انہوں نے بتایا کہ پاکستان کا پہلا گرین شپ ریپئر اور ری سائیکلنگ یارڈ ‘‘سی ٹو اسٹیل انٹیگریٹڈ میری ٹائم انڈسٹریل کمپلیکس’’ کے تحت پورٹ قاسم پر قائم کیا جائے گا، جو پاکستان اسٹیل ملز کی بحالی میں بھی مددگار ثابت ہوگا۔ اس کے ساتھ ہی گڈانی شپ ری سائیکلنگ یارڈ کو ہانگ کانگ کنونشن کے ماحولیاتی معیار کے مطابق جدید بنانے کے لیے 12 ارب روپے کی سرمایہ کاری جاری ہے۔وفاقی وزیر نے بتایا کہ پاکستان نیشنل شپنگ کارپوریشن (پی این ایس سی) کے بحری بیڑے میں 10 سے بڑھا کر 12 جہاز شامل کر لیے گئے ہیں، جب کہ آئندہ دو ماہ میں مزید تین جہاز شامل کیے جائیں گے۔ انہوں نے کہا کہ مزید 12 جہازوں کے ٹینڈر پر کام جاری ہے اور 2026 تک بحری بیڑا 30 جہازوں تک بڑھانے اور اگلے تین سال میں 60 تک وسعت دینے کا ہدف مقرر کیا گیا ہے۔جنید چوہدری نے بتایا کہ وزارت نے پہلی نجی کمپنی کو فیری سروسز چلانے کا لائسنس بھی جاری کر دیا ہے، جب کہ نیشنل فشریز اینڈ ایکوا کلچر پالیسی 2025 تا 2035 کو حتمی شکل دے دی گئی ہے جس کا مقصد ایک سال میں ماہی گیری کی برآمدات کو دوگنا کرنا ہے۔ انہوں نے مزید کہا کہ میری ٹائم ایجوکیشن انڈومنٹ فنڈ قائم کر دیا گیا ہے اور پاکستان میرین اکیڈمی کو مکمل یونیورسٹی کے درجے پر اپ گریڈ کیا جائے گا تاکہ نئی نسل کے میرین پروفیشنلز کو تربیت دی جا سکے۔اپنے طویل المدتی وڑن کا ذکر کرتے ہوئے وفاقی وزیر نے کہا کہ پاکستان کی میری ٹائم صدی (2047 تا 2147) پانچ ستونوں پر مبنی ہوگی۔
برطانیہ کی ٹرین میں چاقو حملہ، 10 افراد زخمی، 9 کی حالت تشویشناک