الیکشن کمیشن کی مالی سال 25-2024 کے گوشوارے 29اگست تک جمع کروانے کی ہدایت
اشاعت کی تاریخ: 9th, August 2025 GMT
اسلام آباد:
الیکشن کمیشن آف پاکستان نے سیاسی جماعتوں کو مالی سال 25-2024 کے گوشوارے 29 اگست تک جمع کروانے کی ہدایت کر دی۔
تمام سیاسی جماعتوں کے سربراہان کو الیکشن ایکٹ 2017 کی دفعہ 204 اور 210 اور الیکشن رولز 2017 کے قاعدہ 159 اور 160 کے تحت جون 2025 میں ختم ہونے والے مالی سال 25-2024 کے لیے اپنے اکاؤنٹس کے مربوط گوشوارے 29 اگست تک جمع کروانے کی ہدایت کی گئی ہے۔
واضح رہے کہ الیکشن ایکٹ 2017 کی دفعہ 210 کا متن ہے کہ ہر سیاسی جماعت مالی سال کے اختتام کے 60 دن کے اندر کمیشن کو اپنے گوشوارے فارم-ڈی پر چارٹرڈ اکاؤنٹنٹ کے ذریعے تفصیلات کے ساتھ پیش کرے گی، جس میں سالانہ آمدنی اور اخراجات، فنڈنگ کے ذرائع، اور اثاثے اور واجبات شامل ہیں۔
الیکشن کمیشن کی جانب سے ہدایت کی گئی ہے، پیش کی جانے والی تفصیلات سیاسی جماعت کی آڈٹ رپورٹ جو چارٹرڈ اکاؤنٹنٹ کی طرف سے جاری کی گئی ہو اور پارٹی سربراہ کی جانب سے مجاز عہدیدار سے دستخط شدہ ہو، جس میں اس بات کی تصدیق کی گئی ہو، گوشواروں کی تفصیلات الیکشن ایکٹ 2017 کے مطابق فارم ڈی پر جمع کروائی جائیں۔
Tagsپاکستان.
ذریعہ: Al Qamar Online
کلیدی لفظ: پاکستان مالی سال کی گئی
پڑھیں:
بھارت: الیکشن کمیشن ووٹوں کی چوری میں بی جے پی کی مدد کر رہا ہے،راہل گاندھی
نئی دلی (اُردو پوائنٹ اخبارتازہ ترین - اے پی پی۔ 08 اگست2025ء) بھارت میں کانگریس پارٹی کے رہنماء اور لو ک سبھا میں قائد حزب اختلاف راہل گاندھی نے بھارتی الیکشن کمیشن پر سنگین الزامات عائد کرتے ہوئے دعویٰ کیا ہے کہ الیکشن کمیشن ووٹوں کی چوری کے ذریعے ملک میں جمہوریت کو منظم طورپر ختم کرنے کیلئے حکمران بھارتیہ جنتا پارٹی کی مدد کررہا ہے ۔کشمیرمیڈیاسروس کے مطابق راہل گاندھی نے نئی دلی میں ایک پریس کانفرنس سے خطاب کرتے ہوئے کہاکہ الیکشن کمیشن بی جے پی کی مدد سے ووٹر چوری میں ملوث ہے، شفافیت سے انکار اور ثبوت مٹا رہا ہے، جس سے ملک میں جمہوریت خطرے میں ہے۔انہوں نے کہاکہ ووٹر فہرستوںمیں بڑے پیمانے پر جعلی ووٹروں کااندراج کیاگیاہے اور حالیہ انتخابات کے نتائج میں ہیرا پھیری کے ذریعے بی جے پی کو فائدہ پہنچایا گیا ہے۔(جاری ہے)
انہوں نے بھارت میں حال ہی میں منعقد ہونے انتخابات کی ساکھ پر بھی سوال اٹھایا۔ انہوں نے کہاکہ ہمیں اور بھارت بھر کے کروڑوں لوگوں کو شبہ تھا کہ دال میں کچھ نہ کچھ کالا ضرور ہے۔ اوپینین پول اور ایگزٹ پول کچھ کہتے تھے ،تاہم نتائج کچھ اور آتے تھے۔ مدھیہ پردیش، ہریانہ، مہاراشٹرکے انتخابات کے نتائج اس کی واضح مثال ہیں۔ الیکشن کمیشن نے حالیہ انتخابات کے بعد دعویٰ کیا کہ ساڑھے پانچ بجے کے بعد بڑی تعدادمیں لوگوں نے ووٹ ڈالے جبکہ ہمارے پولنگ بوتھ کے ورکرز نے بتایا کہ کوئی ووٹنگ نہیں ہوئی۔ الیکشن کمیشن سے جب پولنگ اسٹیشنوں کے باہر کی ویڈیوز طلب کی گئی تو جواب دیا گیا۔ ویڈیوز 15دن کے بعد ڈیلیٹ کر دی گئیں۔ انہوں نے کہاکہ الیکٹرانک مشینوں کے ذریعے ووٹ ڈالنے سے قبل بھارت بھر میں ایک دن پولنگ ہوتی تھی ۔ مگر اب الیکٹرانک ووٹنگ مشین کے باوجود مہینوں تک یہ عمل جاری رہتا ہے ۔راہل گاندی نے کہاکہ مہاراشٹر میں گزشتہ پانچ مہینوں میں جتنے ووٹروں کا اندراج کیاگیاہے اتنا گزشتہ پانچ سال سے میں نہیں کیاگیا ۔انہوں نے کہاکہ لوک سبھا میں ہمارا اتحاد فتح حاصل کرتا ہے لیکن اسمبلی انتخابات میں ہمیں شکست ہوجاتی ہے ۔انہوں نے کہاکہ جب الیکشن کمیشن سے نئے ایک کروڑووٹروں کے اندراج کی تفصیل طلب کی گئی تو کوئی جواب نہیں دیاگیا۔انہوں نے کہاکہ الیکشن کمیشن ملک بھر میں ووٹ چوری کے ثبوت مٹانا چاہتا ہے۔ وہ بی جے پی کی مدد کر کے انتخابی نظام کو تباہ کر رہا ہے۔
باکمال لوگ لاجواب سروس، پی آئی اے کاایک اورکارنامہ سامنے آگیا