معرکہ حق کی فتح کے جذبے سے سرشار قوم 79 واں یومِ آزادی تاریخی انداز میں منائے گی؛ مریم اورنگزیب
اشاعت کی تاریخ: 10th, August 2025 GMT
سٹی 42 : پنجاب کی سینئر وزیر مریم اورنگزیب نے کہا ہے کہ پنجاب میں ڈویژن، ضلع اور تحصیل کی سطح پر 79 ویں یوم آزادی کی تیاریاں قومی جوش و جذبے سے جاری ہیں۔
مریم اورنگزیب نے اپنے بیان میں کہا کہ جشن آزادی کی تقاریب کو حتمی شکل دے دی گئی ہے، 14 اگست کو وزیراعلیٰ مریم نواز شریف معرکہ حق پارک اور میوزیم کی نقاب کشائی کریں گی۔ انہوں نے کہا کہ وزیراعلیٰ مریم نواز شریف نے جشن آزادی مثالی انداز میں منانے کی ہدایت کی ہے، معرکہ حق کی فتح کے جذبے سے سرشار قوم 79 واں یوم آزادی بھی تاریخی انداز میں منائے گی۔
فیلڈ مارشل عاصم منیر کادورہ امریکا،اعلیٰ سیاسی و عسکری قیادت سے ملاقاتیں
سینئر وزیر مریم اورنگزیب نے کہا کہ اضلاع کے درمیان جشن آزادی پر خوبصورت چراغاں کرنے کا مقابلہ جاری ہے، آزادی فلوٹس کا بھی مقابلہ ہوگا، سب سے خوبصورت فلوٹ سجانے اور بہترین چراغاں پر انعام دینگے، سب سے زیادہ خوبصورتی سے سجائے گئے بازار کو بھی انعام ملے گا۔ انہوں نے کہا کہ تحفظ آزادی کے احساس نے حصول آزادی کے جشن کو دوبالا کر دیا ہے، نوجوان اور بچوں کا جوش وجذبہ قابل تحسین ہے۔
انہوں ںے مزید کہا کہ تعلیمی ادارے اور شہری تنظیموں کی جشن آزادی سے متعلق سرگرمیوں کو مکمل سہولیات فراہم کر رہے ہیں، ضلعی انتظامیہ اور تمام ادارے 14 اگست کی تیاریوں میں اشتراک عمل سے خدمات انجام دے رہے ہیں۔
صبح سویرے شہر میں بارش سے موسم خوشگوار،رواں ہفتے مزید بارشوں کی پیشگوئی
.ذریعہ: City 42
کلیدی لفظ: مریم اورنگزیب نے کہا کہا کہ
پڑھیں:
پنجاب میں آئی ٹی گریجویٹس کیلیے تاریخی موقع:وزیراعلیٰ آئی ٹی انٹرن شپ پروگرام کا آغاز
data-id="863a0a8" data-element_type="widget" data-widget_type="theme-post-content.default">
لاہور: پنجاب حکومت نے صوبے کے نوجوان آئی ٹی گریجویٹس کو عالمی معیار کی تربیت اور عملی تجربہ فراہم کرنے کے لیے ’’چیف منسٹر آئی ٹی انٹرن شپ پروگرام‘‘ کا باقاعدہ آغاز کر دیا ہے، جسے صوبے میں ٹیکنالوجی کے شعبے میں انقلاب کی سمت ایک اہم قدم قرار دیا جا رہا ہے۔
پروگرام کے تحت صوبے بھر سے منتخب ہونے والے آئی ٹی اور کمپیوٹر سائنس گریجویٹس کو معروف آئی ٹی کمپنیوں اور سافٹ ویئر ہاؤسز میں انٹرن شپ کا موقع فراہم کیا جائے گا، جہاں وہ جدید ترین ٹیکنالوجی اور مارکیٹ کے مطابق سکلز میں تربیت حاصل کر سکیں گے۔
وزیراعلیٰ پنجاب مریم نواز شریف نے اس موقع پر اپنے پیغام میں کہا کہ پنجاب کو انفارمیشن ٹیکنالوجی کے میدان میں پاکستان کا سب سے مضبوط صوبہ بنانے کا عزم ان کا مقصد ہے۔
انہوں نے کہا کہ نواز شریف آئی ٹی سٹی ایک گیم چینجر منصوبہ ثابت ہوگا جو روزگار، تربیت اور جدت کے نئے دروازے کھولے گا۔ مریم نواز کا کہنا تھا کہ پنجاب کو آئی ٹی کا حقیقی حب بنا کر نوجوانوں کو عالمی مارکیٹ میں مسابقت کے قابل بنانا ان کی حکومت کی ترجیحات میں شامل ہے۔
پانچ ماہ کے اس پروگرام کے دوران ہر انٹرن کو 50 ہزار روپے ماہانہ اسکالرشپ دیا جائے گا تاکہ وہ اپنی انٹرن شپ کے دوران مالی مشکلات کے بغیر مکمل توجہ کے ساتھ تربیت حاصل کر سکیں۔ اس اقدام کو صوبے کے ہزاروں نوجوانوں کے لیے عملی میدان میں قدم رکھنے کا سنہری موقع قرار دیا جا رہا ہے۔
پروگرام کے تحت نوجوان نہ صرف معروف کمپنیوں میں عملی تجربہ حاصل کریں گے بلکہ آئی ٹی انڈسٹری کے ماہرین سے براہِ راست سیکھنے کا موقع بھی پائیں گے۔ تربیت مکمل کرنے والے انٹرنز کو مستقبل میں مستقل ملازمت کے مواقع بھی فراہم کیے جائیں گے، جس سے صوبے میں روزگار کے امکانات میں نمایاں اضافہ متوقع ہے۔
4 سالہ ڈگری مکمل کرنے والے پنجاب کے رہائشی گریجویٹس cmitinterns.punjab.gov.pk پر آن لائن درخواست جمع کرا سکتے ہیں۔ سرکاری ذرائع کے مطابق یہ پروگرام شفاف میرٹ پر چلایا جائے گا اور تمام امیدواروں کا انتخاب قابلیت اور اہلیت کی بنیاد پر ہوگا۔
پاکستان کی سفارتی کامیابیاں دنیا تسلیم کرتی ہے، عطاء اللہ تارڑ