سپریم کورٹ کے ریٹائرڈ چیف جسٹس کی پنشن اور مراعات میں کتنا اضافہ ہوا؟
اشاعت کی تاریخ: 12th, August 2025 GMT
اسلام آباد: وزارت قانون و انصاف نے سینیٹ میں ریٹائرمنٹ کے بعد چیف جسٹس آف پاکستان کو دی جانے والی پنشن اور مراعات کی تفصیلات پیش کر دیں، جس میں سال 2010 سے 2024 تک پنشن میں مسلسل اضافے کا ریکارڈ شامل ہے۔
دستاویزات کے مطابق:
2010 میں چیف جسٹس کی ماہانہ پنشن 5 لاکھ 60 ہزار روپے تھی
2024 تک یہ بڑھ کر 23 لاکھ 90 ہزار روپے تک پہنچ چکی ہے
سال بہ سال اضافے کی تفصیل کچھ یوں ہے:
| سال | پنشن (روپے میں) |
| —- | ————— |
| 2011 | 6,44,000 |
| 2012 | 7,73,000 |
| 2013 | 8,50,000 |
| 2014 | 9,35,000 |
| 2015 | 10,05,000 |
| 2016 | 11,05,000 |
| 2017 | 12,17,000 |
| 2018 | 13,38,000 |
| 2021 | 14,52,000 |
| 2023 | 16,57,000 |
| 2024 | 23,90,000 |
جج صاحبان کی بیواؤں کے لیے بھی مراعات
وزارت قانون کے مطابق، ریٹائرڈ جج کی وفات کے بعد ان کی بیوہ کو بھی کئی سرکاری سہولیات فراہم کی جاتی ہیں، جن میں شامل ہیں:
ڈرائیور اور اردلی کی سہولت
2,000 یونٹ بجلی اور مفت پانی
ماہانہ 300 لیٹر پیٹرول
انکم ٹیکس سے مکمل استثنیٰ
یہ تمام معلومات سینیٹ میں وقفہ سوالات کے دوران تحریری جواب کی صورت میں پیش کی گئیں۔
ذریعہ
ذریعہ: Daily Mumtaz
پڑھیں:
سونے کی قیمت میں پھر ہوشربا اضافہ
کراچی(نیوزڈیسک) عالمی و ملکی صرافہ بازاروں میں سونے کی قیمتوں میں ایک بار پھر ہوشربا اضافہ ہو گیا۔
آل پاکستان جیمز اینڈجیولرز ایسوسی ایشن کے مطابق آج پاکستانی صرافہ بازاروں میں 24 قیراط کے حامل فی تولہ سونے کی قیمت میں 4 ہزار 600 روپے کا اضافہ ہوا ہے جس بعد ملکی صرافہ مارکیٹوں میں سونے کا بھاؤ 4 لاکھ 71 ہزار 762 روپے سے بڑھ کر 4 لاکھ 76 ہزار 362 روپے ہو گیا۔
اسی طرح ملکی صرافہ بازاروں میں 24 قیراط کے حامل 10 گرام سونے کے بھاؤ میں بھی اضافہ دیکھنے میں آیا، پاکستانی صرافہ مارکیٹوں میں سونے کی قیمت 3 ہزار 944 روپے کے اضافے کے بعد 4 لاکھ 4 ہزار 459 روپے سے بڑھ کر 4 لاکھ 8 ہزار 403 روپے پر پہنچ گئی۔
دوسری جانب بین الاقوامی منڈی میں بھی سونا مزید مہنگا ہو گیا، عالمی صرافہ مارکیٹوں میں آج سونے کے نرخوں میں 46 ڈالر فی اونس کا اضافہ ہوا جس کے بعد عالمی صرافہ بازاروں میں فی اونس سونا 4 ہزار 494 ڈالر سے بڑھ کر 4 ہزار 540 ڈالر کا ہو گیا۔
یاد رہے کہ گزشتہ روز سونے کی فی تولہ قیمت میں 4 ہزار 400 روپے کی بڑی کمی دیکھنے میں آئی تھی جس کے بعد ملکی صرافہ بازاروں میں سونے کا بھاؤ 4 لاکھ 71 ہزار 762 روپے کی سطح پر آگیا تھا۔
مزید پڑھیں۔اٹلی ، دو پاکستانی شہریوں کو چار تارکین وطن کارکنوں کے مبینہ قتل کے الزام میں گرفتار کر لیا گیا
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ