’یس کنگ‘ میم کے خالق اور معروف ٹک ٹاکر مائیکل وِلس ہیرڈ 53 سال کی عمر میں انتقال کرگئے
اشاعت کی تاریخ: 11th, November 2025 GMT
سوشل میڈیا پر مقبول ترین ٹک ٹاک اسٹار اور وائرل ’یس کنگ‘ میم کے خالق مائیکل وِلس ہیرڈ 53 سال کی عمر میں انتقال کر گئے۔ ان کے انتقال کی تصدیق ان کی بیٹی مائیکل کرمبی (Mykel Crumbie) نے 9 نومبر 2025 کو کی۔
ہیرڈ کی وفات کی خبر سامنے آتے ہی سوشل میڈیا پلیٹ فارمز پر تعزیتی پیغامات اور یادگاری پوسٹس کا سلسلہ شروع ہوگیا۔ مداحوں اور ساتھی تخلیق کاروں نے ان کی زندگی، مثبت سوچ اور متاثر کن اندازِ گفتگو کو خراجِ تحسین پیش کیا۔
Loveandlighttv (the yes king guy) has passed away ???????????? pic.
— Trey… (@trey8890) November 10, 2025
ابتدائی اطلاعات کے مطابق، بعض آن لائن ذرائع نے دعویٰ کیا ہے کہ مائیکل ہیرڈ کو شدید دمے کا دورہ پڑا جس کے نتیجے میں انہیں دل کا دورہ بھی لاحق ہوا، تاہم یہ تفصیلات تاحال ان کے خاندان یا متعلقہ حکام کی جانب سے باضابطہ طور پر تصدیق شدہ نہیں ہیں۔
ہیرڈ، جنہیں دنیا بھر میں ‘Yes King’ کے نعرے سے شہرت حاصل ہوئی، وہ اپنی مختصر ویڈیوز کے ذریعے ناظرین کو خوداعتمادی، مثبت سوچ اور خود سے محبت کا پیغام دیتے تھے۔
Rip Yes king man
Michael Willis Heard ???? his videos always made me laugh
LLK????️ pic.twitter.com/7MoH2SmYbQ
— Namek (@Namek623016) November 10, 2025
ان کی وائرل ویڈیوز نے دنیا بھر میں لاکھوں افراد کو متاثر کیا اور ان کا مخصوص انداز کیمرے میں دیکھ کر پُر اعتماد لہجے میں کہنا ’یس کنگ‘ ایک ایسا رجحان بن گیا جسے ہزاروں صارفین نے تقلید کرتے ہوئے اپنے مواد میں شامل کیا۔
ڈیجیٹل کلچر کے ماہرین کے مطابق، مائیکل ہیرڈ کا انتقال نہ صرف ایک بااثر انٹرنیٹ شخصیت کے نقصان کی علامت ہے بلکہ یہ بھی ظاہر کرتا ہے کہ سوشل میڈیا پلیٹ فارمز پر مثبتیت اور حوصلہ افزائی پر مبنی مواد کس طرح عوامی سطح پر گہرا اثر چھوڑتا ہے۔
we knew him as Yes King but in our hearts Michael Willis Heard always gave us a laugh to forget about life’s problems ❤️ https://t.co/poP3ceiHft
— sea✰ (@destroynectar) November 10, 2025
مداحوں نے سوشل میڈیا پر خراجِ عقیدت پیش کرتے ہوئے انہیں ایک ایسے شخص کے طور پر یاد کیا جس نے مشکل وقت میں مسکراہٹ اور امید بانٹنے کا ہنر سکھایا۔
ہیرڈ کے انتقال کے بعد سوشل میڈیا پر لاکھوں صارفین نے ’LLK (Long Live King)‘ اور ’Rest in Power, Yes King‘ کے ہیش ٹیگز کے ساتھ تعزیتی پیغامات شیئر کیے۔
ان کے چاہنے والوں کا کہنا ہے کہ ’یس کنگ‘ کا پیغام اب بھی زندہ رہے گا کیونکہ انہوں نے دنیا کو خود پر یقین رکھنے کا حوصلہ دیا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹک ٹاک اسٹار ٹک ٹاک اسٹار کا انتقال ٹک ٹاکرذریعہ: WE News
کلیدی لفظ: ٹک ٹاک اسٹار ٹک ٹاک اسٹار کا انتقال ٹک ٹاکر سوشل میڈیا
پڑھیں:
معروف پروفیسر ڈاکٹر عارفہ سیدہ زہرا انتقال کر گئیں
---فائل فوٹومعروف پروفیسر ڈاکٹر عارفہ سیدہ زہرا انتقال کر گئی ہیں۔
پاکستانی ڈرامہ نگار، ٹی وی ڈرامہ سیریل کے مصنف اور شاعر اصغر ندیم سید نے ڈاکٹر عارفہ سیدہ زہرا کے انتقال کی تصدیق کی ہے۔
اصغر ندیم سید نے عارفہ سیدہ کے انتقال پر گہرے دُکھ اور افسوس کا اظہار کیا ہے۔
عارفہ سیدہ زہرا نے ایم اے اردو گورنمنٹ کالج لاہور سے کیا تھا، انہوں نے ایسٹ ویسٹ سینٹر، یونیورسٹی آف ہوائی سے تاریخ میں ڈاکٹریٹ کی ڈگری بھی حاصل کی۔
عارفہ سیدہ 1986ء تا 2009ء تک گورنمنٹ کالج فار ویمن گلبرگ لاہور کی پرنسپل رہیں۔ وہ 7 زبانوں پر عبور رکھتی تھیں۔
عارفہ سیدہ تعلیمی، انتظامی، سماجی اور ثقافتی کمیٹیوں کی رُکن بھی رہیں۔
نیشنل پارٹی سے حق نمائندگی چھین کر فارم 47 کو دیا گیا، اسلم بلوچ و دیگر