تیسرا ون ڈے، ویسٹ انڈیز نے بولرز کا بھرکس نکال دیا، پاکستان کو جیت کیلئے 295رنز کا ہدف مل گیا
اشاعت کی تاریخ: 12th, August 2025 GMT
تیسرا ون ڈے، ویسٹ انڈیز نے بولرز کا بھرکس نکال دیا، پاکستان کو جیت کیلئے 295رنز کا ہدف مل گیا WhatsAppFacebookTwitter 0 12 August, 2025 سب نیوز
ٹرینیڈاڈ(شاہ خالد)تیسرے اور فیصلہ کن ون ڈے میں ویسٹ انڈیز نے پاکستانی بولرز کو آڑھے ہاتھوں لیتے ہوئے ان کا بھرکس نکال دیا اور کپتان شائے ہوپ کی 120 رنز کی اننگز کی بدولت پاکستان کو جیت کے لیے 295 رنز کا ہدف دے دیا۔
پاکستان اور ویسٹ انڈیز کے درمیان 3 میچوں کی سیریز کا تیسرا اور آخری ون ڈے آج برائن لارا کرکٹ اکیڈمی میں کھیلا جارہا ہے۔ پاکستان کی دعوت پر پہلے بیٹنگ کرتے ہوئے ویسٹ انڈیز نے کپتان شائے ہوپ کی سنچری کی بدولت مقررہ 50 اوورز میں 6 وکٹوں کے نقصان پر 294 رنز اسکور کیے۔
ویسٹ انڈیز کی جانب سے اوپنز ایون لوئس اور برینڈن کنگ نے اننگز کا آغاز کیا، بلے بازوں نے ابتدا سے ہی محتاط انداز میں بیٹنگ کی اور وقفے وقفے سے وکٹیں گرنے کے باوجود بیٹرز اسکور بورڑ پر رنز جوڑتے رہے، 10 کے مجموعے پر برینڈن کنگ 5 رنز بنا کر آوٹ ہوئے۔ جس کے بعد ایون لائس نے کیاسی کارٹی کے ساتھ مل کر ٹیم کا اسکور آگے بڑھایا اور ٹیم کے اسکور میں 47 رنز کا اضافہ کیا تاہم 57 کے اسکور پر ایون لوئس 37 رنز بناکر ابرار احمد کی گیند پر کیچ آوٹ ہوگئے۔
ویسٹ انڈیز کو تیسرا جھٹکا 68 کے اسکور پر لگا جب کیاسی کارٹی صرف 17 رنز پر پویلین لوٹ گئے، انہیں بھی ابرار احمد نے اپنا شکار بنایا۔ اس کے علاوہ شرفین ردرفورڈ 15، راسٹن چیز 36 رنز بنا کر نسیم شاہ کا شکار بنے جبکہ گداکیش موتی صرف 5 رنز ہی بنا سکے۔کپتان شائے ہوپ نے شاندار بلے بازی کا مظاہرہ کیا، انہوں نے ناقابل شکست رہتے ہوئے 94 گیندوں پر 120 رنز بنائے، اس دوران انہوں نے 10 چوکے اور 5 چھکے بھی لگائے۔
جسٹن گریوز نے بھی شائے ہوپ کا بھرپور ساتھ دیا اور 24 گیندوں پر دھواں دار 43 رنز بنا کر ناٹ آوٹ رہے جبکہ ساتویں وکٹ پر شائے ہوپ اور جسٹن گریوز کے درمیان 50 گیندوں پر 110 رنز کی شراکت قائم ہوئی۔آخری 10 اوورز میں پاکستانی بولرز نے 119رنز لٹائے۔ اس طرح ویسٹ انڈیز نے پاکستان کو میچ جیتنے کے لیے 295 رنز کا بڑا ہدف دے دیا۔پاکستان کی جانب سے فاسٹ بولر نسیم شاہ اور اسپنر ابرار احمد نے 2، 2 وکٹیں اپنے نام کیں، محمد نواز اور صائم ایوب کے حصے میں ایک، ایک وکٹ آئی۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبروفاقی وزیر اطلاعات عطا اللہ تارڑ،سیکرٹری اطلاعات عنبرین جان اور پرنسپل انفارمیشن آفیسر مبشر حسن ستارہ امتیاز کیلئے نامزد وفاقی وزیر اطلاعات عطا اللہ تارڑ،سیکرٹری اطلاعات عنبرین جان اور پرنسپل انفارمیشن آفیسر مبشر حسن ستارہ امتیاز کیلئے نامزد بیگم کو گھر سے نکالنے پر قید کی سزا ہوگی، قومی اسمبلی میں بل پیش سپریم کورٹ ،بحریہ ٹاون پراپرٹی نیلامی کیس کی سماعت کیلئے بینچ تبدیل راولپنڈی پولیس نے علیمہ خان اور نورین خان کو تحویل میں لے لیا سندھ حکومت کا آبادی کو کنٹرول کرنے کیلئے مردوں کو نس بندی کی سہولت دینے کا فیصلہ دشمن نے پانی بند کیا تو وہ سبق سکھائیں گے وہ کانوں کو ہاتھ لگائے گا، وزیراعظمCopyright © 2025, All Rights Reserved
رابطہ کریں ہمارے بارے ہماری ٹیم.ذریعہ: Daily Sub News
کلیدی لفظ: ویسٹ انڈیز نے پاکستان کو
پڑھیں:
ورلڈ اسنوکر، محمد آصف نے تیسرا گروپ میچ بھی جیت لیا
آئی بی ایس ایف ورلڈ اسنوکر میں دفاعی چیمپئن محمد آصف نے تیسرا گروپ میچ بھی جیت لیا۔
محمد آصف نے تیسرے گروپ میچ میں چین کے پلیئر پین یامنگ کو چار ۔ تین سے شکست دی، آصف نے اس سے قبل بحرین کے حبیب صباح اور سنگاپور کے چن کینگ کوانگ کو بھی ہرایا تھا۔
گروپ کے تینوں میچز جیت کر محمد آصف نے گروپ میں ٹاپ کرکے اگلے راؤنڈ میں جگہ بنالی ہے، جبکہ پاکستان کے اسجد اقبال نے گروپ میں اپنا دوسرا میچ جیت لیا۔
اسجد اقبال نے دوسرے گروپ میچ میں ایران کے حامد زارے دوست کو چار ۔ تین سے شکست دی۔
گروپ کے دونوں میچز جیتنے والے اسجد اپنا آخری گروپ میچ پیر کو جرمنی کے الیکزینڈر وداو سے کھیلیں گے۔
دوسری جانب پہلے میچ میں شکست کے بعد شاہد آفتاب نے کم بیک کرتے ہوئے دوسرا میچ جیت لیا، شاہد آفتاب نے آئل آف مین کے ڈیرل ہل کو چار ۔ ایک سے شکست دی۔
زہران ممدانی کی کامیابی کے پیچھے بھی عورت کا ہاتھ، وہ خاموش مجاہدہ کون ہے؟