جشنِ آزادی پر مری کے لیے خصوصی ٹریفک پلان جاری
اشاعت کی تاریخ: 13th, August 2025 GMT
ڈی آئی جی ٹریفک پنجاب کے احکامات پر عمل کرتے ہوئے چیف ٹریفک آفیسر مری وسیم اختر نے جشنِ آزادی کے موقع پر سیاحوں کی سہولت کے لیے خصوصی، جامع اور منظم ٹریفک پلان جاری کر دیا ہے۔
ترجمان ٹریفک پولیس مری کے مطابق، 200 سے زائد افسران و اہلکار ڈیوٹی سرانجام دیں گے۔
یہ بھی پڑھیں:مری میں ڈینگی کی صورتحال تشویشناک، متاثرین کی تعداد 24 ہو گئی
سی ٹی او مری کا کہنا ہے کہ راولپنڈی اور اسلام آباد سے آنے والی تمام ٹریفک ایکسپریس وے اور آر ایم کے جی ٹی روڈ سے مری آ اور جا سکے گی۔
سرکل مری میں ویو فورتھ روڈ، بینک روڈ، ہال روڈ، کلڈنہ روڈ اور امتیاز شہید روڈ کو ون وے کر دیا گیا ہے، جبکہ مال روڈ ہر قسم کی ٹریفک کے لیے بند رہے گی۔
ٹریفک کی بہتر روانی کے لیے مری کو پانچ سیکٹرز میں تقسیم کر دیا گیا ہے۔ سی ٹی او مری کے مطابق، سیاحوں کو مکمل سفری سہولیات اور دیگر خدمات فراہم کی جائیں گی۔
مری میں ہیوی ٹریفک کا داخلہ صبح 6 بجے سے رات 2 بجے تک ممنوع ہو گا، اور بسیں و بڑی گاڑیاں بروری، بانسرہ گلی اور لوئر ٹوپہ سے آگے نہیں جا سکیں گی۔ آزاد کشمیر جانے والی گاڑیاں ایکسپریس وے استعمال کریں گی۔
جی پی او چوک، جھیکا گلی چوک، کلڈنہ چوک اور سنی بنک چوک سمیت گردونواح کے 200 میٹر کے دائرے میں ہر قسم کی پارکنگ پر مکمل پابندی عائد ہو گی۔ جی پی او چوک کو پارکنگ فری قرار دے دیا گیا ہے۔
سی ٹی او نے کہا کہ سرکل مری میں سب سے بڑا مسئلہ پارکنگ ہے، اس لیے سیاح صرف مختص شدہ مقامات پر گاڑیاں پارک کریں۔ کسی بھی جگہ ٹریفک مسئلہ پیش آنے کی صورت میں ٹریفک کنٹرول روم نمبر 051-9269200 پر رابطہ کیا جا سکتا ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ٹریفک پلان جھیکا گلی چوک جی پی او چوک سی ٹی او مری کلڈنہ چوک مری.
ذریعہ
ذریعہ: WE News
کلیدی لفظ: ٹریفک پلان جی پی او چوک سی ٹی او مری سی ٹی او کے لیے
پڑھیں:
شارع فیصل، کس لین میں گاڑی چلائی تو چالان نہیں ہوگا؟
کراچی میں شارع فیصل پر ٹریفک کی روانی کو بہتر بنانے کے لیے ٹریفک لین کی پاسداری کرانے کے لیے قوانین پر سختی عملدرآمد کیا جارہا ہے۔
ٹریفک لین کی خلاف ورزی پر 24 گھنٹوں کے دوران 96 چالان جاری کیے گئے ہیں۔
کراچی میں ٹریفک جام اور حادثات کی بڑھتی ہوئی تعداد کے پیچھے کئی وجوہات ہیں، لیکن ایک بڑی وجہ ٹریفک قوانین کی خلاف ورزی ہے۔
شہر کی سڑکوں پر مختلف گاڑیوں کے لیے مخصوص لینز تو موجود ہیں، اور زیادہ تر شہری اس بات سے واقف بھی ہیں کہ کون سی لین کس قسم کی گاڑی کے لیے مختص ہے، مگر وقت بچانے اور جلد منزل تک پہنچنے کی دوڑ میں اکثر لوگ ان اصولوں کو نظرانداز کر دیتے ہیں۔
ٹریفک قوانین کی خلاف ورزی کو روکنے اور سڑکوں پر نظم و ضبط بہتر بنانے کے لیے ٹریفک پولیس نے پہلے ہی ای-ٹکٹنگ سسٹم نافذ کیا ہوا ہے، لیکن اب شارع فیصل پر لین کی خلاف ورزی کرنے والوں کو خودکار طریقے سے جرمانے جاری کیے جائیں گے۔
ڈی آئی جی ٹریفک پیر محمد شاہ کے مطابق ٹریفک جام کی صورت میں شہریوں کو لین تبدیل کرنے کی رعایت ہے، لیکن سست ٹریفک پر شہریوں کو مقررہ لین میں ہی رہنا ہوگا اور ہیوی بائیک رائڈرز بھی لین کی خلاف ورزی کریں گے تو چالان ہوگا۔
دوسری جانب شہریوں نے اس اقدام کو ٹریفک نظم و ضبط کی جانب ایک مثبت پیشرفت قرار دیا ہے۔
ان کا کہنا ہے کہ قوانین پر مؤثر عملدرآمد کے ساتھ ساتھ عوامی آگاہی بھی انتہائی ضروری ہے تاکہ زیادہ سے زیادہ لوگ نئے نظام اور لین ڈسپلن کے اصولوں سے واقف ہو سکیں۔
قانون تو موجود ہے، اب اصل امتحان اس پر عملدرآمد اور شہریوں کے تعاون کا ہے۔ اگر دونوں ساتھ چلیں تو شاید کراچی کی سڑکیں زیادہ محفوظ اور منظم بن سکیں۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ