نیویارک میں پاک امریکن سوسائٹی یو ایس اے کے تحت یوم آزادی کی شاندار تقریب
اشاعت کی تاریخ: 13th, August 2025 GMT
نیویارک (اُردو پوائنٹ اخبارتازہ ترین۔ 13 اگست2025ء) میں پاک امریکن سوسائٹی یو ایس اے کے زیر اہتمام پاکستان کے 78ویں یومِ آزادی کی شاندار تقریب منعقد ہوئی، جس میں بڑی تعداد میں پاکستانی کمیونٹی کے افراد، مختلف ریاستوں سے آئے وفود اور معزز مہمانوں نے شرکت کی۔ تقریب کے صدر اور پاک امریکن سوسائٹی یو ایس اے کے سربراہ شمس الزماں نے اپنے خطاب میں اوور سیز پاکستانیوں کو یومِ آزادی کی مبارکباد پیش کرتے ہوئے کہا کہ معرکۂ حق کی کامیابی نے دنیا بھر میں پاکستانی قوم کا سر فخر سے بلند کر دیا ہے۔
اوور سیز پاکستانی سپہ سالار پاکستان فیلڈ مارشل جنرل سید عاصم منیر کی جرات مندانہ کمانڈ پر انہیں خراجِ تحسین پیش کرتے ہیں۔ انہوں نے کہا کہ پاکستان کی مسلح افواج نے ثابت کیا ہے کہ وہ ہر محاذ پر وطنِ عزیز کا دفاع کرنے کی بھرپور صلاحیت رکھتی ہیں، اور بیرونِ ملک مقیم پاکستانی اپنے وطن کے شانہ بشانہ کھڑے ہیں۔(جاری ہے)
صدر پاک امریکن سوسائٹی نے خطاب کے اختتام پر پاکستان زندہ باد اور پاک فوج زندہ باد کے نعرے بھی لگوائے ۔
بعد ازاں، پاکستان کے ڈپٹی قونصل جنرل نیویارک، عمر شیخ نے کمیونٹی کو یومِ آزادی کی مبارکباد پیش کی اور کہا کہ "آپریشن بنیان المرصوص" میں پاکستان کی فتح ایک تاریخی لمحہ ہے، جو مسلح افواج کی جرات، پیشہ ورانہ مہارت اور قوم کی ثابت قدمی کا مظہر ہے۔ انہوں نے شہداء اور غازیوں کو خراجِ عقیدت پیش کیا اور کہا کہ امن، استحکام اور قومی یکجہتی پاکستان کی اولین ترجیحات ہیں۔ جنرل سیکرٹری پاک امریکن سوسائٹی ڈاکٹر اشرف نے اپنے خطاب میں کہا کہ وطن سے محبت ہمارا سب سے بڑا سرمایہ ہے اور یہی جذبہ ہمیں ہر چیلنج کا مقابلہ کرنے کا حوصلہ دیتا ہے۔ ہم اوور سیز پاکستانی مادرِ وطن کے وقار، سالمیت اور خوشحالی کے لیے ہمیشہ متحد رہیں گے اور پاکستان کی ترقی میں اپنا بھرپور کردار ادا کرتے رہیں گے۔ تقریب سے چیف کوآرڈینیٹر سید آصف ، سینئر نائب صدر سلیمان بٹ ، نائب صدر شہزاد انور اور کمیونٹی رہنما پروفیسر ثقلین ملک نے بھی خطاب کیا تقریب میں موجود بچیوں نے ملی نغمے اور تقاریر پیش کرکے شرکاء سے بھرپور داد سمیٹی، جبکہ دیگر مقررین نے اتحاد اور حب الوطنی کے جذبات کو اجاگر کیا۔ آخر میں مہمانوں کو شیلڈز پیش کی گئیں اور پاکستان کی سلامتی و خوشحالی کے لیے دعا کی گئی۔ تقریب کا اختتام "پاکستان زندہ باد" کے فلک شگاف نعروں پر ہوا۔.ذریعہ: UrduPoint
کلیدی لفظ: تلاش کیجئے پاک امریکن سوسائٹی پاکستان کی آزادی کی میں پاک اور پاک کہا کہ
پڑھیں:
یہ سب کا پاکستان ہے، ملک بھر میں تمام مذہبی اقلیتیں محفوظ ہیں، رمیش سنگھ اروڑہ
لاہور:پنجاب کے وزیر اقلیتی امور رمیش سنگھ اروڑہ نے 78 ویں جشن آزادی کے موقع پر کہا ہے کہ یہ سب کا پاکستان ہے اور پاکستان بھر میں تمام مذہبی اقلیتیں محفوظ ہیں۔
لاہور میں پاکستان کے 78 ویں جشن آزادی کی مناسبت سے تقریب کا انعقاد کیا گیا جہاں صوبائی وزیر اقلیتی امور رمیش سنگھ اروڑہ نے خصوصی شرکت کی، تقریب کی نظامت کرسچن اسٹڈی سینٹر کے کوآرڈینیٹر یاسر نئیر نے کی۔
صوبائی وزیر اقلیتی امور رمیش سنگھ اروڑہ نے شرکا کے ہمراہ جشن آزادی کا کیک کاٹا اور تمام پاکستانیوں کو یوم آزادی کی مبارک باد دی۔
انہوں نے کہا کہ پاکستان میں ہر مذہب کے ماننے والے رہتے ہیں، یہ سب کا پاکستان ہے اور سب کو برابر کے حقوق حاصل ہیں۔
رمیش سنگھ اروڑہ نے کہا کہ پاکستان بھر میں تمام مذہبی اقلیتیں محفوظ ہیں، وزیراعلیٰ پنجاب مریم نواز اقلیتوں کے تہواروں میں شریک ہوتی ہیں، وزیراعلیٰ پنجاب نے 50 ہزار خاندانوں کو مینارٹی کارڈز جاری کیے ہیں۔
انہوں نے کہا کہ پاکستان ایک ایسا گل دستہ ہے جہاں تمام مذاہب نظر آتے ہیں۔
جشن آزادی کی تقریب سے پنڈت بھگت لعل اور ریورنڈ امجد نیامت نے بھی خطاب، پروفیسر سید محمود غزنوی، پنڈت بھگت لعل، سہیل احمد رضا سمیت دیگر شخصیات بھی شریک تھیں۔
تقریب کے شرکا نے یوم آزادی جوش و جذبے سے منانے کا عزم دہرایا اور آپس میں پیار و محبت کے فروغ پر زور دیا۔
کوئٹہ، عمران خان کی رہائی کیلئے پی ٹی آئی خواتین ونگ کا احتجاج