کراچی میں مسلسل بارش، فلائٹ آپریشن متاثر، 8 پروازیں منسوخ، 20 میں تاخیر
اشاعت کی تاریخ: 19th, August 2025 GMT
—فائل فوٹو
کراچی میں مسلسل بارش سے فلائٹ آپریشن متاثر ہوا ہے جس کے نتیجے میں 8 پروازیں منسوخ کر دی گئیں جبکہ 20 میں تاخیر ہوئی ہے۔
ایئر پورٹ ذرائع کے مطابق بارش کے دوران اسکردو اور دبئی سے کراچی پہنچی پروازیں لینڈ نہ کر سکیں، اسکردو کی پرواز پی کے 456 کو متبادل ایئر پورٹ پر بھیج دیا گیا جبکہ دبئی کی غیر ملکی ایئر لائن کی پرواز ایف زیڈ 3 35 کو ملتان بھیج دیا گیا۔
یہ بھی پڑھیے کراچی، لاہور، اسلام آباد کی 13 پروازیں منسوخ، 63 میں تاخیر ہوئیفلائٹ آپریشن کے مطابق کراچی و اسلام آباد کی 4 پروازوں کی آمد اور روانگی میں تاخیر ہوئی ہے ،جدہ، دبئی، شارجہ، ابوظبی، کولمبو سے کراچی کی پروازوں میں بھی تاخیر ہوئی ہے۔
کراچی سے مدینہ، دبئی، پشاور، ٹورنٹو، جدہ کی پروازوں میں 1 سے 5 گھنٹے کی تاخیر ہوئی ہے، کراچی تا کوئٹہ قومی ایئر لائن کی 2 پروازیں پی کے 310، 311 منسوخ کر دی گئیں۔
کراچی و اسلام آباد کی قومی ایئر لائن کی 2 پروازیں پی کے 308، 309 بھی منسوخ کر دی گئیں، کراچی سے سکھر کی 2 پروازوں پی کے 536، 537 کو بھی منسوخ کر دیا گیا، کراچی و دبئی کی 2 پروازیں اور نجی ایئر لائن کی 2 شیڈول پروازیں بھی منسوخ کر دی گئیں۔
.ذریعہ: Jang News
کلیدی لفظ: تاخیر ہوئی ہے ایئر لائن کی میں تاخیر
پڑھیں:
ایئر کراچی جلد اڑان بھرنے کو تیار، افتتاح ہوگیا
data-id="863a0a8" data-element_type="widget" data-widget_type="theme-post-content.default">
کراچی:پاکستان کی نجی ائیر لائن میں ایک اور اضافہ،نئی فضائی کمپنی ’ایئر کراچی‘ کا باضابطہ افتتاح کردیا گیا۔
نجی شعبے کے باہمی اشتراک سے بننے والی ایئر کراچی کی افتتاحی تقریب کراچی کے اولڈ ایئرپورٹ پر منعقد کی گئی، افتتاحی تقریب سے خطاب کرتے ہوئے چیئرمین ایئر کراچی حنیف گوہر نے بتایا کہ ایئرلائن کے قیام کا خواب 2006 میں شروع ہوا، طویل جدوجہد کے بعد آج یہ خواب حقیقت بن گیا۔
یہ ایئرلائن 42 کاروباری شراکت داروں کے اشتراک سے قائم کی گئی ہے، جو کراچی کی شناخت کو دوبارہ اجاگر کرنے کے عزم کی علامت ہے، ایئر کراچی کا آغاز ملکی معیشت کے استحکام اور مقامی صنعتوں کے فروغ کی جانب ایک مثبت قدم ہے۔
اس موقع پر تقریب کے مہمانِ خصوصی سیکرٹری ڈیفنس لیفٹیننٹ جنرل ریٹائرڈ محمد علی نے کہا کہ کراچی کے بزنس کمیونٹی نے ایک بار پھر ملک کا نام فخر سے بلند کیا ہے، حکومت نئی ایئرلائنز اور ہوا بازی کے شعبے کے تمام اسٹیک ہولڈرز کو مکمل تعاون فراہم کرے گی۔
ایئر کراچی اور پی آئی اے کے درمیان اشتراک سے ملکی ایوی ایشن انڈسٹری کی کارکردگی بہتر ہوگی۔
بتایا گیا ہے کہ ایئر کراچی انتظامیہ کی طرف سے پاکستان سول ایوی ایشن اتھارٹی (PCAA) کو رواں سال فروری میں ریگولر پبلک ٹرانسپورٹ (RPT) لائسنس کے لیے درخواست دی تھی، جس کے اجراءکا فیصلہ وفاقی حکومت کی منظوری کے بعد کیا جائے گا۔
ایئر لائن کے قیام کے لیے ابتدائی 5 ارب روپے کی سرمایہ کاری کی گئی ہے، ہر شیئرہولڈر نے 5 کروڑ روپے کی سرمایہ کاری کی ہے۔
معلوم ہوا ہے کہ ایئر کراچی کے نمایاں سرمایہ کاروں میں عقیل کریم ڈھیڈی، عارف حبیب، ایس ایم تنویر، بشیر جان محمد، خالد تواب، زبیر طفیل اور حمزہ تبانی شامل ہیں۔
ایئر کراچی کے چیف ایگزیکٹو آفیسر (CEO) کے طور پر سابق ایئر وائس مارشل ریٹائرڈ عمران کو تعینات کیا گیا ہے، ابتدائی مرحلے میں تین طیارے لیز پر حاصل کیے جائیں گے۔
ویب ڈیسک
Faiz alam babar
ترکیہ برطانیہ سے 20 یورو فائٹر طیارے خریدے گا، معاہدے طے