دورہ چین کے دوران وزیراعظم شہباز شریف کی کیا مصروفیات ہوں گی؟
اشاعت کی تاریخ: 30th, August 2025 GMT
چین کے صدر شی جن پنگ کی دعوت پر وزیرِاعظم محمد شہباز شریف 31 اگست تا یکم ستمبر 2025 کو چین کے شہر تیانجن میں شنگھائی تعاون تنظیم (ایس سی او) کی کونسل آف ہیڈز آف اسٹیٹ اور ایس سی او سی ایچ ایس پلس اجلاس میں پاکستانی وفد کی قیادت کریں گے، وزیراعظم آج اپنے وفد کے ہمراہ تیانجن پہنچ گئے۔
پاکستانی دفتر خارجہ کے مطابق ایس سی او سی ایچ ایس سربراہ اجلاس میں پاکستان، بیلا روس، چین، بھارت، ایران، قازقستان، کرغزستان، روس، تاجکستان اور ازبکستان کے سربراہانِ مملکت و حکومت شریک ہوں گے۔ اس کے ساتھ ساتھ ایس سی او سی ایچ ایس پلس اجلاس میں وسیع تر فارمیٹ میں منگولیا، آرمینیا، آذربائیجان، کمبوڈیا، نیپال، ترکیہ، مصر، مالدیپ، میانمار، ترکمانستان، ملائیشیا، لاؤس، ویتنام اور انڈونیشیا کے رہنما بھی شریک ہوں گے۔
یہ بھی پڑھیے: شہباز شریف اہم دورے پر چین پہنچ گئے، شنگھائی تعاون تنظیم اجلاس میں شرکت کریں گے
اس اجلاس میں اقوامِ متحدہ کے سیکریٹری جنرل اور مختلف علاقائی و بین الاقوامی تنظیموں کے سربراہان بھی موجود ہوں گے۔
وزیرِاعظم شہباز شریف سربراہ اجلاس میں پاکستان کا مؤقف پیش کریں گے اور علاقائی و عالمی اہم معاملات پر روشنی ڈالیں گے۔ وہ ایس سی او کے کردار کو مزید مؤثر بنانے کے لیے تجاویز دیں گے تاکہ علاقائی تعاون اور استحکام کو فروغ دیا جاسکے۔
دفتر خارجہ کے اعلامیے کے مطابق ایس سی او سی ایچ ایس تنظیم کا سب سے بڑا فیصلہ ساز فورم ہے جو سیاسی، اسٹریٹجک اور سیکیورٹی رہنمائی فراہم کرتا ہے اور اہم اعلانات، بیانات اور فیصلے کرتا ہے جو تنظیم کے ایجنڈے کو تشکیل دیتے ہیں۔ ایس سی او سی ایچ ایس پلس اجلاس ایک تھیمڈ سمٹ ہے جس کا مقصد مدعو رہنماؤں کے ساتھ وسیع تر مکالمہ کو فروغ دینا اور علاقائی و عالمی ترجیحات پر بات چیت کرنا ہے۔
سی ایچ ایس پلس اجلاس کے دوران وزیرِاعظم پاکستان کثیرالجہتی تعاون، علاقائی سلامتی کے استحکام اور پائیدار ترقی کے فروغ کے لیے پاکستان کے عزم کو دوہرائیں گے۔
اجلاس کے موقع پر وزیرِاعظم مختلف رکن ممالک اور دیگر مدعو سربراہانِ مملکت و حکومت سے دو طرفہ ملاقاتیں بھی کریں گے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
pak china relations ایس سی او پاک چین دوستی دورہ چین وزیراعظم شہباز شریف.ذریعہ: WE News
کلیدی لفظ: ایس سی او پاک چین دوستی دورہ چین وزیراعظم شہباز شریف ایس سی او سی ایچ ایس شہباز شریف اجلاس میں کریں گے
پڑھیں:
وزیراعظم شہباز شریف کا چترال میں یونیورسٹی، اسپتال اور گیس سہولت فراہم کرنے کا اعلان
وزیراعظم شہباز شریف نے اپر چترال میں اسپتال اور یونیورسٹی بنانے کے ساتھ ساتھ گیس کی سہولت فراہم کرنے کا اعلان کیا ہے۔
مقامی نجی میڈیاکے مطابق، وزیراعظم نے چترال میں دانش اسکول کے سنگ بنیاد رکھنے کی تقریب سے خطاب کرتے ہوئے کہا کہ وفاقی حکومت دور دراز علاقوں میں شہری سہولیات فراہم کرنے کے لیے اقدامات کر رہی ہے۔ انہوں نے کہا کہ انہیں کسی نے نہیں بتایا کہ دانش اسکول بنایا جائے، لیکن وہ آج چترال کے عوام کو ان کا حق دینے کے لیے یہاں آئے ہیں۔ دانش اسکول ایچ ای سن کالج کے برابر معیار کا ادارہ ہوگا اور یہاں غریب بچوں کو مفت معیاری تعلیم فراہم کی جائے گی۔
وزیراعظم نے کہا کہ چترال کے عوام کا جدید تعلیم کا خواب شرمندہ تعبیر ہوگا۔ دانش اسکول کا افتتاح تو ہو چکا ہے، اور اپر چترال میں جلد ایک یونیورسٹی اور اسپتال بھی تعمیر کیا جائے گا۔ ساتھ ہی یہاں فوری طور پر گیس پلانٹ بھی لگایا جائے گا۔ چترال شندور روڈ پر تعمیراتی کام جاری ہے، جسے اگلے سال دسمبر تک مکمل کرنے کا منصوبہ ہے۔
شہباز شریف نے مزید کہا کہ ملک بھر کے طلبہ کے لیے میرٹ کی بنیاد پر ایک لاکھ لیپ ٹاپ تقسیم کیے جائیں گے، جن میں چترال کے بچے بھی شامل ہوں گے۔
وزیرِاعلیٰ نے سندھ جاب پورٹل کا افتتاح کردیا، ملازمتوں کا سلسلہ 15 روز میں شروع ہو گا