سیلاب نے ماں کی گود اُجاڑ دی، 3 نومولود جان کی بازی ہار گئے
اشاعت کی تاریخ: 31st, August 2025 GMT
پنجاب کے سیلاب سے متاثرہ علاقے وزیر آباد میں ایک حاملہ خاتون کے 3 نومولود بچوں کی بروقت طبی امداد نہ ملنے کے باعث انتقال ہو گیا۔
یہ افسوسناک واقعہ سوہدرہ کے رانا علاقے میں پیش آیا۔
یہ بھی پڑھیں:سیلاب میں تباہ ہونے والی سڑکوں اور پلوں کی اصل وجہ کرپشن ہے، خواجہ آصف
ریسکیو حکام کے مطابق، سیلابی پانی کی وجہ سے سڑکیں ڈوبی ہوئی تھیں اور آمد و رفت میں شدید مشکلات تھیں۔
حاملہ خاتون بروقت اسپتال نہیں پہنچ سکی اور راستے میں ہی 3 بچوں کو جنم دیا۔
اطلاعات کے مطابق، تینوں نومولود بچے، دو بیٹیاں اور ایک بیٹا فوری طبی امداد نہ ملنے کی وجہ سے جاں بحق ہو گئے۔
حکام نے بتایا کہ اس واقعے سے علاقے میں سیلاب کے باعث متاثرہ نظام زندگی کی سنگینی واضح ہوتی ہے۔
یہ بھی پڑھیں:پنجاب میں تاریخ ساز سیلاب، 20 لاکھ سے زائد افراد متاثر ہوئے، مریم اورنگزیب
علاقہ مکینوں کا کہنا ہے کہ وزیر آباد اور دیگر سیلاب زدہ علاقوں میں طبی سہولیات تک رسائی متاثر ہوئی ہے، اور متعدد حاملہ خواتین اور بچوں کی زندگی خطرے میں ہے۔
مقامی حکام نے فوری امدادی اقدامات کی یقین دہانی کرائی ہے، تاہم شدید پانی اور ڈوبی ہوئی سڑکیں امدادی سرگرمیوں میں رکاوٹ بن رہی ہیں۔
میڈیا رپورٹس کے مطابق، پنجاب کے مختلف اضلاع میں سیلاب کے بعد طبی سہولیات کی کمی اور بروقت امداد نہ پہنچنے کے واقعات میں اضافہ ہوا ہے، جس سے نہ صرف حاملہ خواتین بلکہ دیگر کمزور طبقات بھی متاثر ہو رہے ہیں۔
مقامی انتظامیہ نے مزید ریسکیو ٹیمیں اور موبائل اسپتال تعینات کرنے کا اعلان کیا ہے تاکہ ایسے المناک واقعات کو روکا جا سکے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سڑکیں سیلاب نومولود وزیرآباد.
ذریعہ
ذریعہ: WE News
کلیدی لفظ: سڑکیں سیلاب نومولود
پڑھیں:
مریم نواز کا اربن فلڈنگ اور سیلاب سے نمٹنے کے لیے وسائل بروئے کار لانے کا حکم
وزیر اعلیٰ پنجاب مریم نواز نے اربن فلڈنگ اور سیلاب سے نمٹنے کے لیے انسانی و مکینل وسائل بروئے کار لانے کا حکم دے دیا ہے۔ وزیر اعلیٰ پنجاب مریم نواز کا کہنا ہے کہ دریاؤں، ڈیموں اور بیراج پر نہانے پر پابندی یقینی بنائی جائے اور دریاؤں، ڈیموں اور بیراج کی ڈرون سے مانیٹرنگ کی جائے۔انہوں نے کہا کہ عوام کو بارش اور فلڈ سے آگاہ کرنے کے لیے مساجد اور میڈیا پر اعلانات کیے جائیں۔کرنٹ لگنے سے ہلاکتوں پر مریم نواز نے لیسکو اور دیگر بجلی تقسیم کار کمپنیوں کو نوٹس لینے کا حکم دیتے ہوئے کہا کہ بجلی تقسیم کار کمپنیوں کی غفلت کی وجہ سے لوگ جان سے ہاتھ دھو رہے ہیں۔انہوں نے کہا کہ کھمبوں پر بجلی کے بے ہنگم لٹکتے تار انسانی جانوں کے لیے خطرہ بن چکے ہیں۔ وزیر اعلیٰ نے واسا کمپلینٹ ہیلپ لائن پر فوری ایکشن کا ریکارڈ مرتب کرنے کی ہدایت کی۔مریم نواز نے مون سون کے دوران ہر کنسٹرکشن سائٹ کو باقاعدہ محفوظ بنانے کی ہدایت دی اور کہا کہ انتظامیہ خستہ حال عمارتوں کا جائزہ لے کر رضاکارانہ طور پر خالی کروائے۔
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار