گجرانوالہ میں دل دہلا دینے والا واقعہ: سیلاب کے باعث طبی امداد نہ ملنے پر 3 نومولود دم توڑگئے
اشاعت کی تاریخ: 31st, August 2025 GMT
گجرانوالہ میں سوہدرہ کے نواحی گاؤں رانا میں دل دہلا دینے والا واقعہ پیش آیا جہاں سیلابی ریلوں سے راستے بند ہونے کے باعث بروقت طبی امداد نہ ملنے پر 3 نومولود دم توڑگئے۔
رپورٹ کے مطابق سیلاب کے باعث راستے بند ہونے کی وجہ سے حاملہ خاتون اسپتال نہ پہنچ سکی، اہل علاقہ نے بتایا کہ ایک بچے کی گھرمیں ڈلیوری ہوئی تو تکلیف بڑھی، خاتون کو گاڑی میں کشتی تک لانے لگے تو 2 بچوں کی پیدائش گاڑی میں ہوگئی۔
خاتون نے ڈلیوری کے دوران تین بچوں کو جنم دیا، دو بیٹیاں اور ایک بیٹا بروقت طبی امداد نہ ملنے پر جاں بحق ہوگئے۔
واقعہ سوہدرہ کے علاقہ رانا میں پیش آیا، اطلاع ملنے پر محکمہ صحت اورسول سوساسائیٹی کی ایمبولینس تیار تھیں۔
ذرائع نے بتایا کہ رات کے وقت کشتی اس علاقہ میں نہ جاسکی جس کے باعث خاتون اور بچے اسپتال منتقل نہ کیے جا سکے۔
ذرائع نے بتایا کہ آکسیجن اور فوری طبی سہولت نہ ملنے سے نومولود دم توڑ گئے، دکھی ماں نے کہا کہ سب کے لیے راستے بن گئے ہمارے لیے نہ بنے۔
.ذریعہ: Express News
کلیدی لفظ: کے باعث
پڑھیں:
’ایسی چیزیں قبول نہیں کروں گی‘، سیلاب زدگان کے لیے غیر معیاری سامان ملنے پر حدیقہ کیانی پھٹ پڑیں
نامور پاکستانی گلوکارہ اور سماجی کارکن حدیقہ کیانی حالیہ سیلاب سے متاثرہ افراد کی بحالی کے لیے سرگرم عمل ہیں۔ وہ نہ صرف متاثرہ علاقوں کا خود دورہ کر رہی ہیں بلکہ بے گھر افراد کو ابتدائی طبی امداد اور ضروری سامان کی فراہمی میں بھی بڑھ چڑھ کر حصہ لے رہی ہیں۔
حدیقہ کیانی اپنی امدادی سرگرمیوں کے بارے میں سوشل میڈیا کے ذریعے مداحوں کو باقاعدگی سے آگاہ رکھتی ہیں۔ حال ہی میں ان کی ایک ویڈیو سوشل میڈیا پر وائرل ہو رہی ہے جس میں وہ عوام کی جانب سے بھیجے گئے چند کپڑوں کو دکھاتے ہوئے افسوس کا اظہار کرتی نظر آئیں۔ ویڈیو میں دیکھا جا سکتا ہے کہ بعض افراد نے ایسے پرانے اور خراب کپڑے بھیجے جو پہننے کے قابل بھی نہیں تھے۔
یہ بھی پڑھیں: حدیقہ کیانی کی سیلاب متاثرین کے لیے عوام سے امداد کی اپیل
گلوکارہ نے اس عمل پر سخت ردعمل دیتے ہوئے کہا کہ ’خدارا، ایسی خراب چیزیں مت بھیجیں۔ کیا آپ دوسروں کو انسان نہیں سمجھتے؟ اگر آپ ایسی چیزیں بھیجیں گے تو ہم انہیں قبول نہیں کریں گے‘۔
حدیقہ کیانی کے اس بیان کو سوشل میڈیا صارفین کی بڑی تعداد نے سراہا اور انہیں متاثرین کے لیے آواز اٹھانے پر خراجِ تحسین پیش کیا۔ ان کا کہنا ہے کہ دکھی انسانیت کی مدد کے لیے صرف جذبہ ہی نہیں، عزتِ نفس کا خیال رکھنا بھی نہایت ضروری ہے۔
ایک صارف نے کہا کہ استعمال شدہ کپڑے اور جوتے دینے میں حرج نہیں ہے مگر ایسے کپڑے اور جوتے جو اپنی طبعی عمر پوری کر چکے وہ مت دیں ایسے استعمال شدہ کپڑے دیں جو قابل استعمال ہوں انہیں دھو کر استری کر کے درست حالت میں دیں جس میں آپ خود استعمال کرتے ہیں۔ لوگوں کی عزت نفس کا خیال رکھیں۔
استعمال شدہ کپڑے جوتے دینے میں ہرج نہی ہے مگر ایسے کپڑے جوتے جو اپنی طبعی عمر پوری کر چکے وہ مت دیں ایسے استعمال شدہ کپڑے دیں جو قابل استعمال ہوں انہیں دھو کر استری کر کے ص حالت میں دیں جس میں آپ خود استعمال کرتے ہیں
لوگوں کی عزت نفس کا خیال رکھیں pic.twitter.com/jaXLGVPS1E
— RAShahzaddk (@RShahzaddk) September 16, 2025
ایک ایکس صارف نے کہا کہ اپنے اسٹور کی صفائی کر کے کسی کو کچھ نا بھیجیں اس سے بہتر چیزیں لنڈے میں ملتی ہیں۔ انہوں نے مزید کہا کہ چیز وہ بھیجیں جس کو کھول کر اگلے کی عزت نفس مجروح نا ہو۔
حدیقہ جو بتانا چاہ رہی ہیں وہ غور سے سنیے گا اور عمل کیجیے
اپنے سٹور کی صفائی کر کے کسی کو کچھ نا بھیجے گا اس سے بہتر چیزیں لنڈے میں ملتی ہیں۔۔۔۔
چیز وہ بھیجے گا جس کو کھول کر اگلے کی عزت نفس مجروح نا ہو۔۔۔#hadiqakiani @Hadiqa_Kiani pic.twitter.com/lrVbN1ZBUO
— عام آدمی (@Mango_peopel) September 16, 2025
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
حدیقہ کیانی سیلاب زدگان سیلاب زدگان کی مدد
یادگار آپریشن سومنات میں پاک بحریہ نےبھارتی مواصلاتی نظام تباہ کیاتھا، وزیراعظم کایوم بحریہ پر پیغام