آسٹریلیا میں نابالغوں پر سوشل میڈیا پابندی: سرکاری رپورٹ میں بڑے انکشافات
اشاعت کی تاریخ: 1st, September 2025 GMT
آسٹریلوی حکومت نے اعلان کیا ہے کہ دسمبر سے ملک میں 16 سال سے کم عمر بچوں کے لیے سوشل میڈیا کے استعمال پر مکمل پابندی عائد کی جائے گی، تاہم ایک تازہ ترین سرکاری رپورٹ میں اس منصوبے کو کئی حوالوں سے متنازع اور خطرناک قرار دیا گیا ہے۔
برطانوی اخبار گارڈین کے مطابق آسٹریلیا میں کی جانے والی سرکاری آزمائش میں عمر کی تصدیق کرنے والی ٹیکنالوجیز کا تجربہ کیا گیا تاکہ نابالغ بچوں کو سوشل میڈیا پلیٹ فارمز سے روکا جا سکے۔ رپورٹ میں کہا گیا کہ اگرچہ یہ نظام مؤثر ثابت ہوسکتا ہے لیکن اس میں غلطیوں سے بچنا ممکن نہیں۔
یہ بھی پڑھیں: 16 سال سے کم عمر بچوں نے سوشل میڈیا اکاؤنٹ بنایا تو کتنی سزا ہوگی؟
رپورٹ میں واضح کیا گیا کہ یہ سوچنا ایک بنیادی غلط فہمی ہے کہ عمر جانچنے والی ٹیکنالوجی بغیر کسی خطا کے استعمال ہوسکتی ہے۔ رپورٹ میں کہا گایا ہے کہ غلط نتائج ناگزیر ہیں اور ان کی درستگی کے لیے متبادل ذرائع جیسے شناختی کارڈ یا دیگر دستاویزات سے تصدیق ضروری ہوگی۔
اعدادوشمار کے مطابق چہرے کی شناخت پر مبنی ٹیکنالوجی نے 16 سالہ بچوں میں 8.
رپورٹ نے مزید نشاندہی کی کہ یہ ٹیکنالوجی بعض طبقات مثلاً غیر سفید فام افراد، خواتین، بزرگ شہریوں اور مقامی (انڈیجنس) آبادی کے لیے کم درست نتائج دیتی ہے۔
یہ بھی پڑھیں: کم عمری میں اسمارٹ فون کا استعمال ذہنی صحت کے لیے نقصان دہ، تحقیق
ماہرین نے تجویز دی ہے کہ ایک دوہری نظام اپنایا جائے، جس میں پہلے مرحلے پر عمر کے تعین کے لیے ٹیکنالوجی استعمال کی جائے اور اگر شبہ ہو تو دوسرے مرحلے میں دستاویزات کے ذریعے حتمی تصدیق کی جائے۔
حکومت کے اعلان کے مطابق یہ پابندی دسمبر 2025 سے نافذالعمل ہوگی، جس کے بعد آسٹریلیا دنیا کا پہلا ملک ہوگا جو نابالغوں کے لیے سوشل میڈیا پر اس طرح کی پابندی عائد کرے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news آسٹریلیا انکشاف بچے پابندی رپورٹ سوشل میڈیا
ذریعہ
ذریعہ: WE News
کلیدی لفظ: ا سٹریلیا انکشاف بچے پابندی رپورٹ سوشل میڈیا سوشل میڈیا رپورٹ میں کے لیے
پڑھیں:
دوسرا ون ڈے: آسٹریلیا نے پاکستان کو جیت کیلئے 232 رنز کا ہدف دے دیا
تین ایک روزہ میچوں کی سیریز کے دوسرے میچ میں آسٹریلیا نے پاکستان کو جیت کے لیے 232 رنز کا ہدف دے دیا۔لاہور کے قذافی اسٹیڈیم میں کھیلے جارہے میچ میں پاکستان کے کپتان شاہین آفریدی نے ٹاس جیت کر آسٹریلیا کو پہلے بیٹنگ کی دعوت دی۔مہمان ٹیم نے پہلےکھیلتے ہوئے مقررہ 50 اوورز میں 9 وکٹ پر 231 رنز اسکور کیے۔آسٹریلیا کی جانب سے کیمرون گرین 53، جوش انگلس 51 اور میٹ رنشا 43 رنز بنا کر نمایاں رہے۔پاکستان کی جانب سے کپتان شاہین آفریدی نے 3 جب کہ حارث رؤف ، عرفات منہاس اور ابرار احمد نے 2،2 وکٹیں حاصل کیں۔پاکستان نے آسٹریلیا کے خلاف پہلا ون ڈے جیتنے والی ٹیم کو ہی برقرار رکھا ہے۔خیال رہے کہ پہلے ایک روزہ میچ میں پاکستان نے آسٹریلیا کو 5 وکٹ سے شکست دی تھی، تین ایک روزہ میچوں کی سیریز میں پاکستان کو ایک صفر کی برتری حاصل ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ