واٹس ایپ نے اسٹیکر تخلیق کرنا مزید آسان بنادیا
اشاعت کی تاریخ: 2nd, September 2025 GMT
واٹس ایپ نے ایک نیا فیچر متعارف کرایا ہے جس کے ذریعے صارفین اپنے ذاتی اسٹیکرز بنا کر براہِ راست اپنی کلیکشن میں محفوظ کر سکیں گے۔
ٹیکنالوجی ویب سائٹ ڈبلیو اے بیٹا انفو کے مطابق اس اپ ڈیٹ کے بعد صارفین کو اسٹیکر بناتے ہی فوراً چیٹ میں بھیجنے کی ضرورت نہیں رہے گی بلکہ وہ انہیں محفوظ کرکے بعد میں استعمال کرسکیں گے۔
یہ بھی پڑھیں: آئی فون پر واٹس ایپ استعمال کرنے والوں کے لیے بڑی خبر، اہم الرٹ جاری ہوگیا
یہ فیچر صارفین کو اجازت دیتا ہے کہ وہ اپنے اسٹیکرز کو موجودہ پیکس میں شامل کریں، نئے پیکس تیار کریں یا پھر انہیں فیورٹ میں رکھ کر فوری رسائی حاصل کریں۔
یہ اپ ڈیٹ خاص طور پر ان لوگوں کے لیے مددگار ہے جو اکثر اسٹیکرز تخلیق کرتے ہیں اور انہیں استعمال کرنے سے پہلے ایک کلیکشن میں ترتیب دینا چاہتے ہیں۔
فی الحال یہ سہولت اینڈرائیڈ کے بیٹا ورژن استعمال کرنے والے صارفین کے لیے دستیاب ہے، تاہم جلد ہی اسے مزید صارفین کے لیے متعارف کرایا جائے گا۔
یہ بھی پڑھیں: واٹس ایپ نے میک صارفین کے لیے نئے فلٹرز متعارف کرا دیے
گزشتہ چند دنوں میں واٹس ایپ نے کئی نئے فیچرز متعارف کرائے ہیں تاکہ صارفین کو بہتر اور نیا تجربہ فراہم کیا جاسکے۔ اس کے ساتھ ہی کمپنی ایک اور فیچر پر بھی کام کر رہی ہے جس کے تحت صارفین دیکھ سکیں گے کہ ان کے اسٹیٹس کو حال ہی میں کس نے دیکھا ہے۔
یہ فیچر انسٹاگرام کے انداز سے مشابہ ہوگا جس میں ناظرین کی چھوٹی پروفائل تصاویر اور کل ویو کاؤنٹ دکھایا جائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news اسٹیکرز چیٹ میٹا وابیٹا انفو واٹس ایپ.
ذریعہ
ذریعہ: WE News
کلیدی لفظ: اسٹیکرز چیٹ میٹا وابیٹا انفو واٹس ایپ واٹس ایپ نے کے لیے
پڑھیں:
حکومت مساجد و مدارس کی رجسٹریشن کے پروسس کو آسان بنائے، شاہ عبدالحق قادری
صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔ اسلام ٹائمز۔ جماعت اہلِ سنت پاکستان کراچی کے وفد نے حضرت علامہ سید شاہ عبد الحق قادری کی قیادت میں سندھ کے صوبائی وزیر مذہبی امور و اوقاف سید ریاض شاہ شیرازی سے ان کے دفتر میں ملاقات کی۔ ملاقات میں دینی امور، مساجد، مدارس، محکمہ اوقاف کے زیر انتظام مزاراتِ اولیائے کرام کی دیکھ بھال زائرین کو سہولیات کی فراہمی سے متعلق تفصیلی تبادلہ خیال کیا گیا۔ وفد میں سید رفیق شاہ، مفتی بلال قادری، مولانا جمیل احمد امینی، عبداللہ میمن اور شفیع رانا قادری بھی شامل تھے۔ وفد نے صوبائی وزیر کو کراچی سمیت سندھ بھر میں مساجد، مدارس اور مزارات کو درپیش مسائل سے آگاہ کیا اور مختلف تجاویز پیش کیں۔
شاہ عبد الحق قادری نے اس موقع پر کہا کہ حکومتی ادارے مساجد، مدارس کی رجسٹریشن کے پروسس کو آسان کریں۔ انہوں نے محکمہ اوقاف کی کارکردگی کو مزید مؤثر بنانے، انتظامی مسائل کے حل اور مسلسل رابطہ رکھنے کی ضرورت پر زور دیا۔ صوبائی وزیر مذہبی امور و اوقاف سید ریاض شاہ شیرازی نے وفد کا خیر مقدم کرتے ہوئے کہا کہ حکومت سندھ دینی اداروں، مساجد، مدارس اور مزارات کے مسائل کے حل کو اہمیت دیتی ہے اور اس حوالے سے تمام ممکنہ اقدامات کیے جا رہے ہیں۔ انہوں نے وفد کی جانب سے پیش کی گئی تجاویز کو قابلِ قدر قرار دیتے ہوئے یقین دہانی کرائی کہ ترجیحی بنیادوں پر مسائل کے حل کیلئے کام کیا جائے گا۔
بھارت سے جنگ اور افغانستان میں کارروائی خارج ازامکان نہیں، وزیردفاع