الیکشن کمیشن نے میئر کراچی مرتضیٰ وہاب کی اپیل بحال کر دی
اشاعت کی تاریخ: 3rd, September 2025 GMT
کراچی (نیوز ڈیسک) الیکشن کمیشن نے ڈسٹرکٹ مانیٹرنگ آفیسر (ڈی ایم او) کے فیصلے کے خلاف میئر کراچی مرتضیٰ وہاب کی اپیل بحال کر دی ہے۔
تفصیلات کے مطابق ممبر سندھ نثار درانی کی سربراہی میں تین رکنی کمیشن نے کیس کی سماعت کی۔ سماعت کے دوران مرتضیٰ وہاب کے وکیل نے مؤقف اختیار کیا کہ ڈی ایم او نے انہیں سنے بغیر فیصلہ سنایا اور نہ ہی کوئی نوٹس جاری کیا گیا۔ ان پر الزام لگایا گیا کہ انہوں نے انتخابی مہم کے دوران پریس کانفرنس کی، لیکن اپیل دائر کرنے کے باوجود ان کا مؤقف نہیں سنا گیا۔
الیکشن کمیشن حکام نے وضاحت دی کہ مرتضیٰ وہاب کی اپیل مقررہ وقت کے بعد دائر کرنے پر مسترد کی گئی تھی۔ اس پر ممبر پنجاب نے ریمارکس دیے کہ کمیشن نے بارہا انہیں طلب کیا لیکن وہ پیش نہیں ہوئے۔ وکیل نے مؤقف اختیار کیا کہ گزشتہ ہفتے کراچی میں شدید بارشوں کے باعث وہ پیش نہیں ہو سکے۔
ممبر پنجاب نے ریمارکس دیے کہ بارش تو اب ہوئی ہے، جبکہ کمیشن آپ کو ایک سال سے بلا رہا ہے۔ اگر اپیل بحال کی گئی تو یہ خدشہ نہ ہو کہ آپ دوبارہ کئی ماہ تک غیر حاضر رہیں گے۔
بعد ازاں الیکشن کمیشن نے مرتضیٰ وہاب کی اپیل بحال کرتے ہوئے کیس کی مزید سماعت 16 ستمبر تک ملتوی کر دی۔
Post Views: 6.ذریعہ: Daily Mumtaz
کلیدی لفظ: الیکشن کمیشن اپیل بحال
پڑھیں:
میئر نے نیشنل ہائی وے تک فلائی اوور منصوبے کا سنگ بنیاد رکھ دیا
data-id="863a0a8" data-element_type="widget" data-widget_type="theme-post-content.default">
کراچی (اسٹاف رپورٹر) میئر کراچی بیرسٹر مرتضیٰ وہاب نے 1.6 ارب روپے کی لاگت سے نیشنل ہائی وے تک فلائی اوور منصوبے کا سنگ بنیاد رکھ دیا، اس موقع پر ڈپٹی میئر کراچی سلمان عبداللہ مراد، سٹی کونسل میں ڈپٹی پارلیمانی لیڈر دل محمد، ٹاؤن ممبر و پارلیمانی لیڈر ابراہیم حیدری ٹاؤن سردار اختر عارفانی، چیئرمین یوسی۔3 کیٹل کالونی جاوید اقبال کاکو، رسول خان سواتی اور دیگر منتخب نمائندے بھی موجود تھے، میئر کراچی نے تقریب سے خطاب کرتے ہوئے کہا کہ یہ فلائی اوور خالد بن ولید روڈ پر ریلوے لائن کے اوپر تعمیر کیا جائے گا جو 5 -N کو مہران ہائی وے سے جوڑے گا، یہ اہم ترقیاتی منصوبہ 100 دن میں مکمل کیا جائے گا جس سے لاکھوں شہریوں کو سفری سہولت حاصل ہوگی، برساتی پانی کی نکاسی کے لیے ایک میٹر چوڑی لائن بھی بچھائی جائے گی تاکہ بارشوں کے دوران شہریوں کو مشکلات کا سامنا نہ ہو، شہر میں جدید انفرا اسٹرکچر کی فراہمی ہماری اولین ترجیح ہے اور اس منصوبے پر کام کا آغاز کراچی کو جدید شہر بنانے کی سمت ایک بڑا قدم ہے۔ شہریوں کو ان ترقیاتی منصوبوں کے ثمرات جلد حاصل ہوں گے اور ٹریفک کی روانی اور سفر میں آسانی کے لیے اس قسم کے اقدامات جاری رکھیں گے۔ بھینس کالونی سے مہران ہائی وے کے درمیان فلائی اوور کی تعمیر بھی اسی سلسلے کی ایک کڑی ہے جو شہریوں کے لیے سفر کو مزید آسان بنائے گی۔
آج کا دن کیسا رہے گا؟