’غزہ کو بھوکا مت مارو‘: کاسمیٹکس برانڈ لش کا انوکھا احتجاج
اشاعت کی تاریخ: 4th, September 2025 GMT
برطانوی کاسمیٹکس ریٹیلر لش نے غزہ میں بھوک اور انسانی بحران کے خلاف احتجاج کرتے ہوئے برطانیہ میں اپنی تمام دکانیں، فیکٹریاں اور ویب سائٹ ایک دن کے لیے بند کردیں۔
بدھ کو کمپنی کی ویب سائٹ اور دکانوں کی کھڑکیوں پر یہ اعلان نمایاں کیا گیا کہ ’غزہ کو بھوکا مت مارو، ہم یکجہتی کے طور پر بند ہیں‘ دوسری جانب لندن کی آکسفورڈ اسٹریٹ پر واقع کمپنی کا مرکزی اسپا گوگل میپس پر’عارضی طور پر بند‘ ظاہر ہوتا رہا۔
BREAKING: The cosmetics company Lush has closed its UK shops, website and factories for the day "in solidarity with Gaza".
Sky's @ashnahurynag has more on this story.https://t.co/TC2ROCL7wW
???? Sky 501, Virgin 602, Freeview 233 and YouTube pic.twitter.com/ptRMrxi5Ti
— Sky News (@SkyNews) September 3, 2025
مقامی ریڈیو کو انٹرویو دیتے ہوئے کمپنی کے شریک بانی مارک کانسٹنٹائن نے کہا کہ اس اقدام سے تقریباً 3 لاکھ پاؤنڈز کا نقصان ہوگا۔ تاہم انہوں نے اس فیصلے کی حمایت کرتے ہوئے کہا یہ بہتر ہوگا کہ ہم منافع کے بجائے غزہ کے لیے خوراک خرید سکیں۔
کمپنی کے بیان میں صارفین سے معذرت کرتے ہوئے کہا گیا ہے کہ ’ہمارے کئی صارفین غزہ کی صورتحال پر ویسی ہی تشویش رکھتے ہیں جیسی ہم رکھتے ہیں۔‘
مزید پڑھیں:
بیان میں برطانوی حکومت سے مطالبہ کیا گیا ہے کہ وہ ’قتل و غارت بند کرے، اسرائیل کو اسلحہ فروخت روک دے اور انسانی بحران ختم کرے۔‘
کمپنی نے یہ بھی کہا کہ آج برطانوی حکومت لش سے ایک دن کا ٹیکس ریونیو بھی کھو رہی ہے۔
لش نے 2024 میں 102 ملین مصنوعات تیار کیں اور اس کی آمدنی 690 ملین پاؤنڈز رہی، کمپنی کے دنیا بھر میں 869 اسٹورز ہیں جن میں سب سے زیادہ برطانیہ میں ہیں۔
کمپنی کا فلسطین کے لیے فنڈ ریزنگ پروڈکٹ ’واٹر میلن سلائس صابن‘ اس کی تاریخ کا سب سے کامیاب پروڈکٹ ثابت ہوا ہے، جس سے حاصل شدہ منافع غزہ اور مغربی کنارے میں بچوں کی ذہنی صحت کی سہولیات پر خرچ کیا جاتا ہے۔
Lush are selling a watermelon soap and all the profits will be used to provide mental health services and trauma counselling to children in Gaza and the West Bank. Well done @LushLtd ???????? pic.twitter.com/uSoj7xe3Sa
— Salma (@ablasalma) July 18, 2024
لش ماضی میں بھی مختلف سماجی اور سیاسی مسائل پر موقف اختیار کر چکی ہے، 2018 میں اس نے ’ہیش ٹیگ اسپائی کاپس‘ مہم چلائی تھی تاکہ برطانیہ میں خفیہ پولیس کے مبینہ غلط استعمال کو اجاگر کیا جا سکے۔
مزید پڑھیں:
2021 میں اس نے کچھ سوشل میڈیا ایپس کا بائیکاٹ بھی کیا تھا کیونکہ ان کے اثرات نوجوانوں کی جسمانی شبیہ پر منفی سمجھے گئے۔
کمپنی نے ماحولیاتی مہمات جیسے ’روڈ بلاک‘ اور ’کلیئر دا اسکائیز‘ کو بھی براہِ راست رقوم دیں، تاہم اکتوبر 2023 میں ڈبلن کی ایک دکان پر ’بائیکاٹ اسرائیل‘ کا پوسٹر لگانے کی یہ کہہ کر مخالفت کی تھی کہ یہ کمپنی کے اصول ’سب خوش آمدید‘ کے مطابق نہیں ہے۔
کمپنی کے ترجمان نے میڈیا کو بتایا کہ اس احتجاجی بندش کے دن بھی ملازمین کو تنخواہ دی جا رہی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
برطانیہ سلائس صابن غزہ فلسطین فنڈ ریزنگ پروڈکٹ کاسمیٹکس لش واٹر میلن یکجہتیذریعہ: WE News
کلیدی لفظ: برطانیہ سلائس صابن فلسطین فنڈ ریزنگ پروڈکٹ کاسمیٹکس واٹر میلن یکجہتی کمپنی کے کے لیے
پڑھیں:
پاک سوزوکی کا ’ایوری وی ایکس آر‘ پر 3 لاکھ 50 ہزار روپے کی رعایت کا اعلان
پاک سوزوکی موٹر کمپنی نے اپنی مقبول منی وین سوزوکی ایوری وی ایکس آر (Every VXR) پر محدود مدت کے لیے 3 لاکھ 50 ہزار روپے کی نقد رعایت کا اعلان کر دیا ہے۔
کمپنی کے مطابق رعایت کے بعد گاڑی کی ایکس فیکٹری قیمت 26 لاکھ 15 ہزار 200 روپے ہو گئی ہے، جس سے یہ خاندانوں اور چھوٹے کاروباروں کے لیے ایک زیادہ معاشی اور عملی آپشن بن گئی ہے۔
یہ بھی پڑھیے: پاک سوزوکی موٹر کمپنی نے تمام گاڑیوں کی قیمتوں میں کتنا اضافہ کردیا؟
یہ پیشکش صرف ایوری وی ایکس آر ویریئنٹ پر لاگو ہوگی، اور اس رعایتی آفر کے تحت بکنگ ملک بھر کے مجاز شورومز پر شروع کر دی گئی ہے۔ کمپنی نے بتایا کہ یہ محدود مدت کی پیشکش ہے، لہٰذا صارفین کو مشورہ دیا گیا ہے کہ وہ اس موقع سے بروقت فائدہ اٹھائیں۔
سوزوکی ایوری وی ایکس آر میں 5-اسپیڈ مینوئل ٹرانسمیشن اور 2ڈبلیو ڈی ڈرائیو سسٹم موجود ہے، جو بہتر فیول ایوریج اور مستحکم کارکردگی فراہم کرتا ہے۔
محفوظ ڈرائیونگ کے لیے گاڑی میں ڈوئل فرنٹ ایئر بیگز، اے بی ایس کے ساتھ ای بی ڈی، اموبیلائزر، سیکیورٹی الارم اور فرنٹ سیٹ بیلٹ پری ٹینشنرز شامل ہیں۔ اس کے علاوہ چائلڈ لاک، فرنٹ وائپرز، اور ہیڈ امپیکٹ پروٹیکشن انٹیریئر بھی فراہم کیا گیا ہے۔
یہ بھی پڑھیے: سندھ میں گاڑیوں کی نمبر پلیٹس کی تبدیلی کی تاریخ میں ایک بار پھر توسیع
اندرونی سہولیات میں مینول ایئر کنڈیشننگ (اینٹی بیکٹیریل فلٹر کے ساتھ)، پاور اسٹیئرنگ، سینٹرل لاکنگ، مینول ریٹریکٹ ایبل مررز اور فولڈنگ سیٹس شامل ہیں، جو کارگو اسپیس کو زیادہ لچکدار بناتی ہیں۔
کمپنی کا کہنا ہے کہ یہ آفر بجٹ کے لحاظ سے حساس صارفین کو متوجہ کرنے کی حکمتِ عملی کا حصہ ہے، تاہم شرائط و ضوابط لاگو ہوں گے، اور یہ رعایت صرف محدود وقت کے لیے دستیاب ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
سوزوکی قیمت گاڑی
وفاقی محتسب نے اردو یونیورسٹی کے وائس چانسلر کے بیانات کو صنفی امتیاز قرار دے دیا