چین کی شمالی کوریا اور روس کے ساتھ ملکر امریکا کےخلاف سازش کی تردید
اشاعت کی تاریخ: 4th, September 2025 GMT
چین نے روسی صدر ولادیمیر پیوٹن اور شمالی کوریا کے رہنما کم جونگ اُن کو دوسری جنگِ عظیم کی 80ویں سالگرہ کی یادگاری تقریبات میں شرکت کی دعوت دینے کے فیصلے کا دفاع کرتے ہوئے امریکی سابق صدر ڈونلڈ ٹرمپ کی تنقید کو مسترد کر دیا ہے۔
فرانسیسی خبر رساں ادارے کے مطابق، ڈونلڈ ٹرمپ نے ’ٹروتھ سوشل‘ پر ایک تند و تیز پوسٹ میں چینی صدر شی جن پنگ کو مخاطب کرتے ہوئے لکھا کہ میری طرف سے پیوٹن اور کم جونگ اُن کو گرم جوشی سے سلام کہہ دیجیے، جب آپ امریکا کے خلاف سازش میں مصروف ہوں۔
اس بیان پر ردعمل دیتے ہوئے چین کی وزارتِ خارجہ کے ترجمان گو جیاکن نے واضح کیا کہ پیوٹن اور کم کو مدعو کرنے کا مقصد “امن دوست اقوام کے ساتھ مل کر تاریخ کو یاد کرنا، شہدا کو خراجِ عقیدت پیش کرنا اور مشترکہ مستقبل کے لیے کام کرنا ہے۔” ان کا کہنا تھا کہ یہ اقدام کسی بھی تیسرے ملک کے خلاف نہیں ہے۔
ترجمان گو جیاکن نے کہا کہ چین کے دنیا کے ممالک سے تعلقات کی بنیاد تعاون اور احترام پر ہے، اور چین کی خارجہ پالیسی محاذ آرائی کے بجائے شراکت داری پر یقین رکھتی ہے۔
دوسری جانب، یورپی یونین کی اعلیٰ سفارتکار کاجا کالاس نے دعویٰ کیا کہ پیوٹن، کم جونگ اُن اور شی جن پنگ کا ایک ساتھ آنا “مغرب مخالف نئے عالمی نظام کی تشکیل” کا عندیہ ہے، جو موجودہ عالمی اصولوں کے لیے خطرہ ہے۔
اس پر چین نے زیادہ سخت مؤقف اپنایا۔ گو جیاکن نے کاجا کالاس کے بیان کو “نظریاتی تعصب سے بھرا ہوا، تاریخی شعور سے خالی اور اشتعال انگیز” قرار دیا۔
کے مینڈک نہ بنیں” چینی ترجمان نے کہاکہ ہم امید کرتے ہیں کہ بعض یورپی رہنما تعصب اور تکبر کو ترک کریں گے، اور ایسے اقدامات سے گریز کریں گے جو دنیا میں تناؤ کے بجائے امن اور تعاون کو فروغ دیں۔
ذریعہ
ذریعہ: Daily Mumtaz
پڑھیں:
کراچی میں شہریوں کی رہنمائی کیلیے روڈ سیفٹی آفیسر یونٹ قائم کرنے کرنا کا فیصلہ
ٹریفک پولیس کی جانب سے شہریوں کے لیے ’’روڈ سیفٹی آفیسر یونٹ‘‘ کے قیام کا فیصلہ کیا گیا ہے۔
تفصیلات کے مطابق ٹریفک پولیس نے شہریوں کو بہتر سہولیات کی فراہمی، روڈ سیفٹی کے فروغ اور عوام دوست پولیسنگ کے وژن کو مزید مؤثر بنانے کے لیے "روڈ سیفٹی آفیسر یونٹ" قائم کرنے کا فیصلہ کیا ہے۔
روڈ سیفٹی آفیسرز شہر کی اہم اور مصروف شاہراہوں بشمول شاہراہ فیصل ، ماڑی پور روڈ ، کورنگی روڈ اور شاہراہ لیاقت پر تعینات کیے جائیں گے جہاں وہ ٹریفک کی روانی کو بہتر بنانے، شہریوں کو متبادل راستوں اور سفری سہولیات سے متعلق معلومات فراہم کرنے اور بروقت مدد کے فرائض انجام دیں گے۔
ترجمان کے مطابق یونٹ کے قیام سے شہریوں کو محفوظ سفری ماحول میں رہنمائی ملے گی ، یہ یونٹ شہریوں اور ٹریفک پولیس کے درمیان رابطے کو مضبوط بنانے کے ساتھ ساتھ دوران سفر پیش آنے والی مشکلات کے فوری حل اور مؤثر رہنمائی میں اہم کردار ادا کریگا۔
یونٹ کا مقصد ٹریفک قوانین ، روڈ سیفٹی اقدامات اور ذمہ دارانہ طرز ڈرائیونگ کے حوالے سے عوامی شعور اجاگر اور اس میں مزید اضافہ کرنا ہے۔
منشیات و اسلحہ برآمدگی کیس: صحافی مطیع اللہ جان پر فرد جرم عائد کرنے کا فیصلہ