ایئر چیف سے کمانڈر یو اے ای نیول فورسز کی ملاقات، دفاعی تعاون بڑھانے پر اتفاق
اشاعت کی تاریخ: 8th, September 2025 GMT
متحدہ عرب امارات کی نیول فورسز کے کمانڈر میجر جنرل حمید محمد عبداللہ الرمیثی نے ایئر ہیڈ کوارٹرز اسلام آباد میں پاک فضائیہ کے سربراہ ایئر چیف مارشل ظہیر احمد بابر سدھو سے ملاقات کی، جس میں دفاعی تعاون بڑھانے پر اتفاق کیا گیا۔
پاک فوج کے شعبہ تعلقات عامہ (آئی ایس پی آر) کے مطابق ملاقات میں علاقائی سلامتی کی بدلتی ہوئی صورتِ حال پر تبادلہ خیال کیا گیا، جبکہ دونوں جانب سے باہمی تربیتی پروگراموں اور عسکری سطح پر تعاون کے نئے امکانات پر غور کیا گیا۔
یہ بھی پڑھیں: یو اے ای نیول کمانڈر کی چیئرمین جوائنٹ چیفس آف اسٹاف سے ملاقات، دفاعی امور پر تبادلہ خیال
اس موقع پر ایئر چیف مارشل ظہیر احمد بابر سدھو نے پاک فضائیہ کو ایک جدید، تیز اور ٹیکنالوجی پر مبنی قوت میں ڈھالنے کے ویژن پر روشنی ڈالی۔ انہوں نے سائبر، اسپیس، مصنوعی ذہانت، الیکٹرانک وار فیئر اور ایرو اسپیس کے شعبوں میں جدید اپ گریڈیشن پروگرامز کا ذکر کیا۔
ایئر چیف نے پاکستان اور یو اے ای کے مابین گہرے مذہبی و تاریخی تعلقات کو اجاگر کرتے ہوئے کہاکہ پاکستان یو اے ای کے ساتھ فوجی تعاون، خاص طور پر تربیت اور مشترکہ مشقوں کے شعبے میں مزید وسعت دینے کا خواہاں ہے۔
کمانڈر یو اے ای نیول فورسز نے ایئر چیف کی جانب سے پرتپاک استقبال اور مہمان نوازی پر شکریہ ادا کیا اور پاک فضائیہ کے مقامی سطح پر تیار کردہ نظام، خودانحصاری اور ٹیکنالوجی کے فروغ کی پالیسی کو سراہا۔
انہوں نے کہا کہ پی اے ایف کی آپریشنل تیاری اور تکنیکی ترقی نے اُسے خطے کی ایک مؤثر قوت بنا دیا ہے۔
انہوں نے پاکستان ایئر فورس کے کثیرالجہتی جنگی تجربے سے استفادہ حاصل کرنے میں یو اے ای کی گہری دلچسپی کا اظہار کیا۔
انہوں نے اس بات پر زور دیا کہ پی اے ایف کا آزمودہ آپریشنل فریم ورک اور جنگی حکمت عملی علاقائی اور عالمی شراکت داروں کے لیے بے حد اہمیت رکھتی ہے۔
کمانڈر یو اے ای نے پی اے ایف کے ساتھ مشترکہ مشقوں کے انعقاد کی خواہش کا اظہار کرتے ہوئے کہاکہ اس سے نہ صرف باہمی سیکھنے کا عمل ممکن ہو گا بلکہ آپریشنل ہم آہنگی اور استعدادِ کار میں بھی اضافہ ہو گا۔
انہوں نے یہ بھی بتایا کہ یو اے ای ایئر فورس پاکستان میں تربیتی پروگراموں میں حصہ لینے کی خواہاں ہے، جسے دونوں ممالک کے برادرانہ تعلقات کو مزید مضبوط بنانے کا سنگِ میل قرار دیا۔
یہ بھی پڑھیں: ایتھوپین فضائیہ کے کمانڈر کا ایئر ہیڈکوارٹرز کا دورہ، ایئرچیف سے ملاقات، دوطرفہ تعاون پر اتفاق
چیف آف ایئر اسٹاف اور یو اے ای نیول فورسز کے کمانڈر کے مابین یہ ملاقات دونوں ممالک کی مسلح افواج کے درمیان مشترکہ چیلنجز سے نمٹنے کے عزم اور دفاعی تعاون کو مزید مستحکم بنانے کے جذبے کی عکاس ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
wenews ایئر چیف مارشل دفاعی تعاون ظہیر احمد بابر سدھو متحدہ عرب امارات ملاقات وی نیوز.
ذریعہ
ذریعہ: WE News
کلیدی لفظ: ایئر چیف مارشل دفاعی تعاون ظہیر احمد بابر سدھو متحدہ عرب امارات ملاقات وی نیوز دفاعی تعاون نیول فورسز ایئر چیف انہوں نے
پڑھیں:
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال
وزیراعظم سے چینی کمپنی کے وفد کی ملاقات، غذائی تحفظ کے منصوبوں پر تبادلہ خیال WhatsAppFacebookX 0 23 July, 2026 سب نیوز
اسلام آباد(آئی پی ایس ) وزیراعظم محمد شہباز شریف سے چین کی معروف کمپنی فیمسن کے چیف ایگزیکٹو افسر جیک چین کی قیادت میں وفد نے ملاقات کی، جس میں پاکستان میں غذائی تحفظ، جدید زرعی ٹیکنالوجی اور فوڈ اسٹوریج کے منصوبوں پر تبادلہ خیال کیا گیا۔
وزیراعظم نے چینی وفد کو پاکستان آمد پر خوش آمدید کہتے ہوئے کہا کہ پاکستان اور چین مثالی دوست ہیں، جن کے درمیان معاشی شراکت داری اور دوستانہ تعلقات وقت کے ساتھ مزید مضبوط ہو رہے ہیں۔ انہوں نے کہا کہ دونوں ممالک کے درمیان بزنس ٹو بزنس تعاون سے یہ دوستی مزید مستحکم ہوگی۔شہباز شریف نے فیمسن کی جانب سے پاکستان میں اجناس کے اسٹوریج مراکز کو جدید اسٹیٹ آف دی آرٹ مراکز میں تبدیل کرنے کے منصوبے کا خیرمقدم کرتے ہوئے کہا کہ اس سے زرعی شعبے میں جدید ٹیکنالوجی متعارف ہوگی، غذائی تحفظ میں بہتری آئے گی اور تجارتی سرگرمیوں کو فروغ ملے گا۔
وزیراعظم نے ہدایت کی کہ ان منصوبوں میں پاکستان کی افرادی قوت کی ہنرمندی اور پیشہ ورانہ تربیت کو بھی شامل کیا جائے تاکہ مقامی افرادی قوت جدید زرعی ٹیکنالوجی سے مستفید ہو سکے۔فیمسن کے چیف ایگزیکٹو جیک چین نے پرتپاک میزبانی پر وزیراعظم اور حکومت پاکستان کا شکریہ ادا کرتے ہوئے بتایا کہ وزیراعظم کے حالیہ دور چین کے دوران ہونے والی ملاقات کے نتیجے میں وہ پاکستان آئے ہیں تاکہ غذائی تحفظ سے متعلق قابلِ عمل منصوبوں کو آگے بڑھایا جا سکے۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookX پچھلی خبرپراسیکیوٹر جنرل کی تعیناتی اسلام آباد بار سے ہو گی:اعظم نذیر تارڑ اگلی خبرلاہور ہائی کورٹ کا اہم فیصلہ: ہا ئوسنگ سوسائٹیوں کے پارک، اسکول اور مسجد کی زمین فروخت نہیں کی جا سکتی پاکستان میں اسمارٹ فون کا استعمال 62 سے بڑھ کر 72 فیصد تک پہنچ گیا، وزیراعظم کو بریفنگ پاکستان کو درپیش خطرات کا باعث بننے والے دہشتگردوں اور ان کے سہولتکاروں کا ہر قیمت پر خاتمہ کیا جائے گا، فیلڈ مارشل سید... صدر ٹرمپ کی پالیسی آنکھ کے بدلے سرکی ہے، ایران کو ہر گزرتی رات کیساتھ بھاری قیمت چکانا ہوگی: مارکو روبیو کا انتباہ ٹرمپ نے سعودی عرب سے سول جوہری معاہدے کو معاہدہ ابراہیمی میں شمولیت سے مشروط کردیا آزاد کشمیر کے شہر میرپور میں 45 روز بعد موبائل فون اور انٹرنیٹ سروس بحال ہونا شروع امریکا کی جانب سے ایران پر بمباری کیلئے برطانوی ائیربیس کا استعمال، پاسداران انقلاب کی برطانیہ کو سخت ردعمل کی دھمکیCopyright © 2026, All Rights Reserved
رابطہ کریں ہماری ٹیم
سپریم کورٹ کا تاریخی فیصلہ، پولیس ریکارڈ سے ذات برادری کا خاتمہ لازم قرار