پنجاب حکومت کی گرین ای ٹیکسی اسیکم کیا ہے، کون اپلائی کرسکتا ہے؟
اشاعت کی تاریخ: 13th, September 2025 GMT
پنجاب حکومت کا گرین ای ٹیکسی پلان 2025 نوجوانوں کے لیے روزگار اور ماحول دوست ٹرانسپورٹ میں ایک نیا انقلاب لانے جارہا ہے۔
یہ بھی پڑھیں: لاہور میں مرد و خواتین کو ای ٹیکسیاں بلاسود قرضوں پر دی جائیں گی، وزیر ٹرانسپورٹ بلال اکبر خان
اس اسکیم کے تحت اہل افراد کو آسان اقساط پر الیکٹرک اور ہائبرڈ ٹیکسیاں فراہم کی جائیں گی۔
یہ منصوبہ نہ صرف نوجوانوں کو پائیدار روزگار کے مواقع فراہم کرے گا بلکہ صوبے میں ماحول دوست ٹرانسپورٹ کو فروغ دے کر ماحولیاتی آلودگی میں کمی لائے گا۔
صوبائی وزیر برائے ٹرانسپورٹ بلال اکبر خان کے مطابق پہلے مرحلے میں 1،100 ای ٹیکسیاں آسان اور بغیر سود اقساط کی فراہم کی جائیں گی جن میں 30 فیصد کوٹہ خواتین کے لیے مختص کیا گیا ہے تاکہ ہر طبقے سے تعلق رکھنے وا لے افراد اس کا فائدہ اٹھا سکیں۔
مزید پڑھیے: وزیراعلیٰ مریم نوازشریف کا ’میگنیفیسنٹ پنجاب‘ میگا ٹورسٹ منصوبہ کیا ہے؟
دیوان موٹرز کے ساتھ شراکت داری کی جائے گی اور ہونری VC20 اور VC30 ماڈلز دیے جائیں گے جن کی بیٹری رینج بالترتیب 200 کلومیٹر اور 300 کلومیٹر فی چارج ہوگی۔
لاہور میں ہر 5 سے 7 کلومیٹر پر چارجنگ اسٹیشنز قائم کیے جائیں گے۔
ڈاؤن پیمنٹ کتنی دینی ہوگی؟اس منصوبے کے تحت حکومت 65 لاکھ روپے کا بغیر سود قرض دے گی جبکہ گاڑی حاصل کرنے کے لیے 18 سے 20 لاکھ روپے کی ڈاؤن پیمنٹ دینی ہوگی جس پر حکومت کی طرف سے مزید معاونت پر غور کیا جا رہا ہے۔ اس قرض کی ماہانہ قسط 55 سے 60 ہزار روپے کے درمیان ہوگی۔
اہلیت کا معیاراسکیم میں شامل ہونے کے لیے لازمی ہوگا کہ درخواست گزار پاکستانی شہری ہو اور اس کا پنجاب کا ڈومیسائل ہو۔ عمر21 سے 45 سال کے درمیان ہو کمپیوٹرائزڈ قومی شناختی کارڈ اور ڈرائیونگ لائسنس ہو جس کی معیاد ختم نہ ہوئی ہو۔ پاسپورٹ سائز فوٹو، ڈومیسائل یا یوٹیلیٹی بل ایڈریس کی تصدیق کے لیے اور بینک اکاؤنٹ کی تفصیلات جمع کروانی ہوں گی۔
مزید پڑھیں: اسلام آباد اور راولپنڈی کے درمیان ریل کار چلانے کی تیاری، وزیراعظم نے حکام کو کیا ہدایات کیں؟
یہ اسکیم کم آمدنی والے افراد کے لیے ہے۔ زیادہ آمدنی والے یا مجرمانہ ریکارڈ رکھنے والے افراد اس اسیکم کے لیے اہل نہیں ہوں گے۔
ایک سے زیادہ گاڑیوں کے خواہشمند افراد کو این ٹی این یا کاروباری معلومات فراہم کرنی ہوں گی۔
درخواست دینے کا طریقہ کارآن لائن رجسٹریشن سرکاری پورٹل پر قومی شناختی کارڈ اور فون نمبر کے ذریعے رجسٹریشن کرنی ہوگی۔ ون ٹائم پاسورڈ کے ذریعے رجسٹریشن کی تصدیق ہوگی۔
دستاویزات کی منظوری کے بعد کامیاب امیدوار بینک کے عمل کو مکمل کرے گا اور ٹیکسی کی حوالگی کا شیڈول حاصل کرے گا۔
یہ بھی پڑھیے: پنجاب میں تاریخی ریسکیو آپریشن، وزیر اعلیٰ مریم نواز کی جانب سے بڑے ریلیف پیکج کا اعلان متوقع
پنجاب حکومت نے تمام خواہشمند امیدواروں سے درخواست کی ہے کہ وہ جلد از جلد درخواستیں جمع کرائیں کیوں کہ اسکیم کی آخری تاریخ کا اعلان سرکاری پورٹل پر جلد کیا جائے گا۔
یہ منصوبہ نہ صرف روزگار کے مواقع پیدا کرے گا بلکہ صوبے کو ماحولیاتی تحفظ کی جانب ایک اہم قدم آگے بڑھائے گا۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
ای ٹیکسی اسکیم پنجاب پنجاب میں روزگار ماحول دوست ٹرانسپورٹ نوجوانوں کے لیے روزگار.ذریعہ: WE News
کلیدی لفظ: ای ٹیکسی اسکیم پنجاب میں روزگار ماحول دوست ٹرانسپورٹ نوجوانوں کے لیے روزگار کے لیے کرے گا
پڑھیں:
دبئی میں ملازمت کے متلاشی افراد کے لیے خصوصی ویزا کا اجرا، کفیل کی ضرورت نہیں ہوگی
دبئی میں کام کے خواہشمند افراد کے لیے متحدہ عرب امارات نے ایک خصوصی ویزا متعارف کرایا ہے۔
نئے ویزے کے تحت ملازمت تلاش کرنے والے افراد 60، 90 یا 120 دن تک ملک میں قیام کر کے روزگار کے مواقع تلاش کرسکتے ہیں۔ اس ویزے کے لیے کسی مقامی کفیل کی ضرورت نہیں ہوگی۔
یہ بھی پڑھیے: متحدہ عرب امارات اس سال 10 لاکھ ملازمتیں فراہم کرے گا
یہ ویزا اپریل 2022 میں نافذ کیے گئے نئے ویزا نظام کا حصہ ہے جس کا مقصد ہنرمند پیشہ ور افراد اور نوجوان ٹیلنٹ کو متحدہ عرب امارات کی جانب راغب کرنا ہے۔ ’جاب ایکسپلوریشن انٹری ویزا‘ کے ذریعے درخواست گزار نوکری حاصل کرنے سے قبل ہی متحدہ عرب امارات (یو اے ای) میں قیام کر کے مارکیٹ کا جائزہ لے سکیں گے۔
اس ویزے کے لیے اہل امیدواروں میں وہ افراد شامل ہیں جو وزارت افرادی قوت و امارات کے منظور شدہ پیشہ ورانہ درجہ بندی میں پہلے، دوسرے یا تیسرے درجے کے ہنر مند ورکرز کے زمرے میں آتے ہوں۔ اس کے ساتھ ساتھ درخواست دہندگان کے پاس کم از کم بیچلرز ڈگری ہونا ضروری ہے۔
درخواست دینے کا طریقہ کار نہایت آسان ہے۔ امیدوار جنرل ڈائریکٹوریٹ آف ریزیڈنسی اینڈ فارنرز افیئرز کی ویب سائٹ gdrfad.gov.ae/en کے ذریعے آن لائن اپلائی کر سکتے ہیں۔ آن لائن فارم پر ذاتی معلومات، پاسپورٹ اور تعلیمی اسناد اپ لوڈ کرنے کے بعد مقررہ فیس ادا کرنا ہوگی۔
یہ بھی پڑھیے: متحدہ عرب امارات: وزٹ ویزا ہولڈرز کو ملازمت فراہم کرنیوالی کمپنیوں کیخلاف کریک ڈاؤن
ویزے کے اخراجات اس کی مدت کے مطابق ہیں۔ 60 دن کا ویزا 200 درہم، 90 دن کا 300 درہم جبکہ 120 دن کا ویزا 400 درہم میں جاری کیا جاتا ہے۔ اس کے علاوہ ایک ہزار درہم سکیورٹی ڈپازٹ، وارنٹی سروس فیس اور دیگر معمولی چارجز بھی وصول کیے جاتے ہیں۔ اگر کوئی امیدوار یو اے ای کے اندر سے اپلائی کرے تو اضافی فیس بھی لاگو ہوگی۔
متعلقہ حکام نے واضح کیا ہے کہ اس ویزے کے بارے میں فراہم کردہ معلومات عمومی ہیں۔ درست اور تازہ ترین رہنمائی کے لیے امیدواروں کو براہ راست جنرل ڈائریکٹوریٹ آف ریزیڈنسی اینڈ فارنرز افیئرز دبئی یا فیڈرل اتھارٹی فار آئیڈنٹٹی، سٹیزن شپ، کسٹمز اینڈ پورٹ سکیورٹی سے رابطہ کرنے کی ہدایت کی گئی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
جابز دبئی ملازمت ویزا یو اے ای
باغ میں ڈیجیٹل انقلاب، نوجوانوں کی خودکفالت میں سافٹ ویئر ہاؤس کا اہم کردار