برطانوی شہزادہ ہیری اچانک یوکرین کیوں پہنچے؟
اشاعت کی تاریخ: 13th, September 2025 GMT
برطانوی شہزادہ ہیری نے اپنے حالیہ غیر ملکی دورے کے دوران اچانک یوکرین کا دورہ کر کے سب کو حیران کر دیا۔
اس سے قبل وہ لندن پہنچے تھے جہاں ایک سال سے زائد عرصے بعد اپنے والد بادشاہ چارلس سے ملاقات کی۔ اس کے بعد وہ جمعے کو یوکرین کے دارالحکومت کیف روانہ ہوئے جہاں انہوں نے زخمی فوجیوں سے اظہارِ یکجہتی کیا۔
یہ بھی پڑھیے: میگھن مارکل نے شہزادہ ہیری اور بادشاہ چارلس کی صلح پر پانی پھیر دیا
ایسوسی ایٹڈ پریس کے مطابق شہزادہ ہیری کی مخصوص مصروفیات سیکیورٹی وجوہات کی بنا پر ظاہر نہیں کی گئیں۔ تاہم ان کا کہنا تھا کہ وہ نیشنل میوزیم آف دی ہسٹری آف یوکرین اِن دا سیکنڈ ورلڈ وار کا دورہ کریں گے تقریباً 200 سابق فوجیوں اور یوکرین کی وزیراعظم یولیا سویریدینکو سے بھی ملیں گے۔
شہزادہ ہیری نے کہا کہ ہم جنگ کو روک تو نہیں سکتے لیکن ہم بحالی کے عمل میں بھرپور کردار ادا کر سکتے ہیں۔ ہمیں ان لوگوں کی کہانی دنیا کے سامنے لانی ہے جو جنگ کا سامنا کر رہے ہیں تاکہ یہ معاملہ پس منظر میں نہ چلا جائے۔
یہ یوکرین پر روسی حملے کے بعد ہیری کا دوسرا دورہ ہے۔ اس سے قبل وہ اپریل 2022 میں مغربی شہر لیوو گئے تھے جہاں انہوں نے ‘سُپرہیومنز ٹراما سینٹر’ کا دورہ کیا اور جنگ متاثرین کی بحالی کے کام کو سراہا۔ اسی دوران ادارے کی سی ای او اولگا رودنیوا سے ملاقات کے بعد انہیں کیف آنے کی دعوت دی گئی۔
یہ بھی پڑھیے: برطانوی میڈیا گروپ نے شہزادہ ہیری سے معافی کیوں مانگی؟
شہزادہ ہیری نے بتایا کہ اس دورے سے قبل انہوں نے اپنی اہلیہ میگھن مارکل اور برطانوی حکومت دونوں سے اجازت لی۔ ان کا کہنا تھا کہ لیوو میں جنگ کے اثرات کم نظر آتے ہیں کیونکہ وہ مغرب میں ہے۔ لیکن اس بار ہمیں پہلی مرتبہ جنگ کی اصل تباہ کاریاں دیکھنے کا موقع ملے گا۔
یوکرین روانگی سے قبل شہزادہ ہیری نے لندن میں اپنے والد بادشاہ چارلس سے ملاقات کی اور ایک نجی ٹی پارٹی میں وقت گزارا۔ بعد ازاں صحافیوں کے سوال پر انہوں نے بتایا کہ والد کی طبیعت بالکل ٹھیک ہے، شکر ہے۔
شہزادہ ہیری نے اپنی دادی ملکہ الزبتھ دوم کی تیسری برسی پر ونڈزر جا کر ان کی قبر پر پھول بھی چڑھائے۔
یاد رہے کہ حالیہ برسوں میں شہزادہ ہیری اور شاہی خاندان کے درمیان تعلقات کشیدہ رہے ہیں جبکہ اطلاعات کے مطابق ان کے بھائی شہزادہ ولیم سے بھی ان کے روابط نہ ہونے کے برابر ہیں۔ تاہم ہیری نے برطانوی میڈیا سے گفتگو میں ایک بار پھر مفاہمت کی خواہش ظاہر کی ہے۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
پرنس ہیری شہزادہ ہیری یوکرین.ذریعہ: WE News
کلیدی لفظ: پرنس ہیری شہزادہ ہیری یوکرین شہزادہ ہیری نے انہوں نے
پڑھیں:
پینٹاگون کی یوکرین کو ٹوماہاک میزائل دینے کی منظوری
data-id="863a0a8" data-element_type="widget" data-widget_type="theme-post-content.default">
امریکی محکمہ دفاع نے یوکرین کو طویل فاصلے تک مار کرنے والے امریکی ساختہ ٹوماہاک میزائل فراہم کرنے کی منظوری دے دی ہے، جبکہ اس فیصلے پر آخری دستخط صدر ڈونلڈ ٹرمپ کے کرنے ہیں۔
امریکی میڈیا اور حکام کے مطابق پینٹاگون نے وائٹ ہاؤس کو رپورٹ کی ہے کہ یوکرین کو یہ میزائل دینے سے امریکا کے اپنے دفاعی ذخائر پر کوئی منفی اثر نہیں پڑے گا۔ اس کے باوجود صدر ٹرمپ نے حال ہی میں یوکرینی صدر ولادیمیر زیلنسکی سے ملاقات کے دوران کہا تھا کہ وہ یہ میزائل یوکرین کو دینے کے حق میں نہیں ہیں۔ صدر ٹرمپ نے اس ملاقات سے ایک روز قبل روسی صدر ولادیمیر پیوٹن سے بھی ٹیلیفونک گفتگو کی تھی جس میں پیوٹن نے خبردار کیا کہ ٹوماہاک میزائل ماسکو اور سینٹ پیٹرز برگ جیسے بڑے شہروں تک پہنچنے کی صلاحیت رکھتے ہیں، اور ان کی فراہمی امریکا روس تعلقات کو متاثر کر سکتی ہے۔
یہ بھی یاد رہے کہ ٹوماہاک کروز میزائل 1983 سے امریکی اسلحے کا حصہ ہیں۔ اپنی طویل رینج اور درستگی کے باعث یہ میزائل کئی بڑی عسکری کارروائیوں میں استعمال ہو چکے ہیں۔
پرنس اینڈریو کے جرائم پیشہ لوگوں سے تعلقات اور جنسی زیادتیاں، شاہی محل میں تنازع شدت اختیار کر گیا