امریکا: ڈلاس میں امیگریشن اینڈ کسٹمز انفورسمنٹ پر فائرنگ، 2 افراد ہلاک
اشاعت کی تاریخ: 24th, September 2025 GMT
امریکی شہر ڈلاس میں امیگریشن اینڈ کسٹمز انفورسمنٹ (آئی سی ای) کے دفتر پر فائرنگ کے واقعے میں کم از کم ایک شخص ہلاک اور متعدد زخمی ہوگئے۔ حملہ آور نے خود کو بھی گولی مار کر ہلاک کر لیا۔
ڈلاس پولیس ڈیپارٹمنٹ کے مطابق فائرنگ بدھ کی صبح نارتھ ویسٹ ڈلاس میں واقع آئی سی ای کے فیلڈ آفس کے قریب پیش آئی۔ ابتدائی تحقیقات میں بتایا گیا کہ مشتبہ شخص نے قریبی عمارت سے فائرنگ کی۔
یہ بھی پڑھیں: امریکا میں فائرنگ، 2 فائر فائٹرز ہلاک، حملہ آور مردہ حالت میں ملا
پولیس کے مطابق دو زخمیوں کو اسپتال منتقل کیا گیا جبکہ ایک شخص موقع پر ہی جان کی بازی ہار گیا۔ البتہ آئی سی ای کے کسی اہلکار کو نقصان نہیں پہنچا۔ محکمہ ہوم لینڈ سکیورٹی کی ترجمان ٹریشیا مکلافلن نے کہا کہ یہ واضح نہیں کہ متاثرین میں مقامی سکیورٹی عملہ یا دیگر قانون نافذ کرنے والے اداروں کے اہلکار شامل ہیں۔
ترجمان نے مزید بتایا کہ واقعہ ایک فیلڈ آفس میں پیش آیا جہاں نئے گرفتار شدہ افراد کی عارضی پروسیسنگ کی جاتی ہے، یہ کوئی حراستی مرکز نہیں تھا۔
On September 24, 2025, at about 6:40 a.
— Dallas Police Dept (@DallasPD) September 24, 2025
امریکی میڈیا کے مطابق حملہ ممکنہ طور پر قریبی اپارٹمنٹ عمارت کی چھت سے کیا گیا۔ بعض عینی شاہدین نے اسے سنائپر فائرنگ قرار دیا۔
یہ واقعہ ایسے وقت میں ہوا ہے جب صرف دو ہفتے قبل یوٹاہ میں قدامت پسند کارکن چارلی کرک کو ایک سنائپر نے نشانہ بنایا تھا، جس کے بعد امریکا میں سیاسی تشدد کی نئی لہر کے خدشات بڑھ گئے ہیں۔
یہ بھی پڑھیں: امریکا کے شہر منیپولس میں کیتھولک اسکول میں فائرنگ،3 بچے جان سے گئے، متعدد زخمی
امریکی صدر ڈونلڈ ٹرمپ اور نائب صدر جے ڈی وینس سمیت دیگر عہدیداروں نے اس واقعے کا الزام بائیں بازو کی تنظیموں پر لگایا ہے، حالانکہ اس حوالے سے کوئی ثبوت سامنے نہیں آیا۔ ٹرمپ نے پیر کو ایک صدارتی حکم نامے پر دستخط کیے جس کے تحت انتہا پسند گروپ اینٹیفا کو گھریلو دہشت گرد تنظیم قرار دیا گیا ہے۔
واضح رہے کہ ٹرمپ انتظامیہ کی سخت امیگریشن پالیسیوں اور آئی سی ای کی کارروائیوں کے خلاف ڈیموکریٹس اور لبرل کارکنان سراپا احتجاج ہیں۔ گزشتہ مہینوں میں متعدد حراستی مراکز کے باہر مظاہرین اور سکیورٹی اہلکاروں کے درمیان جھڑپیں ہو چکی ہیں، جن میں فائرنگ اور زخمیوں کے واقعات بھی شامل ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
we news امریکا امیگریشن اینڈ کسٹمز انفورسمنٹ پولیس دلاس فائرنگ
ذریعہ
ذریعہ: WE News
کلیدی لفظ: امریکا امیگریشن اینڈ کسٹمز انفورسمنٹ پولیس دلاس فائرنگ آئی سی ای
پڑھیں:
بھارتی بارڈر سیکیورٹی فورس کے ہیڈکوارٹر میں اہلکار کی اندھا دھند فائرنگ، 2 اہلکار ہلاک، تیسرے کی حالت نازک
بھارت کی ریاست مغربی بنگال میں بارڈر سیکیورٹی فورس (بی ایس ایف) کے سیکٹر ہیڈکوارٹر میں ایک اہلکار کی فائرنگ سے 2 اہلکار ہلاک جبکہ ایک شدید زخمی ہو گیا۔ واقعے کے بعد ملزم کو گرفتار کر لیا گیا ہے، جبکہ فائرنگ کی وجوہات جاننے کے لیے تحقیقات کا آغاز کر دیا گیا ہے۔
کشمیر میڈیا سروس کے مطابق یہ واقعہ ضلع مالدہ کے 17 مائل سیکٹر ہیڈکوارٹر میں پیش آیا، جہاں بی ایس ایف کی 119ویں اور 71ویں بٹالین کے ہیڈکوارٹر قائم ہیں۔
ابتدائی اطلاعات کے مطابق 119ویں بٹالین سے تعلق رکھنے والے اہلکار شیوم مشرا نے آرام کرنے والے 71ویں بٹالین کے اہلکاروں پر اچانک اپنی سرکاری رائفل سے فائرنگ کر دی، جس سے کیمپ میں خوف و ہراس پھیل گیا۔
فائرنگ کے نتیجے میں 71ویں بٹالین کے 51 سالہ اجے کمار سنگھ، جو بھارتی ریاست بہار کے رہائشی تھے، اور 37 سالہ امباداس سریش درگو، جن کا تعلق مہاراشٹر سے تھا، موقع پر ہی ہلاک ہو گئے، جبکہ ان کے ساتھی وکاس ورما شدید زخمی ہو گئے۔ زخمی اہلکار کو فوری طور پر قریبی اسپتال منتقل کر دیا گیا، جہاں ان کی حالت تشویشناک بتائی جا رہی ہے۔
واقعے کے فوراً بعد بی ایس ایف کے اہلکاروں نے ملزم شیوم مشرا، جو ریاست چھتیس گڑھ کا رہائشی ہے، کو حراست میں لے لیا۔
حکام کے مطابق ابتدائی طور پر فائرنگ کی وجہ معلوم نہیں ہو سکی، تاہم مختلف پہلوؤں سے تحقیقات جاری ہیں۔ بی ایس ایف نے واقعے کی اندرونی انکوائری شروع کر دی ہے، جبکہ یہ بھی معلوم کیا جا رہا ہے کہ آیا واقعہ کسی ذاتی تنازع، ذہنی دباؤ یا دیگر عوامل کا نتیجہ تھا۔
بھارتی سیکیورٹی فورسز میں گزشتہ چند برسوں کے دوران ذہنی دباؤ، طویل ڈیوٹی اوقات، اندرونی تنازعات اور ساتھی اہلکاروں پر فائرنگ جیسے واقعات متعدد بار رپورٹ ہو چکے ہیں۔
دفاعی ماہرین کے مطابق ایسے واقعات فورسز میں نفسیاتی دباؤ اور فلاحی نظام سے متعلق خدشات کو ایک بار پھر اجاگر کرتے ہیں، جس کے باعث اہلکاروں کی ذہنی صحت اور پیشہ ورانہ معاونت کے نظام پر سوالات اٹھ رہے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
بھارت سے جنگ اور افغانستان میں کارروائی خارج ازامکان نہیں، وزیردفاع