کے سی اے اے کے انتخابات‘بزنس مین پینل کا کامیاب پاور شو کا مظاہرہ
اشاعت کی تاریخ: 26th, September 2025 GMT
data-id="863a0a8" data-element_type="widget" data-widget_type="theme-post-content.default">
کراچی (کامرس ر پورٹر)کراچی کسٹمز ایجنٹس ایسوسی ایشن (KCAA) کے انتخابات 2025ء تیزی سے قریب آتے ہی انتخابی ماحول میں گرما گرمی بڑھ گئی ہے اور انتخابی دوڑ نے نئی شکل اختیار کر لی ہے۔ بزنس مین پینل اور کسٹم ایجنٹس الائنس کے درمیان سخت مقابلے کی توقع کی جا رہی ہے جبکہ بڑی تعداد میں کسٹمز ایجنٹس انتخابی سرگرمیوں میں شریک ہو کر اپنے اپنے امیدواروں کی حمایت کر رہے ہیں۔گزشتہ روز بزنس مین پینل نے ایک کامیاب پاور شو کا مظاہرہ کیا، جس میں کسٹمز ایجنٹس کی بڑی تعداد موجود تھی۔ اس موقع پر افتخار شیخ ، محمود الحسن اعوان اور پینل کے رہنماؤں نے خطاب کرتے ہوئے کہا کہ وہ تبدیلی کا نعرہ لے کر میدان میں اترے ہیں اور ان کی پہلی ترجیح کسٹمز ایجنٹس کے مسائل کا حل نکالنا ہے۔ پینل کے سرپرست اعلیٰ افتخار احمد شیخ اور دیگر امیدواران نے کہا کہ ہمارا منشور شفافیت، میرٹ اور ممبران کے حقوق کے تحفظ پر مبنی ہے اور ہم اپنے وعدوں کو پورا کرنے کے لیے عملی اقدامات کریں گے۔انتخابات کے حوالے سے کسٹم ایجنٹس الائنس اور بزنس مین پینل کے درمیان تنازع شدت اختیار کر گیا ہے، خصوصاً 46 لائسنس منسوخی کے معاملے پر فریقین ایک دوسرے پر الزامات لگا رہے ہیں ۔ بزنس مین پینل نے میرٹ کو ترجیح دیتے ہوئے اپنے امیدوار سامنے لائے ہیں اور تاجر برادری کے مفادات کے تحفظ کو یقینی بنانے کا عزم ظاہر کیا ہے۔ 27 ستمبر کو ہونے والا یہ انتخاب ایسوسی ایشن کی تاریخ کے اہم ترین انتخابات میں شمار ہوگا، جہاں دونوں بڑے گروپ اپنی طاقت کا مظاہرہ کرنے کے لیے سرگرم ہیں۔ کسٹمز ایجنٹس برادری کا کہنا ہے کہ ان انتخابات کے نتائج آئندہ سالوں کی سمت متعین کریں گے اور یہ فیصلہ کن ہوں گے کہ کسٹمز ایجنٹس کے حقیقی مسائل کون حل کرے گا ۔ انہوں نے کہا کہ 31 سے 60 سیریل پر مہر لگا کر بزنس مین پینل کے امیدواروں کو کامیاب کریں۔
ذریعہ
ذریعہ: Jasarat News
کلیدی لفظ: بزنس مین پینل کسٹمز ایجنٹس پینل کے
پڑھیں:
چین کا ایک اور کامیاب خلائی مشن، 5 سیٹلائٹس مقررہ مدار میں داخل
چین نے اپنی خلائی سرگرمیوں میں ایک اور اہم کامیابی حاصل کرتے ہوئے جمعہ کے روز لیجیان-1 وائی 15 کیریئر راکٹ کے ذریعے 5 مصنوعی سیٹلائٹس کامیابی سے خلا میں بھیج دیے۔
چینی حکام کے مطابق راکٹ کو مقامی وقت کے مطابق صبح 7 بج کر 33 منٹ پر شمال مغربی چین میں واقع ڈونگ فینگ کمرشل اسپیس انوویشن پائلٹ زون سے لانچ کیا گیا۔
کامیاب پرواز کے بعد راکٹ نے تمام 5 سیٹلائٹس کو ان کے مقررہ مدار میں پہنچا دیا، جس کے ساتھ مشن اپنے تمام اہداف حاصل کرنے میں کامیاب رہا۔
اس موقع پر جاری بیان میں کہا گیا کہ تمام سیٹلائٹس منصوبہ بندی کے مطابق اپنے مخصوص مدار میں داخل ہو گئے ہیں، جس سے لانچنگ کی کامیابی کی تصدیق ہوگئی۔
یہ مشن چین کے تجارتی خلائی پروگرام کی مسلسل پیش رفت کا مظہر ہے، حالیہ برسوں میں چین نے سیٹلائٹ لانچنگ، خلائی تحقیق اور تجارتی خلائی سرگرمیوں میں نمایاں کامیابیاں حاصل کی ہیں اور ملک اپنے خلائی پروگرام کو مزید وسعت دینے کے لیے مختلف راکٹ مشنز اور سیٹلائٹ منصوبوں پر کام جاری رکھے ہوئے ہے۔
ماہرین کے مطابق اس نوعیت کے کامیاب مشنز نہ صرف چین کی لانچنگ صلاحیتوں کو مزید مضبوط بناتے ہیں بلکہ تجارتی خلائی صنعت کی ترقی اور مستقبل کے خلائی منصوبوں کے لیے بھی اہم سنگ میل تصور کیے جاتے ہیں۔
آپ اور آپ کے پیاروں کی روزمرہ زندگی کو متاثر کرسکنے والے واقعات کی اپ ڈیٹس کے لیے واٹس ایپ پر وی نیوز کا ’آفیشل گروپ‘ یا ’آفیشل چینل‘ جوائن کریں
چین خلائی مشن سیٹلائٹ مدار
بھارت سے جنگ اور افغانستان میں کارروائی خارج ازامکان نہیں، وزیردفاع