سی ڈی اے کا کیپیٹل ایمرجنسی سروسز کی اپ گریڈیشن کا فیصلہ
اشاعت کی تاریخ: 26th, September 2025 GMT
سی ڈی اے کا کیپیٹل ایمرجنسی سروسز کی اپ گریڈیشن کا فیصلہ WhatsAppFacebookTwitter 0 26 September, 2025 سب نیوز
اسلام آباد(آئی پی ایس ) چیئرمین کیپیٹل ڈویلپمنٹ اتھارٹی و چیف کمشنر اسلام آباد محمد علی رندھاوا کی زیر صدارت جمعہ کے روز سی ڈی اے ہیڈکوارٹرز میں کیپیٹل ایمرجنسی سروسز کے حوالے سے اجلاس منعقد ہوا۔ اجلاس میں سی ڈی اے بورڈ کے ممبر پلاننگ اینڈ ڈیزائن ڈاکٹر خالد حفیظ، ممبر انوائرمنٹ اسفندیار بلوچ، ڈی سی اسلام آباد عرفان نواز میمن، ڈی جی کیپیٹل ایمرجنسی سروسز ڈاکٹر عبد الرحمن سمیت دیگر سنئیر افسران نے شرکت کی۔ اجلاس میں اسلام آباد میں کیپیٹل ایمرجنسی سروسز کی اپ گریڈیشن اور جدید خطوط پر استوار کرنے کے حوالے سے تبادلہ خیال کیا گیا۔
اجلاس کو بریفنگ دیتے ہوئے بتایا گیا کہ اس ضمن میں این ڈی ایم اے سے بھی مشاورت و معاونت حاصل کی جا رہی ہے اور کیپیٹل ایمرجنسی سروسز کو مزید مستحکم کرنے کیلئے جدید آلات فراہم کئے جائیں گے۔ اجلاس کو بتایا گیا کہ کیپیٹل ایمرجنسی سروسز کی کارکردگی کو بڑھانے کیلئے ڈرونز، موٹر بائیک اور ریسکیو گاڑیاں فراہم کی جائیں گی۔ اسی طرح ایمرجنسی آپریشنز کی مانیٹرنگ اور جلد ریسپانس کو یقینی بنانے کیلئے ایک جدید ایمرجنسی آپریشن سنٹر قائم کیا جائے گا۔ اجلاس کو بتایا گیا کہ ایمرجنسی آپریشنز سنٹر کی تعمیر کیلئے ایک مناسب مقام کا تعین کر لیا گیا ہے۔
اجلاس کو مزید بتایا گیا کہ جنگلات میں لگنے والی آگ سے نمٹنے کیلئے جدید ترین آلات، خاص طور پر ڈرونز کا استعمال اور واچ ٹاورز بنائے جائیں گے۔چیئرمین سی ڈی اے محمد علی رندھاوا نے کہا کہ ایمرجنسی آپریشنز سینٹر میں رئیل ٹائم ٹریکنگ اور نگرانی کا جدید نظام قائم کیا جائے گا۔ انہوں نے ہدایت کی کہ ایمرجنسی سروسز اکیڈمی میں عملے کی بھرتی اور پیشہ وارانہ تربیت کے عمل کو تیز کیا جائے تاکہ ریسکیو آپریشنز کی کارکردگی کو مزید بہتر بنایا جاسکے۔ چیئرمین سی ڈی اے نے کہا کہ ایمبولینس میں ٹریکرز اور پرائیویٹ ایمبولینس سروسز کے ساتھ منسلک کرکے فوری رسپانس ٹائم کو مزید بہتر کیا جائے۔
انہوں نے اسلام آباد میں مزید سب اسٹیشنز کی تعمیر کو کم لاگت اور جلد تعمیر کرنے پر زور دیا اور کہا کہ اس سلسلہ میں جدید آلات اور ٹیکنالوجی کے استعمال کو ترجیح دی جائے۔ چیئرمین سی ڈی اے نے کہا کہ ریسکیو اسٹیشنز کیلئے ایسے ڈیزائن تیار کئے جائیں جو کم لاگت کے ساتھ ساتھ سٹریٹجک لوکیشن پر واقع ہوں۔ انہوں نے کہا کہ ہاسنگ سوسائٹیز اپنے ایریاز میں فورا ہنگامی صورتحال سے نمٹنے کیلئے ریسکیو اسٹیشنز قائم کریں۔چیئرمین سی ڈی اے نے کہا کہ ان تمام اقدامات کا مقصد دارالحکومت اسلام آباد میں شہریوں کے تحفظ کیلئے ایمرجنسی سروسز کے معیار کو بہتر بنانا ہے۔ انہوں نے مزید کہا کہ کیپیٹل ایمرجنسی سروسز کو جدید سہولیات و آلات سے مزین کرنے کیلئے تمام دستیاب وسائل بروئیکارلائیجائیں۔
روزانہ مستند اور خصوصی خبریں حاصل کرنے کے لیے ڈیلی سب نیوز "آفیشل واٹس ایپ چینل" کو فالو کریں۔
WhatsAppFacebookTwitter پچھلی خبرتمام یرغمالی رہا کرو تو زندہ رہو گے ورنہ مار دیئے جاو گے، نیتن یاہو کی حماس کو دھمکی تمام یرغمالی رہا کرو تو زندہ رہو گے ورنہ مار دیئے جاو گے، نیتن یاہو کی حماس کو دھمکی آئی سی سی میں پیشی؛ سوریا کمار اور حارث ر ئوف پر جرمانہ،صاحبزادہ فرحان کو وارننگ جاری ایمان مزاری کا جسٹس ڈوگر کیخلاف درخواست پر عدم کارروائی پر شکایتی خط کوہستان مالیاتی اسکینڈل کے 4 ملزمان پلی بارگین کے تحت رقم واپس دینے پر تیار جامعہ کراچی نے جسٹس طارق محمود جہانگیری کی ڈگری منسوخ کردی فتنۃ الہندوستان کے دہشتگرد جہانزیب کے اعترافی بیان میں ہوش رُبا انکشافاتCopyright © 2025, All Rights Reserved
رابطہ کریں ہماری ٹیم.
ذریعہ
ذریعہ: Daily Sub News
کلیدی لفظ: سی ڈی اے
پڑھیں:
قادر آباد بیراج پر اونچے درجے کا سیلاب، چناب میں پانی کا بہاؤ بڑھ گیا
محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔ اسلام ٹائمز۔ دریائے چناب میں پانی کے بہاؤ میں اضافے کے بعد قادر آباد بیراج پر اونچے جبکہ مرالہ اور خانکی بیراج پر درمیانے درجے کا سیلاب ریکارڈ کیا گیا ہے۔ محکمہ انہار کے مطابق ہیڈ مرالہ پر پانی کی آمد ایک لاکھ 95 ہزار 856 کیوسک جبکہ اخراج ایک لاکھ 60 ہزار 108 کیوسک ریکارڈ کیا گیا، جہاں درمیانے درجے کا سیلاب ہے اور پانی کے بہاؤ میں اضافہ ہو رہا ہے۔
خانکی بیراج پر پانی کی آمد ایک لاکھ 65 ہزار 438 کیوسک اور اخراج ایک لاکھ 60 ہزار 108 کیوسک ریکارڈ کیا گیا، جہاں نچلے سے درمیانے درجے کا سیلاب ہے۔ محکمہ انہار کے مطابق قادر آباد بیراج پر پانی کی آمد 2 لاکھ 45 ہزار 234 کیوسک جبکہ اخراج 2 لاکھ 41 ہزار 415 کیوسک ریکارڈ کیا گیا، جہاں اونچے درجے کا سیلاب ہے۔
تحریکِ تحفظِ آئینِ پاکستان کا پارلیمنٹ ہائوس سے دھرنا ختم